الموضوع: شــوفـتــوا الفــــراغ بــيــعــمــل أيـــــــــــــه !!!!!!!!

المشاركة الأصلية كتبت بواسطة eslamrace

بجد شغل هايل واللوحه اللى خلصت تحفه بس يا ريت تفنش الباقيين وترفعلنا صورهم
وربنا يكون فى عونك لان السياحه فعلا مش باينلها

أشكرك جداً على ذوقك وكلأمك الطيب , أنت كده هاتخلينى أتغر فى نفسى .. بس أوعدك أول ما أخلص اللوحات كلها هاعرضهم تانى فى المنتدى تكملة لنفس الموضوع عشان يبان الفرق اللى فيهم بعد الشغل ما يخلص .. أشكر حضرتك مرة أخرى على ذوقك (-:

المشاركة الأصلية كتبت بواسطة airforces

دا احنا طلع معانا فنانين جامدين يا جدعان
اخر واحدة معدية اوى استمر يا باشا وممكن تعرضهم بعد كدا وتبيعهم فعلا

والله أنا مش عارف أرد وأقول أيه بعد الكلمتين الحلوين دول , وعلى فكرة أنا بحاول أطبق كلأم حضرتك وأجمعهم علشان أعرضهم كلهم مرة واحدة بس أمتى بقى . الله وأعلم ,المشكلة فى الرسم أنه عاوز دماغ رايقة وفكر صافى ..أشكر حضرتك مرة أخرى وجزاك الله خيراً

المشاركة الأصلية كتبت بواسطة omar61995

أخر واحدة جامدة جداً

أشكرك جداً على ذوقك , ده بس من روحك الطيبة (-:

المشاركة الأصلية كتبت بواسطة a7med_pharma

هايل على فكرة ..

موهبة التلوين عندك 100% .. وموهبة الرسم 80%
ده رأيي يعني

استخدامك للفرشة وتنسيق الالوان هايل

انا برسم بورتريهات .. لكن بالقلم الرصاص بس
ومش بعرف ألون هههههههههههههههه

أنت على فكرة مبالغ جداً ههههههههه,وكمان نسبة 80% دى كتير أوى عليا . أنا بصراحة فى حاجات كتير لسه مش متمكن منها فى شغل الريشة والرسم وده لأنى مش دارس فن والموهبة الفطرية هى اللى بتحركنى . بس على فكرة أنا متفق معك أن شغل التلوين بالزيت صعب ودقيق جداً , ولكن أنا هاقولك على السر اللى لو عرفته يبقى هاتعرف أزاى تستخدم الريشة وهاتدعيللى .السر هو أنك تدرس وتفهم عجلة الألوان واللى عن طريقها هاتعرف أزاى تتحكم فى درجات اللون وديه ممكن تلأقى عنها كل المعلومات فى جوجل ويو تيوب . أرجو أن أكون قد أفدتك وأشكرك مرة أخرى على ذوقك ومشاركتك (-:

المشاركة الأصلية كتبت بواسطة misoalex

ماشاء الله شغل جميل

طب مفكرتش تبيع اللوحات دى او تشتغل فى المجال ده ؟؟
حاول تشتغل لحسابك مش لحساب محلات لان المحلات بيخسفو بالحاجه الارض

أيدى على كتفك , دلنى على المحلأت دى واللى يطلع بالنص ههههههه, والله أنا معاك أن المحلأت فعلأً بتخسف بالحاجة الأرض والمشكلة أن المجال ده الصينين ماسبهوش بردوا وغزوا الأسوق بلوحات كتير كبيرة وباسعار زهيدة 40 و50 جنيه , بصراحة أنا كمان ما كنتش مركز فى الرسم أوى بسب أن السياحة كانت واخدة وقت الواحد كله .. بس هاقول أيه . الواحد مش عارف النصيب فين !!!!
أشكر حضرتك كثيراً

ماشاء الله شغل عالي قوي وجميل