الحمد لله لقيت وش فانوس فقط ( الزجاجة فقط ) عند محل رمسيس
في التوفيقية ب 20 جنيه.
عرض للطباعة
الحمد لله لقيت وش فانوس فقط ( الزجاجة فقط ) عند محل رمسيس
في التوفيقية ب 20 جنيه.
الف مبروك وبالنسبة للفوانيس اللى ورا ممكن تغيرهم بفوانيس شاهين بكل سهولة زى ما انا عامل عندى
وخدوا عندكم
مشط اسبراتير روسي اصلي 130 جنيه والصيني ب90 جنيه (جيبت الصيني وضرب بعد ساعه)
حساس اسبراتير ب40 جنيه
كوع بنزين اصلي 50 جنيه
أكرة باب كامله لادا سمارا 30 جنيه من عند المركز الروسى بالتوفيقية .
مرايه جانبيه لادا سمارا ( صيني ) 50 جنيه.
اسف لتاخر الرد بس عشان مكنتش فاضى اخش على النت اليومين اللى فاتوا بالنسبة لتغيير الفانوسين الخلفيين بفانوسين الشاهين الكلام ده حدث بمنتهى السهولة والكهربائى مخدش وقت فى تركيبهم وشكلهم حلو على السمارة وزى ما يكونوا بتوعها وان شاء الله اصورهملك وارفعلك صورهم
ياريت اعرف رايكم في لادا سمارة 750 سي سي طبعا هى كده موفرة للبنزين
بس ياترى حتبقي سريعه علشان 750 سي سي وياريت كمان اعرف سعرها المعقول يبقي كام
ياباشا لو تكرمت انا عايز اشترى عربية لادا سمارة عايز اعرف السعر المناسب ليها ايه وياريت حضرتك تساعدنى لانى بصراحة ابيض في موضوع العربيات وانا قررت اجيب لادا سمارة بعد الى قريته هنا في المنتدى وكل سنة وحضرتك طيب والف شكر على ردك
يا أستاذ شنورى أنا قدامى عربية سمارة موديل 97 على 14000 بس صاحبها مهمل فيها قوى وهى 1500 سىسى على ما أذكر بس فيه ناس كتير خوفتنى منها وأخرهم الميكانيكى اللى باتعامل معاه قلى بلاش منها عربية متعبة ومالهاش سوق بس العربية عجبانى قوى وأنا محتار خالص
وهل كل الميكانيكية بيفهموا فيها زى ال128 ولا لأ يا ؤيت تجاوبنى وتقولى إية هى اكتر حاجة بتتغير فى العربية لأنى ناوى أسافر بيها وخايف لو عطلت منى مالقيش حد يعرف يصلحها وأسف على الإطالة
بص يا باشا
بالنسبه لموضوع مهمل فهو مهمل في ايه ؟؟؟
لو صاج وخبطات ودوكو
فزيها زي اي عربيه واي سمكري حيشتغل فيها
المصنعيات هي اللي غاليه سواء جيبت عربيه جديده او قديمه
وعموما فيه ناس كتير بتشتغل في العربيه لان الميكانيكا والكهربا ليهم مبادئ ثابته واي حد خبرته كويسه حيفهم فيها
والحمد لله علي نعمته مفيش حاجه ركبتها في العربيه وغيرتها غير مشط الاسبراتير لان كان فيه طرف كهربا وقع منه وخلاه يضرب ودا كان عيب من الكهربائي
انما اي حاجه تانيه بتتركب بتفضل شغاله كويس طالما خامتها وصناعتها كويسين
ولا قدر الله لو وانت مسافر والربيه عطلت فالاول تلاقي حد من اساسه بيعرف يصلح وبعد كده ندور ان كان بيفهم فيها ولا لاء ههههههههه
واي استفسار انا والاخوه تحت امرك
بس هي موديل 97 دي رشاشات ولا كربراتير ؟؟؟؟؟؟؟؟؟
شكراً جداً يا شنورى باشا بس يا ريت تطمنى أكثر على العربية لادا سمارة لأنى من كتر اللى باسمعة قلقان حبتين
العربية موديل 97 كربراتير
وصاحبها مهمل فى الصاج واخدة خبتطين والصالون بتاعها عاوز شغل والطابلوة ضايع خالص
بعيدا عن الخبطات
هل فيه بارومه في العربيه ؟؟؟
واماكن البارومه ايه ؟؟؟؟؟
روح لسمكري كويس يكشفلك عليها ويشوف العربيه محتاجه ايه
الصالون انت ومزاجك ممكن تظبطه من اول 200 جنيه لحد 2000 جنيه
التابلوه انا كنت شاري واحد بعداداته ب570 جنيه
وخد بالك من حاجه
