اشتريت النهاردة كوبلن داخلي ايطالي اصلي.225 جنيه.
عرض للطباعة
اشتريت النهاردة كوبلن داخلي ايطالي اصلي.225 جنيه.
انا اشتريت مروحة ريداتير جديدة..ب100 جنيه..وتيل فرامل تركى امامى..ب50 جنيه..
ركبت للعربية سنتر وانذار...واتكلف 280 جنيه..
السلام عليكم شباب
والله انا أول مشاركة لي في قسم اللادا.. وإللي خلاني أبعت هذه الرسالة لأن بأدور على عربية في حدود 15000 جنيه وتكون بحالة كويسة فقرأت في هذا القسم شوية كويسين..
الأمر المهم بقى.. أني محتاج تقييم منكم لهذه السيارة اللادا سمارة وذلك بالنسبة لقطع الغيار هل متوفرة؟؟
هل سعر قطع الغيار معقول مقارنة بالفيات؟؟؟
عايز اعرف أهم حاجة.. إيه مميزاتها وعيوبها من وجهة نظركم؟؟؟؟
إيه احسن موديل في اللادا سمارة من حيث سنة الصنع
لو عربية نظيفة ميكنش فيها شغل في الموتور والعفشة والكهرباء هتبقى بكاااااام؟؟؟؟
إيه اهم حاجة أبص عليها وأنا بادور؟؟؟؟
آسف على كثرة الأسئلة بس بصراحة أنا عايز عربية أستقر عليها فترة ومتتعبنيش؟؟
وشكرًا للأخوة
بص ياباشا انا كنت بركب 127 توب زيك..واشتريت السمارا اخيرا..اللي ماكنتش بعرف اعملوا بالتوب بعملو بيها..مثلا بقيت بعرف اجري مع اي حد..بتجمع بسرعة..بعرف اخد بيها اي غرزة مهما كانت وعلي اي سرعة..ومستحيل العربية تعوم....العربية ناعمة جدااااا وهادية...واستهلاك البنزين زي التوب..واخيرا قطع غيارها رخيييييصة.وزيها زي التوب...بل اعتمادية اكتر..لأن المضروب منها قليل...وهي حاجتها معمرةةةةةةةة جدا...وبعدين مافيهاش ابلاتين وكوندينسر..والشلل دة..يعني كل سنة تغير بوجيهات وبس...افضل موديلاتها موديل 88.لحد 92 اول شكل ليها..لأن صاجها اتقل بكتيييير...وشكلها احلي....والسعر حسب الحالة يعني من 17 ل25....
انا اتعرفت علي واحد عندة كل قطع غيار السمارا الاستيراد..واللادا اليكو..واللادا اوكا..وال2110..وراجل محترم جدا في التعامل..ودة رقموا..01001397059..قولولوا
انكم من طرف مهندس احمد اللي معاه السمارا النبيتي..
السلام عليكم انا برضو قريت اللي انتو كاتبينه عن السمارا واقتنعت بيها ولكن بلاقي من مو 86 وانتو بتقولوا اولها 88 مش فاهمها دي وعايز اسال على عربية معروضة علية 86 2باب 1300cc دواخل فابريكة وفيها حتة بارومة عند الكرتيرة اللى ورا + بطارية جديدة + طقم شنبر جديد ومحتاجة شوية شغل بسيط ومن كتر ما العربية دي قليلة مش قادر احدد سعرها زي 127ياريت حد يفيدني واكون شاكر ليه جدا واسف على الاطالة
تعملها 15 الف..علشان 2باب..وحاول توصل معاه ل14..ويبقي انت الكسباان..انسي ال127 خالص..السمارا ركوبتها زي الجولف 2..في حد لاقي جولف ب15 الف..
شكرا على الرد ولكن انا دخلت على كونتكت ولاقيت 4باب معقولة وموديل اعلى بتبدأ من 13000 الف لغايت 19000 وبرضو عايز افهم موضوع 86 ده وكل الناس مخوفاني من موضوع 2باب بس انا مش فارقه معايا خالص
شكرا على الرد بس ليه ماجاوبتنيش على موضوع مو86 ده ولقيت على كونتكت عربيات 4 باب موديل عالى من اول 13000 لغايت 19000 ومش عارف ايه الفرق مع ان تعتبر الحالة متقاربة
خلي بالك ان الاسعار الواقعة دى..بتبقي مش سمارا..بتبقي عربية اسمها تافاريا.وتتصل بالراجل يقولك لا دي تافاريا مش سمارا..والتافاريا مالهاش قطع غيار ونادرة جدا..السمارا النضيفة غالية...لأن صاحبها عارف قيمتها..والعربية دي ليها ناس بتحبها..
