مشاركة لبعض اسعار قطع غيار لادا سمارة

**AmgadSameer** · 10-09-2016 03:11 AM

المشاركة الأصلية كتبت بواسطة AmgadSameer

يا جماعة، انا هشتري ان شاء الله لادا سماره، عايز اعرف رأيكوا ايه فيها، وبخصوص مشكله الحراره اللي كل الناس بتتكلم عنها ليها حل ولا لا، واشكركم

https://www.facebook.com/groups/858330857516168/

ده جروب اللادا سمارا يا جماعه ياريت كل اصحاب اللادا سمارا تشاركنا

**ahmedshehata45** · 07-10-2016 12:09 PM

المشاركة الأصلية كتبت بواسطة عمرو عقبه

اخونا الل بيسال على الماستر الضفدعه .. اتعطل ف عربيتى والصنايعى لغاه والدنيا ظبطت بعد ما لغيته لانه كان بيعمل مشاكل ويضرب المساتر الخلفيه هو وظيفته مشترك توزيع بس
اخونا الل بيسال على الموتور .. الموتور 1500 سي سي كان ب 3 الاف من فتره من عند الحاج حسين الصعيدى ف عزبة شلبى وما اعتقدش انك تلاقى 1300 سي سي وكان بكل مشتملاته بالفتيس والمارش والاسبراتير والكربراتير
اخونا الل بيتكلم عن مشكلة ترس المارش.. لو دا تشخيص سليم فك المارش وشحم الاكس بتاعه من عند الترس وارجع بالمارش سنه لورا .. يعنى ركب ورده فى كل مسمار قبل ما تدخله فى الفتيس وان شاء الله يظبط معاك ولو انى مش مقتنع بالتشخيص ده .. لانه كان بيعلق معايا بس بيعمل صوت تانى

إيه الجمال والمعلومات الروعة دي يا شيخ عمرو ده أنتة ما شاء الله عليك بقيت أستاذ في السمارة جزاك الله خير على المعلومات القيمة دي

**ahmedshehata45** · 07-10-2016 12:14 PM

المشاركة الأصلية كتبت بواسطة عمرو عقبه

كربراتير اصلى 900 من اوتو لادا من حوالى اربع شهور اسبراتير تركى ب180 سلك دبرياج 60 فتيس استيراد من عزبة شلبى 1000 طنابير امامى وخلفى روسي اصلى 750 دينامو استيراد من خالد دينامو بتاع الشاهين فى دار السلام ب130 طرمبة بنزين اصلية ب95 والكهرباء بوش صينى ب70 الفوانيس قدام ديبو بالاشارة الجوز ب320 بالعافية وش الفانوس الخلفى ب40 االواحد سلك عداد السرعة ب50 الاسعار دى من تلات شهور تقريبا بالتوفيقية اوتولادا والفتيس من عزبة شلبى
مشاركة اخونا احمد حسان ف الجروب

الف شكر على المعلومات القيمة يا شيخ عمرو

**رامي عوده** · 20-10-2016 10:42 PM

السلام عليكم انا عضو جديد معجب جدا بلادا سمارا وناوي اشتري بس تنصحوني بموديل كام

**ahmedshehata45** · 21-10-2016 04:01 PM

المشاركة الأصلية كتبت بواسطة رامي عوده

السلام عليكم انا عضو جديد معجب جدا بلادا سمارا وناوي اشتري بس تنصحوني بموديل كام

منورنا العربية السمارة عموما عربية ممتازة والفروقات بين الموديلات مش كبيرة ومعظم قطع الغيار مشتركة انا عن نفسي معايا موديل سمارة 87 والحمد لله بقالها معايا حوال 8 سنين ومشاكلها قليلة جدا وقطع غيارها متوفرة وخصوصا في القاهرة وسيبك من أي حد يقولك إن قطع غيارها مش موجودة

**رامي عوده** · 22-10-2016 11:43 AM

المشاركة الأصلية كتبت بواسطة ahmedshehata45

منورنا العربية السمارة عموما عربية ممتازة والفروقات بين الموديلات مش كبيرة ومعظم قطع الغيار مشتركة انا عن نفسي معايا موديل سمارة 87 والحمد لله بقالها معايا حوال 8 سنين ومشاكلها قليلة جدا وقطع غيارها متوفرة وخصوصا في القاهرة وسيبك من أي حد يقولك إن قطع غيارها مش موجودة

**Colin Chapman** · 31-10-2016 08:35 PM

المشاركة الأصلية كتبت بواسطة asaeed

والله هي العربية عجباني والحمد لله لكن فيه ناس ومن ضمنهم واحد بتاع اكسسوارات عربيات عندي في المنطقة كل ما أقول لهم اني اشتريت لادا سمارا يقولو لي ياااااااااااه... ((دي فيها وفيها وفيها... وبتسخن جامد... وقطع غيارها مش موجودة... والكربراتير له 8 بك هوا))... مش عارف بقى إيه الموضوع.... أنا حاطط إيدي على قلبي ربنا يستر بإذن الله لحسن أنا والله مش حمل حاجة اليومين دول خالص وخصوصًا أعطال لأني وقتي ضيق جداااااااا

https://www.youtube.com/watch?v=uhrOPWG4xf0

**ahmedshehata45** · 15-03-2017 08:11 PM

لسة شارى كاوتش مقاس 13 175/70 دى ستون تايلاندى ب 500 ج الفردة

**ahmedshehata45** · 03-04-2017 04:32 PM

فردتين كاوتش ديستون تايلندي عملوا 1000 ج يعني الفردة ب 500 ج وكان فيه فردة كاوتش صيني كانت ب 425 ج وسالت علي بطارية نسر جافة 70 امبير قالي ب 850 ج الاسعار دي عندنا في السويس

**ahmedshehata45** · 23-07-2017 11:48 AM

الف تحية لاخواني في الجروب سألت امبارح على طقم كانون باب وشنطة السمارا قالي ب 130 ج بس لسة مجبتهوش وفردة الكوتش ال 13 عاملة 450 ج الصيني و500 ج الإندونيسي والتركي الفولدا