محتاج رايكم ضرورى فى شراء اكس تريل ماشية 30 الف كيلو

**Manchestrawy** · 23-03-2012 12:37 AM

مش محتآجه تفكير طبعا الاكس تريل .. ومتفكرش تاني والسعر اانا شايفه منآسب
لو جربت الاكس تريل مش هتروح للقشقاي ..

**hugan** · 23-03-2012 01:14 AM

الناس هاجمتني هجوم شنيع
مش عارف ليه
انا لما قلت مبني للمجهول حقيقه
بالعقل
القشقاي عربيه محترمه وعلي العين والراس وانجليزي وزي الفل
نزلت السوق من امتي
اي عربيه جديده ايا كان نوعها من وجههه نظري البسيطه علي الاقل
محتاجه لفتره علشان تبان ان تستحق الدعايه وتستحق الكلام اللي بيتقال عليها ولا لا تستحق
وهاضرب مثال بالجيتا والباسات اصحاب الفتيس الشهير
وان كنت غلط في السعر والعربيه ب 225000 مش 250000
بسيطه نخلي ال 25000 الفرق عندي
انما الاكس تريل
عربيه ياباني كمان
2500 سي سي
د فع رباعي
وزي ما الاخ وضح فيها كميه كماليات محترمه
كيلو متر قليل جدا
اكيد المقارنه لصالحها
لو عربيه نضيفه اكيد افضل من القشقاي اللي ماحدش شافها في الشارع انا شخصيا غير مره واحده
وكون الاخوه ميالين للقشقاي زي الاخ احمد تي في
دي وجهه نظره هو حر فيها
ا

**Ahmed.TV** · 23-03-2012 02:13 AM

اهلا بيك يا اخ هوجان

المشاركة الأصلية كتبت بواسطة hugan

الناس هاجمتني هجوم شنيع
مش عارف ليه

اولا محدش بيهاجم حد هجوم شنيع .. حضرتك بتقول رايك فى موضوع مفتوح للجميع .. واكيد طبعا لازم حنرد ونتكلم ونتناقش .. وممكن نوافقك فى الراى او لا .. فاعتقد انه عادى جدا

انا لما قلت مبني للمجهول حقيقه

واحنا كا عضاء نيسان .. وبتعاملنا مع الوكيل .. وعلى دراية باخبار السوق .. ومشكل السيارات .. وواقع مستقبلها والتخطيط اللى بتخططه نيسان ومبيعاتها واى عرقلة بتحصل فيها .. بنعرفها كويس .. من الوكيل نفسه

والقاشقاى منتشرتش فى مصر لان نزل منها مانيول .. والناس اتجاها للاتوماتيك .. وكمان ظروف البلد هى اللى قصرت على استراد العربية الفترة اللى فاتت وكان بيحصل تاخير فى الشحن بسبب اوضاع البلد
والعربية ال 1600 ابتدوا يتنتجوا منها فى اروبا حديثا بالطلب عشان اللى بينزل منها من 2007 2000 سى سى

والعربية القاشقاى بره محققة مبيعات وشغل كويس جدا
وفى مصر
الاتوماتيك منها لسه مطروح فى السوق من شهر .. وتقريبا اللى وصل منها من 100 الى 200 عربية .. وخلصوا بسرعة واتخطفوا .. ومع استمراية وصول العربية بكميات حتنتشر جدا ..
غير سمعت الوكيل وسمعت سياراته .. وبالاخص المستوردة من بره
والحاجة الصح اللى عملها المرة دى الوكيل انه طرح القاشقاى وحيطرح الجوك باسعار منافسة جدا وفى متناول الجميع .. على عكس ظلمه للتيدا والليفينا والبلوبيرد بالاخص اللى تمنها وصل الى 155 الف وكان مفروض متزدش عن 140 الف

بالعقل
القشقاي عربيه محترمه وعلي العين والراس وانجليزي وزي الفل
نزلت السوق من امتي
اي عربيه جديده ايا كان نوعها من وجههه نظري البسيطه علي الاقل
محتاجه لفتره علشان تبان ان تستحق الدعايه وتستحق الكلام اللي بيتقال عليها ولا لا تستحق
وهاضرب مثال بالجيتا والباسات اصحاب الفتيس الشهير

كلام سليم .. بس نيسان دايما مش بتهتم بالدعاية .. ومعروف كدا على عربياتها .. والدليل الصنى .. اللى مغرقة السوق .. مش معمول ليها دعاية
وزى ما قولتلك القاشقاى .. ردى كان بالاعلى بسبب تاخير نزولها

وان كنت غلط في السعر والعربيه ب 225000 مش 250000
بسيطه نخلي ال 25000 الفرق عندي

كان لازم نوضح نقطة السعر ولازم يعرف سعر العربية من الجديد الى المعروضة كام بالظبط
وده دورنا .. حتى لو حضرتك وقعت منك المعلومة .. فبندخل نكمل بعض .. فمش المقصود تريقة

