لادا سمارة للابد
عرض للطباعة
لادا سمارة للابد
رمتني بدائها ثم انسلت و الله انا حزين علي هذا القسم شهر كامل من غير مشاراكات انا حبيت الادا سمارا و اشتريتها بسبب نشاطكم و ايجابيتكم و مساعدتكم لبعض لدرجة ان دخول المنتدي و قراءة مشاركتكم كان هو المتنفس الوحيد عربية محترمة و بسعر مش موجود في فئتها و عيوبها ابسط من كتير غيرها و مش هتبقي موجودة و شغالة الا بيكم استاذ شنوري و استاذ احمد شحاتة و الاخ ايمن ابطال السمارا و الله معايا 405 و مابركب غير السمارا خفيفة و رخيصة و عملية و المشوار في السريع ارميها في الشارع لا تخاف ولا تقلق و لاحد يفكر يسرقها هي سيارة مرحلة الفوضي اللي البلد بتمر بيها يا ريت نرجع ننشط تاني انا معايا سمارا 98 بره و جوه بيج 1300 و جبتها و انا متردد لكن بعد ركوبها ايه الجمال ده السمارا باشا بس محدش عارف كده غيرنا خلينا مداريين و ربنا يديمها نعمة نركب و نصلح بملاليم و غيرنا ينزف فلوس ربنا يحعلنا غلابة و نصعب علي الناس و يبعد عنا العين سلام خاص للحاج شنوري و الكبير ابو شحاتة.
و الله انا كنت بنكشكو علشان حد يرد و ارجع اتونس بيكو و كنت متوقع الرد من وحش السمارا السكندري انت عارف يا عم شنوري ان عربياتنا قليلة في البلد و وجودنا مع بعض بيدينا دعم نفسي و يطمنا وانت عارف ان المجتمع كله استغلال من قطع غيار و اصلاح و لازم نشتغل بفكر الاقلية و منسيبش حد فينا يقع تحت رحمة استغلال حد و نديله المشورة و الراي انا جبت اكرتين من محمد لادا فيصل ب 110 بس مش لاقي زجاج الباب الخلفي يمين و كلمت مصنع جريش في العاشر قاللي 150 و لو ملقتش هروح اركبه و خلاص بس والله كله تمام
كل عام واعضاء القسم والمنتدى اجمع بخير بمناسبة شهر رمضان الميارك
مشكلة العربية بتسخن بتبتدى تنتش على السلانسية والطوالى وترجرج وتبطل وكمان ملاحظ لما بدوس فرامل العربية بتبرجل ولما ازود بنزين بعديها تظبط وغيرت بوجيهات دون نتيجة
خالص شكرى استاذ محمد وبكرة الجمعة ان شاء الله هغير السلوك بس فية نوع معين تنصحنى بية انا عارف انك اكتر واحد فى مصر بتفهم فى السمارا ومعلش المنتدى كلة بيتقل عليك فى العربية دية ويا سيدى اعتبر انك توكيل لادا سمارا فى نايل موتورز خالص شكرى
اخوك حاتم عبد الرؤف
يا باشا انا اقل واحد فيكم وتقريبا كلكم خبرتكم فيها اكتر مني
بس انا غيرت فيها حاجات كتير لما استويت وقدرت اخليها تمشي كويس
مفيش عيب العربيه معملتهوش معايا ههههههههه
مشكلتك الاخيره دي كانت بتحصل معايا
بعد العربيه ما تسخن كنت بحس انها فيها بوجيه قاطع وهي ماشيه
وساعتها سالت محمد ممدوح الله يكرمه وقالي اشتري اغلي سلك بوجيهات تلاقيه
فجيبت نوع تشيكي كان عامل من كام سنه 40 جنيه
ومن ساعتها والمشكله اتحلت
باذن الله تكون دي مشكلتك وتتحل بتغيير السلك