الف شكر ليك يا باشا على متابعتك
ان شاء الله هتواصل مع الاعضاء واللى فيه الخير يقدمه ربنا
بس لو عاوز اعرف منين اجيب موتور ليها فى اسكندرية ؟؟
عرض للطباعة
انا قمت بتنجيد كرسين السيارة الامامين فوم بتوع الشاهين بصراحة ظبتلي القاعدة وشكلهم جميل
اولاً كل سنة وانتم طيبين ويعود علينا وعلى كل عشاق السمارا الايام بخير
ثانيا احب اشكر اعضاء المنتدي على معلوماتكم وخبراتكم واخص بالشكر أ/ احمد شحاتة المؤسس و أ/ شنوري ومش ممكن انسى الاسطورة طبعاً
وحبيت في اول مشاركة ليا اديكو شوية اسعار وبعض حلول للمشاكل المعتادة وياريت كنت شوفت مشاركتم قبل ما امد ايدي فيها اكيد كنت وفرت كتير
مثلا كان عندي مشكلة رشح الزيت على الموتور وغيرت جوان طلمبة البنزين و واورينج الاسبراتير واولسيه زيت المكنة مكلفونيش 10 جنية وربنا يستر ومتتكررش المشكلة تاني ( ملحوطة ملقيتش الحاجة دي في المحلات جبتهم من عند واحد بتاع جوانات في الحرفيين ) وكان عندي مشكلة في خراطيم المية غيرتهم كلهم بـ 20 جنية ( من ام رشا في التوفيقة ) بس لازم يكون معاك الخرطوم القديم عشان المقاس
ودي اسعار بعض القطع واماكن بيعها
جوز طنابير روسي قدام بـ 180 جنية (من عند محمد في اول فيصل )
بلي عجل امامي ايطالي بـ 40 جنية ( من عند الموجي في الحرقيين)
وش فانوس خلفي بـ 40 جنية (من عند محمد في اول فيصل )
فانوس كامل امامي تركي بـ 140 جنية ( من عند الموجي في الحرقيين)
كالون شنطة صيني بـ 75 جنية ( من عند الموجي في الحرقيين)
وكنت هاغير الكربراتير وكان سعره عند حمدي لادا 800 جنية وعند الموجي 450 جنية تقريباً بس الحمد لله عملتله اصلاح عند خصر في مدينة السلام وبقى زي الفل
وان شاء الله نكون متواصلين دايماً
اخواني الاعزاء السلام عليكم جميعا
انبارح قدر لي الله عربية تخبطني من ورا وكسرت الفانوس الخلفي وكان راجل كبير هو اللي سايق العربية وكان عايز يجيب لي فانوس على حسابه لكن انا قلت الحمد لله انها جت في الفانوس ومجتش في مرض حد من اولادي وبصراحه مشيت من المكان وانا مسامح وواثق بان هذا قضاء الله وقدره
المهم انا محتاج اركب جوز فوانيس خلفي وسألت فقالو لي عاملين الفانوس بالبورده للجوز 375..... فكان فيه اخ في الرابطه قال ان ممكن يركب فوانيس شاهين الخلفية بالاضافه ان سعرهم الاجمالي 140 بالكامل وبعدين حتى لو الوش انكسر في اي وقت سهل تجيبه عن وش فانوس الادا ياريت إللي مركبهم ميبخلش عليا بالمعلومه ويقول لي اركبهم ازاي وهل إللي هيركبهم السمكري علشان هيحتاجو تعديل ولا إيه....... وجزاكم الله خيرا
باشا كان فيه زمييل لينا كاتب انه اشتري وش الفانوس ب40 جنيه
ارجع كام مشاركه ورا حتلاقيهم انا مش فاكر فين بالظبط
وفوانيش الشاهين اتكتب زمان برضه انهم بيركبوا من غير اي تعديلات
متقولش انه الفانوس الي ورا شمال (:
اتخبط عندي 4 مرات وكل مره حته تطير من الوش بتاعه
لحد ما جت مرسيدس c180 رشقت في العربيه من الجنب ورا كسرلي باقي نفس ذات الوش في نفس ذات الفانوس ههههههه
بس مستني كام يوم ادخلها عمره سمكره خفيفه واعملها كلها علي بعضها