مش عارف اشكر حضرتك ازاي لاننا كان هيتعمل فيه مقلب كبير ولكن عايز اعرف افرق بينهم ازاي وهل بيبقى مكتوب في رخصة العربية سمارا او تافاريا وشكرا
التافريا دي موديل 96 بس
مفيش منها موديلات تانيه
بجانب انها زاستافا تقريبا مش لادا نهائي
انا مابقتش فاهم حاجة من الاخر في سمارة 86 او87 ولا لا انا عارف اننا بتعبكو بالاسئلة ولكن انتو اللي شبطوني فيها (ماليش دعوه ههههههههه)
انا لسه لاقي الموقع ده موقع جامد وده اللينك بتاعه http://www.autoevolution.com/lada/samara في كل مواصفات العربية يا ريت تشوفوه
ممكن اللينك اللى فات مش شغال ده لينك تاني LADA Samara 5 Doors models
ايه رايك في عربيتى...
http://www.nileup.com//uploads/images/s16318eabfc.jpg
انا عربيتى استيراد من المانيا على فكرة....وفيها فتحة سقف....وفابريكة برا وجوا...........
http://www.nileup.com//uploads/images/s100cbd368b.jpg
ربنا يبارك فيها ويديك خيرها ويكفيك شرها
السلام عليكم مالكي السيارة الأعزاء
الحمد لله أنا ربنا كرمني واشتريت لادا سمارا موديل 1991 فبريكة دواخل بالكامل واستلمتها من الراجل إنبارح وبصراحة العربية فعلاً ما شاء الله ولا قوة إلا بالله مشيها حلو بخلاف الفيات وكمان صوتها ناعم في المشي على عكس المتوقع والمعروف عن اللادا... بصراحة أنا ليا ملاحظة البسيطة إللي عايز اعرفها منكم..
النهاردة أخذتا مشوااااار حوالي 30 كيلو وبصراحة كانت الشوارع زحمة إلى حد ما.. مرة واحدة العربية صوت الصلانصيه عالي... مع أن الراجل مظبط كهربة العربية والكربراتير كمان.... وكذلك درجة حرارة العربية كويسة... مش عارف هل ده صوت المروحة لما بتشتغل بيبقى الصوت عالي ولا إيه؟؟؟ ولا يكون سلك البنزين بيعلق وعايز يتغير؟؟؟
الحاجة بقى المهمة جدًااااا وإللي عايزكم تفيدوني فيها...
إيه إللي المفروض أكشف عليه غير الزيوت وطقم السرفيس؟؟؟
هل فيه أماكن في العفشة تحتاج تشحيم.. لأني أنا سامع صوت تزيأه بسيطة وانا ماشي؟؟؟؟
عايز أعرف سلك الدبرياج عامل كام؟؟؟ وكذلك سلك البنزين؟؟ علشان أحرص من الحاجات إللي ممكن توقفني في الطريق؟؟
وأخيرًا آسف جدًا على الإطالة واعذروني على أسئلتي إللي هتبقى كتيير اليومين إللي جايين لحد ما اتعرف على العربية أكثر وجزاكم الله خيرا
روح لورشه كربراتير يظبطهولك وينضفه لان ممكن تكون البوابه بتعلق
بخصوص السيرفيس هو طقم زيوت وسيور
سير التقسيمه ب50 جنيه
سير الدينامو بحوالي 10 او 15
سلك الدبرياج ب50 -60
الحاجات اللي ممكن توقفك في الطريق ودي مش بتحصل غير نادر جدا
حاجه جوه الاسبراتير مش فاكر اسمها (بس هي بديل الكوندينسر )اسمها شاكوش اسبراتير تقريبا او حساس اسبراتير
والكارته الاليكتروني اللي بتوزع كهربا
هما احتمالات بوظانهم ضعيفه جداااااااااااااا بس دا للعلم بالشئ
غير بوجيهات وسلك وهات انضف سلك بوجيهات تلاقيه
العفشه مفيهاش مشاحم زي اللادا العاديه بس ممكن تروح البنزينه تشحم
لو معاك فلوس زياده ممكن تنزل تشتري بيضتين مقصات وبيضتين اسكترا الواحده ب50
وتغير رولمان بلي لو اللي عندك خشن
واتيال فرامل
وشوف زيت الجيربوكس
لو العمليه مزنقه او العربيه مشايه معاك كويس يبقي خليها ماشيه زي ماهي ومتشغلش بالك بحاجه
يا أخي والله ما عارف أقول لك إيه.. جزاك الله خيرًا على سرعة الرد والإفادة
هي الحمد لله ماشية معايا كويس والراجل لسه عامل شغل في العفشة وعلى حسب كلامه جايب قلب مساعدين والحمد لله العفشة تمام وجايب ردياتير جديد وسير تقسيمة جديد...
