الموضوع: جنط 14 صينى ب 1200 جنيه بالتركيب ايه رأيكم ؟

المشاركة الأصلية كتبت بواسطة bam8572

الف شكر لحضراتكم بس ياترى سعرى الصينى ابو 800 دا جديد ؟ يعنى دا سعر اليومين دول ؟

على كل حال الف شكر لحضراتكم وانا والله مش عارف ايه بس بجد النقشات فى الاندونيسى والتايوانى شكلها وحش جداً ولما تلاقى حاجة حلوة وتشوفها على العربية تحس انها صغيرة جداً بتبقى الشفة كبير وللأسف طول الريشة (الدراع ) قصير فتحس انه جنط 13 مش 14 ولاحتى 15

عموماً ربنا ييسر الحال وبعد كلامكم دا وبعد ما بلف اشوف المنتديات التانية وناس بتقول انه سئ جداً وناس تانية تقول مركباه من عمر ومفيش اى مشكلة , اصلى استخارة وربنا يوفقنا للأحسن

أوعى بس الناس اللى ركبته و بتقول كويس يكون هو ما اتعرضش لاختبار معاهم و بستحسن تتاكد من الموضوع ده منهم. يعنى لو استخدام عادى و ما لبسش بيه مطبات و لا نقر هيمشى و مش هيقول لَا لكن الفكره فى المفاجآت الغير ساره

على فكرة يا باشا مش لازم تجيب جديد يعنى ممكن تنزل بورسعيد او عزبة سلبى فى القاهرة هتلاقى ناس بتبيع جنوط استيراد تحفة و شكلها جامد و الخامة مقولكش و احسن بكتير من الصينى المعفن ده و الشكل هيبقا جامد برضو و محدش بيبقا مركب زيك لان الجنوط الاستيراد دى بتبقا بالحظ مش كلها شكل واحد انا حتى ناوى اجيب واحد و هيبقا ب 800 جنيه بس مركة و نضيف و اصلى مش صينى تعبان و حتى لو هتصرف عليه 100 جنيه بوهية عشان تجددو هيبقا احس من الجديد برضو انتى هتركبو على ايه الاول

و عموما لو عاوز جديد عليك و على الرومانى فى التوفيقية ده جبار الجنوط عندو كل حاجة بس ياريت تقولى هتكربهم على ايه و مقاس الكوتش هيبقا كام عشان كل ما المقاس كان عالى كل ما الحمل على الجنط كان خفيف يعنى ممكن الصينى يستحمل بس لو هتجبلو كاتوش عالى و كمان لو مش هتوطى العربية و هتركب صدادات اما لو هتركب كاوتش واطى و صدادات و هتوطى بيبقا الحمل كلو على الجنوط فا لازم الجنط يبقا جامد عشان يستحمل

الف شكر ياجماعة
ان شاء الله هركب طقم تايوانى rck

هكمل مبلغ كدا عشان اركب كاوتش مع جنط وابقى ظبطت العربية



جازاكم الله خيراً جميعاً ويغلق للإنتهاء