وعلى فكرة الاكس تريل المعروضة للبيع ممكن تنزل كمان الى 165 الف .. والسعر 175 كتير عليها
لان فى 2008 ماشية 85 الف ب145وهاى لاين .. وحتى لو ماشية كليوهات زيادة عنها .. مفيش مشكلة لانها دفع رباعى .. مش زى العربيات العادية .. وعفشتها مختلفة عن العربيات العادية
فالعربية اللى مطروحة على العضو ب175 الف كتير .. لو قولنا هاى لاين بردوا وفيها شوية دلع يبقا اخرها 165 الف لو حالتها نظيفة فعلا

انما الاكس تريل
عربيه ياباني كمان

بس تقفيل مصرى

2500 سي سي
د فع رباعي

كان لازم نقوله عشان يكون عارف اذا مكنش فاهم .. نقوله بردوا ان استهلاك البنزين ايه
والضريبة .. والكلام ده كله .. مش عشان ميل للقاشقاى .. عشان نوضوحله كل الصور ونحطله مقارنات ممكن تفيده ..وميجيش يقولنا مش قولناله ليه على البدائل مثلا لو كانت تناسبه ..وفى الاخر اختياره .. وهو وظروفه والانسبله

وزي ما الاخ وضح فيها كميه كماليات محترمه
كيلو متر قليل جدا
اكيد المقارنه لصالحها

وضحت فى كلامى بالاعلى

لو عربيه نضيفه اكيد افضل من القشقاي اللي ماحدش شافها في الشارع انا شخصيا غير مره واحده

رديت على موضوع سبب قلة الانتشار للقاشقاى فى اعلى الردود
واخيرا الاكس تريل .. بقالها من 2007 هنا فى مصر .. ونادر ما بشوفها فى الشارع بردوا
ودى هى اللى مشكلة لان بقالها فترة فى مصر
والقاشقاى المانيول بقالها سنة .. وزى ما وضحت عدم سبب الانتشار ليه
اما الاتوماتيك منها .. لسه بقاله شهرين

وكون الاخوه ميالين للقشقاي زي الاخ احمد تي في
دي وجهه نظره هو حر فيها

ده اكيد
بس هنا فى قسم نيسان .. بنحب نفصص ونوضح كل حاجة .. ونتناقش
عشان كثرة النقاش بتفيد صاحب الموضوع
واحنا فى منتدى سيارات .. ومعمول عشان نضع ارائنا المختلفة فيه .. ومش شرط تكون كلها متوافقة مع بعضها .. فمش موجودين عشان نهاجم بعض هجوم شنيع .. وبالاخص فى نيسان

المهم اننا اخوة فى الله فى النهاية.. مهما اختلافنا

ا

الرد فى الاقتباس بالازرق

واهلا بيك معانا فى قسم نيسان
تحياتى العطرة ليك
منسق القسم
احمد مصطفى

**hugan** · 23-03-2012 02:21 AM

المشاركة الأصلية كتبت بواسطة ahmed.tv

اهلا بيك يا اخ هوجان

الرد فى الاقتباس بالازرق

واهلا بيك معانا فى قسم نيسان
تحياتى العطرة ليك
منسق القسم
احمد مصطفى

ياباشا انا مقدرش بصراحه ارد الردود القويه دي
الحجه بالحجه
كلام جميل وكلام معقول
ماقدرش اقول حاجه عنه
لكن انا لو مكانه اشتري الاكس تريل يمكن لاني وصلت ل40 وحاسس ان القشقاي اكثر شبابا

**Ahmed.TV** · 23-03-2012 02:42 AM

المشاركة الأصلية كتبت بواسطة hugan

ياباشا انا مقدرش بصراحه ارد الردود القويه دي
الحجه بالحجه
كلام جميل وكلام معقول
ماقدرش اقول حاجه عنه
لكن انا لو مكانه اشتري الاكس تريل يمكن لاني وصلت ل40 وحاسس ان القشقاي اكثر شبابا

ال 40 السن الاكثر شبابا ونضوجا .. والشباب شباب القلب
ما الصنى .. عربية شكلا لناس كبار .. والشباب كلهم راكبينها

طيب تصدق بالله
القاشقاى اكثر اللى بيتفرجوا عليها وبينبهروا بيها الناس الكبار .. لما بشوفها فى التوكيل بيتفرجوا عليها .. وسيدات ورجال كبار من سن 35 سنة وانت طالع

اللى فعلا حتكون عربية شبابى شكلا وموضوعا .. الجوك اللى حتنزل
بس والله انا لو عندى 50 سنة .. ومعايا تمن الجوك كنت ركبتها