أنا المهم عندي ميكانيكة العربية علشان متوقفنيش.. وهو الراجل إللي باع لي العربية عنده المشت الإلكتروني الاحتياطي هيدهوني هدية بإذن الله.... أنا لسه مكلمه دلوأتي على الموبايل بخصوص علو الصلانصيه.. وكان رده أن ممكن كفة البنزين تكون معلقة شوية وقال لي أجرب أرجها برجلي...
وبإذن الله لو فيه حاجة استوقفتني.. أكيد مليش غير ربنا وانتم تفيدوني بإذن الله
ربنا يبارك فيها ويديك خيرها ويكفيك شرها بس عايز اطلب من حضرتك طلب انا برضو بدور على سمارا وبما انها قليلة مش عارف اجيب ازاي عربية حالتها كويسة فلو سمحت تفيدني بخبرتك في الموضوع ده وتقولي اعمل حسابي على كام
ياباشا ولا تغير سلك بنزين ولا دبرياج....ولا اي حاجة...امشي بيها كدة...غيرلها زيت الموتور بشيل الاحمر..وزود زيت الفتيس..انا عربيتي من سنة 88..ماغيرتش ولا سلك دبرياج..ولا بنزين..ولا اسبراتير ولا مشط حتي..ولا مسساعدين..وكل ماكشف عليهم الاقيهم سلاااااااااااام...والميكان كي..يقولي والمصحف سليمة...عايز تغير حاجة هاغيرهالك بس هاخد مصنعية.ههههههههه..وهاديلك رقم تليفون الراجل اللى انا اشتريت منوا عربيتي...دة اكتر واحد في الدنيا بيفهم فيها..لأنة شغال في حمدي لادا اساسا..وعارف كل مسمار فيها....
شنوري حبيب قلبي....ارفعلنا صور عربيتك يا كبير...بعد تركيب الفرش الجديد..وصورلنا العربية من برا ومن جواة...لاني ماشفتهاش قبل كدة....
والله هي العربية عجباني والحمد لله لكن فيه ناس ومن ضمنهم واحد بتاع اكسسوارات عربيات عندي في المنطقة كل ما أقول لهم اني اشتريت لادا سمارا يقولو لي ياااااااااااه... ((دي فيها وفيها وفيها... وبتسخن جامد... وقطع غيارها مش موجودة... والكربراتير له 8 بك هوا))... مش عارف بقى إيه الموضوع.... أنا حاطط إيدي على قلبي ربنا يستر بإذن الله لحسن أنا والله مش حمل حاجة اليومين دول خالص وخصوصًا أعطال لأني وقتي ضيق جداااااااا
ههههههههههههههههههههههههه هههههههههههههههههههههه
ههههههههههههههههههههههههه ههههههههههههههههههه
جامد موضوع بتسخن ده
علي اساس ان الاكوتافيات والابيزا وشلوح العربيه اللي واقفه فاتحه كبوتها علي الطريق بسبب السخونيه دي
سخنت لاسباب تانيه غير الحراره ؟؟
واياكش حتي الكربراتير ليه 200 بيك هوا
الصنايعي زي ما بيفكهم حيركبهم وكله بمقاس معروف
متخليش الناس تحسسك انك شالي طبق طاير من كوكب تاني
السمارا ملقحه وماشيه مع الناس زي الفل
لو سخنت ولا جرالها حاجه
حيكون من تقصير في صياناتها او حاجه عمرها الافتراضي انتهي
ههههههههههههههههههههههههه هههههههههههههههههههههه
ههههههههههههههههههههههههه ههههههههههههههههههه
جامد موضوع بتسخن ده
علي اساس ان الاكوتافيات والابيزا وشلوح العربيه اللي واقفه فاتحه كبوتها علي الطريق بسبب السخونيه دي
سخنت لاسباب تانيه غير الحراره ؟؟
واياكش حتي الكربراتير ليه 200 بيك هوا
الصنايعي زي ما بيفكهم حيركبهم وكله بمقاس معروف
متخليش الناس تحسسك انك شالي طبق طاير من كوكب تاني
السمارا ملقحه وماشيه مع الناس زي الفل
لو سخنت ولا جرالها حاجه
حيكون من تقصير في صياناتها او حاجه عمرها الافتراضي انتهي
ياعم ولا بتسخن ولا اي حاااااااااجة خاااااالص...بقالها معايا 6 شهور..زودت ماية الريداتير مرتين تقريبا...وعمر عداد الحرارة ماعدي النص....والبيكات بتاعتها عاااااادية خالص...مافيهاش اختراع يعني!..وانا بزود كهربتها وبظبط الهوا بنفسي حسب مزاجي...ومش بروح للميكانيكي غير اسلم عليه بس...او اتدلع عليه اقولة بصلي علي التيل بصلي علي العفشة والبوجيهات...واديلة 10 جنيه وامشي في الاخر....