الناس اللي بتقول سعر السماره في الارض
هي بتكون في الارض لما تكون حالتها تعبانه
ولما تاخدها رخيصه اعمل حسابك انك حتصرف عليها
هو حضرتك المفروض السيارة موديل 97 سمارة تعمل كام
سير كاتينة روسى 60 جنيه من عندنا فى السويس واعتقد انه ارخص من كدة فى مصر
السلام عليكم انا د.ماجد اول مرة ادخل المنتدي الحقيقة مكنتش متخيل ان يكون فيحدبيتكلم عن السمارة بالحماس دة انا كنت بافكر ابيعها والله خصوصا ان الرفارف بتاعتها عايزين شغل شوية ودي اسعار بعض الحاجات اللي جبتها على مدار سنتين
انتين فانوس امامي باشاراتهم اصلي 350 حنيه
سير كاتينة روسي 65 جنيه
سلك دبرياج روسي 45 جنيه
اتنين مقصات 110 جنيه
كالون شنطة صيني 55 جنيه
انا الموتور عندي بيجيب زيت علما اني غيرت جميع الجوانت وبعدين الزيت مش بينقص خالص بس بينشع زيت مكان الجوانات ومقاس الزيت زبرضه مش بينقط زيت وكمان لو حد عارف ممكن الرفارف الخلفية بتتباع ولا اوديها لسمكري يلعب فيها
تاني حاجة العربية كويسةوبتاعة سفر بس ساعات بتعمل حاجات مش حلوة كدة وعايز ابيعها تنصحوني بايه
شكراً لهذه المعلومات الهامة
السلام عليكم انا عندى لادا سمارا موديل 95 وهى عربية جميلة جدا وعجبتنى
نفسى على حد يقولى على ميكانيكى كويس فى الاسكندرية يفهم فيها عشان روحت لكذا واحد بس بحس انهم مش عارفين يصلحوها
العربية بتنشع زيت على الموتور غيرت جوان التكهات والغطا بس لسة بتنشع من تحت رحت لواحد ميكانيكى قالى دى محتاجة طقم شنبر يعنى نص عمرة
ياريت حد يفيدنى علما بانه لايوجد دخان ولاابيض ولااسود والعربية تمام معايا بس هو موضوع الزيت اللى قلقنى
روح لميكانيكي تاني
وخليه يغيرلك جوانات الكارتير
ولو الزيت مش بينقص معاك يبقي كبر ماغك
انا عملت عمره عند ميكانيكي وبهدلني معاه لاني اختارت ميكانيكي غلط
بس حضرتك قولنا انت منين علشان نقدر نرشحلك حد كويس تتعامل معاه
كوعه فايظ زيت روسى ب 25 جنيه
جوز مساعدين امامى كاملين بالسوست و البطاحات إستيراد 350
بس حصلت مشكله كده هى ان الكبلن الداخلى شمال جهة الموتور فوت و العربيه وقفت المهم الموضوع كان بسيط بحمد الله و جبت ميكانيكى فك الكبلن كله ووديناه للمتخصص فى الكبالن و قام بإصلاحه و الميكانيكى خد 10 جنيه فك و تركيب و بتاع الكبالن 30 جنيه المهم مش فى كده المهم ان ده حصل فجأه و بدون اى سابق انذار او حتى صوت طقطقه او خروشه
بس و الحمد لله:36_9_4:
فى ميكانيكى كويس اسمه مجدى شغال فى ورشة عند سينما مترو كده .... وانت جاى من البحر ورايح على سينما امير قبل ماتوصلها حتلاقى سينما مترو على شمالك وبنزينة على يمينك قصادها ... كلمه يجيلك عند البنزينة
مجدى 0107576655 ... هو كويس وانا اتعاملت معاه فى لادا عادية ولادا سمارة ... بالتوفيق
ياجماعة أنا معايا سمارة 94 وبسمع كل يوم الصبح صوت شخشخة وانا ماشي بس لما العربية تسخن الصوت بيروح ولما أسبها تبرد يرجع الصوت تاني هل ياترى حد ممكن يفيدنى الصوت ده من أيه ...... وشكرا
سيارتى لادا سمارة مو 91 محتاج جوز كبالن . سألت عليهم عند محلات اللادا معظمهم قال إن الجوز الصينى 150 جنيه والجوز الروسى 400جنيه . طبعا فرق السعر كبير جدا.
وسؤالي هو هل أحد جرب الكبالن الصيني ؟ أفيدونى جزاكم الله خير حيث أننى على وشك تغيير الكبالن . ودمتم سالمين.
