الحمد لله علي فضلة العملية خلصت علي خير
الواحد مش عارف يقول اية السبب الرئيسي في اللي حصل ان مسمار قاعدة الموتور اللي راكب من عند سير الكاتينة فك و وقع في فارغة الكاتينة و طبعا ضرب ترس الكرنك و اللي لسة مغيرة في الصيانة يوم 29/2/2012 و طبعا رحلة العناء بدئت للبحث عن ترس الكرنك الاصلي و اخيرا بعد ما لفيت 3 ساعات في التوفيقية عند بتوع قطع غيار الاوبل اخيرا لقيتة عند سرور اللي ورا القضاء العالي
و علي فكرة انا جبت سير كاتينة جيس من عند الشركة المتحدة ب 50 جنية و بان لية الفرق بينة وبين السير كونتنتال في الخامة و السعر لان كونتنتنال جبتة ب 70 جنية و فرق الخامة لصالح جيتس
و طبعا رجعت علي الحاج عبد الحليم و انا حاطت ايدي علي قلبي لحسن العربية تكون جابت صبابات او يظهر اي حاجة تاني بس الحمد لله ربنا ستر و دارت و بقت زي الفل
وفي اخر كلامي احب اوجة الشكر للاخ العزيز محمد طناني لانة بصراحة انسان محترم جدا
انا كنت بقراء التعليقات في المنتدي عن اللي بشكروة علي الواجبات اللي بيعملها بس بصراحة الراجل ماسبنيش خالص سواء بحضورة او من خلال المتابعة بالتليفون مع العلم بان الفترة دي عند اي محاسب بتكون الدنيا مش مظبطة و عندة الف حاجة شغلاة
فعلا الناس معادن و بتبان في المواقف ...... وربنا يقدرنا و نقدر نرد و لو جزء بسيط من الجمايل اللي علينا