علي فكرة انا بشد بالسمارة مع الاكسيل والابيزا والبونتو والاكسنت..والفورد اسكورت وفييستا والفليشيا...وهي نفس القوة والسحب...وبتجمع بسرعة مع ان وزنها تقيل...وعفشتها ممتازة..وثابتة جدا جدأ في الغرز الضيقة..
عندك حق فعلاً انا بصراحة مش ناوي أقصر معاها بإذن الله في قطع الغيار والذي منه..
النهاردة أنا رحت بيها الشغل بصراحة مشوار محترم في عز الحر والحمد لله العربية ناعمة وجميلة على عكس إللي ما يقال عليها بالمرة
بإذن الله أنا ناوي فعلاً أتعلم صيانتها بإيدي ولو وقفت معايا حاجة هروح لميكانيكي والموضوع مش مضلع...
النهاردة وأنا جاي من الشغل عديت على الكهربائي بتاعي لاقيته بيركب سنتر وإنذار وولف... فسألت صاحب العربية على أساس أعرف جابه بكام.. قال لي بـ 180 جنيه.. باثنين ريموت كنترول... هو فعلاً بالسعر ده؟؟؟؟ ولا ده يكون تقليد الوولف؟؟؟
ولو احتجت أركبه... أروح أركبه في التوفيقية أحسن.. وهل هو بيأثر على البطارية وشحنها ولا إيه الحكاية؟؟؟؟
اعذروني لو طولت عليكم.... معلش بقى فرحة العروسة الجديدة هههههههه
ركب اللي انت عاوز تركبه هما اللي ركبوا احسن منك ؟؟
ولا حياثر علي بطاريه ولا علي اي حاجه يا باشا
انا مركب انذار سيمفوني وسنتر مش فاكر نوعه ايه بس مش صيني من اكتر من سنتين وشغالين كويس
الانذار ملهوش لازمه لو لقيت سنتر بريموت ركب وخلاص
وهاتلك لمبه بتنور وتطفي
انا ركبت انذار علشان السنتر يشتغل بالريموت
انا مركب سنتر وانذار وولف من شهر..وشغال معايا زي الفل..وسعرة 275 جنيه..بس ريح دماغك واشتري بطارية جافة للعربية..ورمي السايلة لانها مقرفة بميتها وحوارتها..
ربنا يساهل بإذن الله هنزل التوفيقية وأشوف أنواع السنتر إللي بالريموت إيه وأجيب أحسنهم إن شاء الله
فيه بجانب لوحة الأزرار إللي فوق الكاسيت اللمبة إللي على اليمين مكتوب عليها check....... انا مش عارف اللمبة دي إيه بالضبط؟؟؟ أنا اكتشفتها بالصدفة كده لما العربية بطلت مني في الطلعة الأولانية اللمبة دي نورت وأول ما دورت تاني وضغط سنة بنزين اللمبة طفت كأنها زي لمبة البطارية والزيت بالضبط
الحاجة الثانية.. عايز أصفر عداد التريب إللي فوق العداد الرئيسي.. ومش عارف الزرار بتاعه فين بالضبط ياريت حد يشرحلي أصفره إزاي علشان ده بالنسبة لي مهم
275 جنيه ده بالتركيب ولا من غير التركيب؟؟؟ وهل ركبته عند نفس المكان إللي باع لك ولا عند كهربائي؟؟
هههههه هههه حلوة يا شنوري باشا (زحلق راسك دي)
هو فعلاً فيه بكرة تحت الدركسيون بس على الشمال لما سألت الراجل صاحب العربية قال لي دي بتتحكم في مستوى الإضاءة الخاصة بالتابلوه..... ولا تكونش دي إللي بتصفر العداد وهو ميعرفش؟؟؟
طيب لو سمحتولى ممكن اعرف مكان تزويد زيت الفتيس واى نوع زيت بيتم التزويد بيه ؟؟؟؟؟؟
بص ياسيدي..انا بستخدم زيت شيل الاحمر...ومريح العربية علي الااخر...وبالنسبة للانذار والسنتر انا 275 بالتركيب..وبالنسبة لزيت الفتيس..زودة بس بزيت لزوجتة 90..وهو بتاع الزيت عارف مكان الفتحة..ولو ماعرفش شنوري عندة صورة فيها مكان فتحة الزيت..