الموضوع: مشاركة لبعض اسعار قطع غيار لادا سمارة

المشاركة الأصلية كتبت بواسطة egyptodentist

في البداية بحب اشكر الاستاذ \ شنوري علي رده السريع...................
ثانيا هي فكرة جميلة وانا عملت كده في الاكسيل اللي كانت معايا بس غيرت النص كامل بعضمه لان حوضها كان فاتح السلحات من الكارتيرات.........بس لو تسمح حضرتك ليا كام استفسار؟؟؟؟؟؟؟؟
طبعا انت سيد العارفين انه الموتور قبل ما يموت بيجي في الاواخر ويبقي متعب وزي ماقلت لحضرتك اعايز حاجة انساها شوية لاني والله معندي وقت لعذاب الصنايعية و بالذات هنا في سوهاج حاجة لن تتخيلها تحس انك بتتعامل مع دكتور سنان..................:copy of new:...............
ايه رايك لو عملت الموضوع داه من الاول واخلص ويريت تكون كمان العربية حوضها ضايع اغير النص بالمرة بخيره بدل الفك والعذاب والوقت.....كنت حابب اعرف رقم الشاسية بتاعها علي الستارة ولا في الكارتيرة
والنص كامل بتابلوه بخيرة ربه يعمل كام تقريبا اكيد حضرتك عندك فكرة لانك كنت غيرت ال4 ابواب والشنطة وكنت بتفكر تجيب نص ورا ......ولو عربية ضايعة خالص 2 باب تعمل كام تقريبا والكرسلين كامل تقريبا يعمل كام........وطبعا الكورسلين جمع ولحم وشكرا خلص الموضوع....................
بالنسبة لو عربية معقولة زي مابتقول حضرتك برده هتعوز شغل ولو عربية ممتازة صحبها مش هيفكر يبعها زي مافهمت من كلامك علي عربيتك (الله يباركلك فيها ويديك خيرها و يكفيك شرها)
علي فكرة لو ناوي تبيع انا حاهز.......................(شراء الادا ولا تربيتها)

أخي العزيز
والله ثم والله أني أنصحك في الله يا أخي... بلاااااااااااااااااااش إللي انت هتعمله ده... هيتحرق دمك... هتكره جميع الصنايعية إللي في الدنيا... ده غير أن قطع الغيار الاستيراد إللي موجودة دلوأتي مضروبة تمامًا وكانت راكبه في عربيات قديمة واتشالت منها وبتتباع على أنها استيراد الخارج... ده غير أن ممكن حظك يقع في موتور مش تمام وتدوخ بيه السبع دوخات.... والله يا أخي شراء العبد ولا تربيته... هتتكلف أكثر ما تجيب واحدة نظيفة على أبوها... أنا بأكلمك وأنا لي خبرة ولله الحمد كبيرة بصيانة السيارات لي أصدقاء متخصصة في الميكانيكا والسمكرة والعفشة وخلافه... برغم ده كله لم أفكر أبدا في خوض هذه التجربة أبداااا
اصبر شوية وشوف واحدة نظيفة متكنش متهانة فعلاً... والله يا أخي أنا صبرت وربنا رزقني بسيارة لادا سمارة موديل 1991 كانت أول يد لمقدم جيش... وبعها كالجديدة تمامًا
أنا ركبت عربيات كتيييييييييير بماركات مختلفة... ولم يكن يخطر ببالي أن أركب لادا سمارة خالص... ولكن شاء القدر وبعد عناء طويل جدااا في التدوير على سيارة حالة محترمة ومتتعبنيش.. ظهر أمامي سيارة لادا سمارة مملوكة لمقدم بالقوات المسلحة... وكان محتاج يبيعها علشان خلاص حجز عربية جديدة والعربية كانت أول يد ليه وروسي أصلي وتم إنتاجها خصيصًا بالمواصفات تتناسب مع دول الخليج نظرًا لطبيعة الجو... بصراحة كنت قلقان جداا وأنا باشتريها... علشان أنا مأفهمش حاجة في اللادا سمارة خالص... ده غير أن الميكانيكية أخبروني أن قطع غيارها شحيحة.. وبصراحة لم أستمع لكلامهم وتوكلت على الله واشترتها...
تصدق يا أخي.. الصنايعية إللي كان بيقولوا لي متشتريهاش... بعد ما جبتها شددوا عليا وقالوا أوعى تفتح الكبوت أمام أي أحد لشدة نظافة دواخل السيارة وحالتها العامة.
وأخيرًا: الله يبارك لصاحب العربية إللي أنا اشترتها منه ويجزيه خير الجزاء.. لصدقه في البيع