اقتباس المشاركة الأصلية كتبت بواسطة شريف مشاهدة المشاركة
جميل بجد
ممكن تقول خطوه بخطوه انت عملت ايه
يا باشا دة بس من زوقك
انا عملت الكلام اللى قالوا عليه شنورى ونونيتة وفارما ودة كل الموضوع باختصار
الادوات
لوح زجاج بمقاس الرسمة اللى حترسم عليها ... وانبوبة ريليف ... والوان زجاج اللى حتلون بيها
تجيب التصميم اللى حترسمه وتثبته تحت الزجاج اللى حترسم عليه وتبدأ تشف الرسمة بالريليف على الزجاج
وتتركه ينشف بس تسيبه فترة محترمة علشان ينشف كويس 6 , 7 ساعات مثلا
بعد كدة بتجيب اللون وفى كذة طريقة فى استخدام الالوان يا بالفرشة يا بالقطارة والالوان بتتخفف بالتنر
وترجها كويس كدة داخل القطارة وتبدأ تحط لون لون وتتركه ينشف ... طبعا الناس المحترفة بيلونوا الرسمة كلها مرة واحدة
بس انا بتانى شوية علشان الاخطاء فى الاول حتلاقيها كتير لحد ما ايدك تاخد على الموضوع

اقتباس المشاركة الأصلية كتبت بواسطة donzi مشاهدة المشاركة
اللههههههههههههه فكرتني بايام المدرسة و دي كانت هوايتي الاولى و اي حاجة فنية بتتعمل بالايد كنت راشقة فيها

الاخوة قالولك كل حاجة تقريبا و حبيت اقولك بس ان في نوع جميل اوي من الوان الزجاج بعد ما بينشف بيبقى مضلع او متكسر كدا زي الاشعة و مع الاضاءة لونه بيقلب و بيعكس بس انا مش فاكرة اسموا ايه

و في رسمات ممكن تشيل الريليف منها بعد ما تخلص تلوبن و تنشف

و ممكن كمان الرسم بالالوان دي على المرايات بس بعد ما تتفرغ يعني بتفرغ الرسمة على ضهر المراية بمية نار متخففة و بعدين تلون الفاراغات دي و بعدين المرايا تتحط في مكان او ركن و وراها اضاءة

بتبقى تحفة لما الاضاءة بتخرج من الرسمة المفرغة بالالوان من المرايا، انا كنت عاملة واحدة على شكل طاووس و انا في المدرسة كانت تحفة
انا من كام يوم طلعت كراسة رسم كانسون بتاعتى وانا صغير مكتوب عليها 2/4 تانية رابع هههههه بس فيها شوية رسم جامد جدا
كنت زمان بحب الرسم دة والاركت وبالذات الاركت عملت بيه حاجات كتير زخارف اسلامية كانت جميلة بس للاسف ضاعت ومش عارف هى فين
عموما ان شاء الله حبقى اشوف موضوع الالوان دة بس لما اتقن الموضوع اكتر لان الرسم على الازاز دة واضح انه محتاج ممارسة علشان الواحد يتطور فيه
وعايزين نتفرج على صورة المراية وشكرا لحضرتك على مرورك