منوره قسم لادا يا افندم
اول مره اعرف ان حضرتك زميله في السماره
شكرا لمرورك القيم
الشخشخه دي لو بتروح لما تفصل دبرياش يبقي عيب من الديسك
لو بتروح لما تزود بنزين يبقي فيه حاجه محلوله ومع اهتزاز العربيه وهي بارده بتسمع صوتها
ولما العربيه بتسخن وموتورها بيثبت حتلاقي الصوت بيروح
طبعا دي الاحتمالات البسيطه للموضوع
بس حاول تفتح الكبوت وتشوف الشخشخه جايه منين
كان عندي عيب يشبه للعيب ده تقريبا وكان من حاجه محلوله ولما اتربطت الصوت راح
لو حتجيب روسي تجيبه من موزع معتمد للادا وحد تكون واثق فيه
لو مش كده يبقي هات الصيني وجربهم
لان الفرق في العلبه مش في الكوبلن وييجي بعدهم فرق في ضمير اللي بيبيع
شكرا جزيلا يا سيد shnory وجزاك الله خير ........
انا اشتريت لادا سماره مودل 95 وعندي مشكله في اوكر البابان الي قدام الاكر بايظه ومش لقيها هل لها بديل رجاء الرد مع العلم انا من سوهاج والعربيه فيها التكيف ملغي التوصلات بتعته مش عارف ليه وعايز اعرف الكبالان الصيني كويسه ولا وكمان عاوز طبلون جديد يعمل كام ولا اريح دماغي واكسيه جلد
المساعدين الي وره خفيفه اغيرها ولا تنفع تظبط
رجاء الرد عشان انا فكك الطبلون والكرسي والبابان وعاوز اظبط الدنيا وكمان عاوز اغيري الفونيس بحاجه شكلها حلو والمريات وكمان عاوز اعرف حل في المرش لزام اجيب العصايا للاخر عشان تجيب مرش وادي مشاكل الي هاوي سماره
لو في اي كماليات حلوه للعربيه لادا سمارا او تطبع عليها وتظبط الشكل
حضرتك لو قصدك علي الاكره اللي بتفتح الباب من بره فهي موجوده بس انا طبعا بتكلم علي اسكندريه والقاهره معرفش ادل حضرتك علي حد في سوهاج
والعربيه مفيهاش تكييف بس هي فيها دفايه ودي وصلات ميه سخنه
وبيلغوها علشان مع عمر العربيه الطويل متعملش بارومه جوه العربيه
الكبالن مقدرش افيدك فيها بس تقريبا اتكلمنا عليها كذا مره في نفس الموضوع ممكن حضرتك تراجعه من الاول
والتابلوه برضه مكتوب عنه
بس حقولك انه مفيش منه جديد
لو عندك استعداد تصرف عليها ممكن تجيب تابلوه بتاع عربيه تانيه زي الانسر مثلا بس حتغير في القواعد بتاعته وفي الضفيره بتاعه العربيه
وانا كنت شاري التابلوه ب570 جنيه بتاع السماره مش بتاع الانسر
هو المفروض تغيرها
بس لو انت شايف انها حتقضي معاك الغرض خليها
لو بتشيل احمال في العربيه او طريقك فيه مطبات كتير يبقي غيرهم
تغيير الفوانيس حيحتاج منك تعديل في جسم العربيه
وموضوع المرش ده هو تظبيطه الميكانيكي بيعملها وهي بسيطه جدا
دي مقدرش افيدك فيها اوي
اكيد الاخوه في قسم الكماليات ممكن يفيدوك اكتر
او يكون حد معانا هنا عمل تعديلات في عربيته
انا عندى تسريب ميه من ناحية الشمال عند سير التقسيمة كدة
هل مكان الطرمبة عند سير التقسيمة ولا فين مكانها والتسريب ده يبقى ايه؟
و عايز اعرف سعر طرمبة الميه بتاعت سمارة موديل 95 - 1500 cc
انا لسه جايب الحاجات دى من عند الشركة الشرقية فى اسكندرية ورا المحافظة لسمارا موديل 95: ردياتير جديد 440
قربة مياة 45
تركيب 30 جنيه
حد يقولى الاسعار دى كويسة ولا انضحك عليا
انا العربية عندي سمارة 2004 بتهبط جامد مع التحميل فالميكانيكي بتاعي قالي السوست مع الاستخدام بتنضغط في بعض و نحطلها كاوتش تعلية 5 سم في كل ناحية علشان ترجع زي الاول و لما تحمل فيها ماتهبطش قوي كدة
كنت عاوز اعرف ده صح ولا غلط و تأثيره ايه على ثبات العربية لأني اسمع ان العلايات دي بتأثر جامد في الثبات فهل في حالتي دي هتأثر بردو؟
و تتكلف كام تقريبا كدة الشغلانة دي
سعر القربه كويس
انما الرياديتيش مقدرش افيدك فيه
هي بتهبط لما حد يركب معاك ولا هي بقت هبطانه من كتر التحميل حتي لو محدش راكب؟؟؟
لو هبطانه علطول ركبلها علايات بس ترجعها للمقاس الاصلي بتاعها
انما لو حتعلي العربيه اكتر من وضعها الطبيعي
فخد بالك انها حتعوم معاك علي السرعات العاليه
والله اعلم