ان شاء الله احتمال اسافر اليابان قريب ياترى ممكن ايه هناك يبقى لقطة
لقدر اجيبه من هناك
يعنى مثلا اجهزة كهربائية والكترونية وكده
شكرا
عرض للطباعة
ان شاء الله احتمال اسافر اليابان قريب ياترى ممكن ايه هناك يبقى لقطة
لقدر اجيبه من هناك
يعنى مثلا اجهزة كهربائية والكترونية وكده
شكرا
مثلا تليفزيون ال سي دي مثلا او ممكن تشتري دي في دي و لو ناوي تصرف تجيب عربيه و تدفع جماركها و تبقي وفرت مكسب التوكيل و اسمك راكب ياباني 100% درجه اولي
شويه معلومات عن اليابان علي الماشي علي حسب معرفتي :
معظم الاكل هناك له علاقه ما بالسمك حتي البسكوت بطعم السمك
لو دخلت اي مكان لازم تقلع الجزمه و ممكن تلبس شبشب بيسموه واباكي
لازم تنحني تحيه للشخص اللي حضرتك بتكلمه
متظهرش عدم اعجاب باي شئ لان بيعتبروه عدم احترام و خصوصا الاكل
لو افتكرت اي حاجه تانيه هقولهالك
كل ما هو الكتروني
يعني ما ارتفعت قيمته وقل حجمه
كاميرا ديجيتال
الة حاسبة متطورة
ساعات
مش فاكرة ايه تاني
وما تنساش تجيب لمامتك او خطيبتك او مراتك كيمونو وجزمة خشب ومروحة وشمسية من بتوعهم
انا باتكلم جد على فكرة دي هتبقى ذكرى تجنن
اتعلمت لما اسافر اي حتة اني مجيبش غير الحاجات اللي مش موجوده في بلدي وبس
تحياتي
اتاكد قبل ما تروح لان اللي اعرفه ان الحاجه في اليابان غاليه بغباء
ياباشا متجيبش حاجه
انتا ياتقعد هناك تستقر
ياتربط اليابان كلها بحبل وتقطرها لحد عندنا هنا
يمكن نتعدي منهم ولا حاجه
اهم حاجه اوعى تجيب موبايلات لأنها تقريبا مش بتشتغل في مصر
هات ساعة كاسيو g shock
ولا أي حاجة خالص
الحاجة هناك غالية
و الدولار بيعمل في حدود 100 ين ( مش عارف دلوقتي كام بالضبط )
يعني لو حاجة مثلا ثمنها 5000 ين معناها 50 دولار
و احتمال كبير تلاقي حاجات معمولة في الصين خصوصا في المحافظات أو المناطق البعيدة عن العاصمة
و حاجة كمان اليابانيين معتزيين بلغتهم ( مش زينا هنا كل واحد فرحان انه لسانه معووج بكام كلمة انجليزي ) فمش هتعرف تتفاهم معاهم
كلمة شكرا باليابانية أنيكاتو 感謝
النصائح خلاصة تجربة زيارة سريعة لليابان تحديدا ناجويا
السلام عليكم ورحمة الله وبركاته
اولا تسافر وترجع بالسلامة انشاء الله
ثانيا بالنسبة للحاجات اللى ممكن تجيبها من اليابان انا حنبهك لبعض الحقائق المهمة فى البداية
1- الكهرباء فى اليابان 110 فولت ولكن فى مصر 220 فولت فلو حتشترى حاجة بالكهرباء تتأكد من انها للاستخدام انترناشيونال.
2- بالنسبة للتليفزيونات فاليابان بتشتغل على نظام مختلف عن مصر فغالبا التلفزيون اللى حتجيبو من هناك مش حيشتغل فى مصر.
3-بالنسبة لل dvd نفس الكلام فى البند السابق ينطبق عليها ولكن ممكن تجيب حاجة تكون غير مرتبطة بمنطقة معينة.
4-هناك تفاوات كبير فى الأسعار من مكان لاخر فيجب أن تبحث عما تريد فى أكثر من مكان
5- اذا كانت زيارتك بالقرب من العاصمة طوكيو فيمكنك الذهاب الى المدينة الالكترونية فى اكيهابارا ستجد الكثير من الاشياء الجيدة كما يمكنك الشراء من المحلات التى لا تحسب على السلعة ضريبة باعتبارك فى سياحة
6- بالنسبة للسلع ذات الماركات المعرفة ك كانون باناسونيك او ما شابه وحتى ان كانت مصنوعة فى الصين فهى ذات جودة عالية جدا
7-بالنسبة للاكل فلازم تبعد عن اى حاجة فيها لحوم او فراخ او مشتقاتها
بالنسبة للحاجات اللى ممكن تجيبها
1- الساعات
2-الكاميرات
3-أجهزة الكمبيوتر المحمول
4-ماكينة حلاقة الذقن أو الشعر
5-مستلزمات الكمبيوتر بشكل عام
بالنسلة للاسعار ممكن تكون زى مصر وأغلى بس عن تجربة هناك فرق شاسع فى الجودة
أنصحك بعدم شراء أجهزه كبيره الحجم أو ثقيله الوزن كتلفزيون او مكنسه او ما شابه....فالضريبه الجمركيه على التلفزيونات مثلا بالبوصه وترتفع كلما زاد جوده المنشأ فضريبه الكورى تقل عن ضريبه اليابانى مثلا..فعند الحساب تجد ان الجهاز بعد الجمارك والشحن والارضيات ومصاريف التخليص الجمركى ان وجد تعادل قيمه أعلى من قيمه شرائه من مصر.....
لذا انصح بشراء ما خف وزنه وعلت قيمته ويمكن وضعه بحقيبه اليد وغير متوافر فى مصر
هات معاك زكريات، يعنى روح متاحف، اتفرج على احياء قديمة، اماكن اثرية، مصانع.... الخ
انعش تجاربك و سيبك من الاجهزة، كله فى الاخر هييجى مصر.
اولا وعن تجربة سفر هناك هتستمع اوى بالبلد لان حضارة هتلاقى
ناس محترمة هتلاقى أماكن أثرية هتلاقى
قبل ما تروح هناك فى اشتراك ب 200 يورو يحقلك ان تركب القطر السريع والمترو والباص
والعبارة اللى تبع شركة وهى شركة المواصلات العامة اليابانية وفى شركات خاصة مينفعش تركب بيه
بنفس الاشتراك يعنى لازم تذكرة تانية ( الاشتراك هيوفر عليك فلوس كتير أوى فى التنقل )
الالكترونيات صغيرة الحجم هيا اللى هتوفر معاك كتير
ولو محتاج اى معلومات عن أماكن للزيارة قولى ( ارشحلك مدينة اسمها كاماكورا يالظبط ساعة من طوكيو )
اسأل الأول إذا كان السياح بيدفعو ضرايب ولا لأ علشان الضرايب هناك غالية جداً (في بعض البلاد بتشتري عادي وبتحتفظ بالفواتير ولما تكون خارج من البلد بتقدمها وتسترد فلوس الضرايب)