الموضوع: مشاركة لبعض اسعار قطع غيار لادا سمارة

المشاركة الأصلية كتبت بواسطة shnory

تحت امرك يا باشا واتمني تكون مشكلتك اتحلت


كله كوم
وبتاع شارع فؤاد ده كوم تاني
ربنا مش حيباركلهم فعلا
مره اخدت منهم ازاز الهوايه الي ورا وبعد ما قالي 70 جنيه
لما لقاني محتاجه قالي 100
وفضل يماطل ووصلتهم 90 ودفعتهم لاني محتاج الازاز جدا ومش حسيب العربيه مفتوحه
بس بصراحه برضه الي مش بلاقيه في حته بيكون عنده جديد
ومره جيبت منه جيربوكس ب500 او 600 جنيه تقريبا مش فاكر
وهو ندم بعدها انه باعهولي بالسعر ده
ودا الي حسيته من كلامهم معايا بعد كده انه كان المفروض باكتر
اتمني تكون مشكلتك اتحلت ولقيت كل حاجتك
بس مشكله زغلول لما بتروح معاه المخزن ((:
تحس انه واخدك يخطفك
بس هو راجل جدع وابن حلال اوي
ولو حبيت تقوله انك تعرفني احتمال يعمل معاك واجب بس مش اكيد (:
قوله محمد الشنوري اللي معاه السمارا الحمرا

انا كنت عند زغلول النهاردة تاني والحمد لله المشاكل كلها اتحلت :)) .. وهوا صنايعي ابن حلال وربنا يباركله ويباركلك انك عرفتني عليه :)

وروحت لبتاع شارع فؤاد قولتله اني مبقتش عايز غير المرايات بس .. زعل شوية بس مش فارقة معايا لاني استنيته كتير جدا وبيستهبل

المشاركة الأصلية كتبت بواسطة colorado

الإخوة الأعزاء
السلام عليكم ورحمة الله و بركاته
أنا من القاهرة ( بس من عاشقي الإسكندرية )
محتاج خدمة عاجلة جدا
أنا عندي لادا سمارا باب واحد
وفي حد ابن حلال كسرلي زجاج باب السواق
ودااااااااااااااااايخ على الزجاج ومش لاقيه و مش عارف سعره كام
أرجو ممن عنده المعلومة يرد عليا لو تكرمتم ألاقيه فين وسعره كام ..... اتصلت بواحد في عزبة شلبي قاللي موجود ومرضيش يقولي سعر في التليفون و أنا خايف أخبط مشوار من حلوان لغاية هناك و ألاقيه فيلم أو سعر خرافي .... انتوا عارفين التجار
أرجو منكم المساعدة خصوصا إن بكره الأحد و العربية بايتة مفتوحة في الأيام الحلوة اللي احنا فيها دي
ولكم جزيل الشكر

انا مش عارف انت قصدك انك ممكن تنزل تجيبه مخصوص ولا ايه .. بس هديلك رقم اتنين كلمهم بالتليفون جايز تعرف السعر بس

ياسر 01225311803 ودا الصنايعي اللي شغال في محل زغلول .. هتلاقي وصف المكان في اخر كام مشاركة في الموضوع

ابراهيم 01228379219 دا محله في شارع فؤاد ممكن تسأله برضه .. بس لو موجود عنده اتأكد الف مرة قبل ما تنزل تجيبه لانه ممكن يقولك موجود بس "لسة" هجيبهولك .. انا كنت عنده النهاردة بس لو شوفت البوست كنت سألتهولك..


جربت تشوف مصنع جريش؟؟

النهاردة اشتريت من زغلول اللي في الحضرة:

كاوتش الازاز بتاع 3 ابواب .. كان هيحسب كل واحدة ب50 جنيه بس انتهينا على 120 جنيه لل3

واشتريت من عند الشركة الشرقية في شارع فؤاد:

تيل فرامل 85 جنيه روسي

انا مش عارف انت قصدك انك ممكن تنزل تجيبه مخصوص ولا ايه .. بس هديلك رقم اتنين كلمهم بالتليفون جايز تعرف السعر بس

ياسر 01225311803 ودا الصنايعي اللي شغال في محل زغلول .. هتلاقي وصف المكان في اخر كام مشاركة في الموضوع

ابراهيم 01228379219 دا محله في شارع فؤاد ممكن تسأله برضه .. بس لو موجود عنده اتأكد الف مرة قبل ما تنزل تجيبه لانه ممكن يقولك موجود بس "لسة" هجيبهولك .. انا كنت عنده النهاردة بس لو شوفت البوست كنت سألتهولك..


جربت تشوف مصنع جريش؟؟[/quote]


كتر خيرك يا باشا و الله
أنا كلمت ابراهيم النهاردة الصبح وقالي البيبان بتاعتها موجودة و سعرها مش غالي
أنا ناقصني شوية حاجات كده
ان شاء الله هانزل اسكندرية بكرة أمر عليه و على زغلول ده
بس أستأذنك عنواوينهم بالتفصيل و لك جزيل الشكر

المشاركة الأصلية كتبت بواسطة colorado

كتر خيرك يا باشا و الله
أنا كلمت ابراهيم النهاردة الصبح وقالي البيبان بتاعتها موجودة و سعرها مش غالي
أنا ناقصني شوية حاجات كده
ان شاء الله هانزل اسكندرية بكرة أمر عليه و على زغلول ده
بس أستأذنك عنواوينهم بالتفصيل و لك جزيل الشكر

ابراهيم قاللك الابواب موجودة في المخزن ولا عنده على طول؟ لو في المخزن ممكن تروحله يقولك معلش والله مقدرش اروح هناك اجيبهم عشان مفيش حد يعد مكانه في المحل .. البني ادم دا مش مضمون ابدا.. اتأكد منه الف مرة وقوله انك هتنزل من القاهرة مخصوص تاخد الحاجات دي

زغلول لو قاللك عنده فاالحاجة اكيد موجودة بس هتحتاج تروح المخزن برضه (هوا هياخدك) بس لازم تكون عنده بالنهار عشان المخزن مفيهوش نور

العناوين:

ابراهيم لو هتنزله بعربية قدامك حل من اتنين .. تركن في الجراج اللي ورا سينما امير في اخر شارع صفية زغلول وتتمشى على رجلك لحد عنده .. هتمشي في شارع فؤاد باتجاه ساعة الزهور عكس العربيات يعني لحد ما توصل لمحل Sushi Mori .. المحل دا على ناصية .. هتمشي شمال هتلاقي المحل على يمينك بتاع سكودا ولادا .. اسألهم على الاسطى ابراهيم هيشاورولك عليه هوا في مدخل العمارة اللي هما فيها

الطريقة التانية انك تنزل من شارع فؤاد بس هتعدي Sushi Mori عشان الشارع دا مش هتعرف تدخله هتكون عكس اتجاه .. هتنزل من الشارع اليمين اللي بعده .. بعد كدا تدخل تاني شارع يمين وتمشي شوية لحد ما تلاقي ميدان صغير كدا .. اركن في اي حتة عنده هتبقى جنب ابراهيم على طول .. االمشكلة بس انك لو هناك الظهر صعب تركن بس العصر الدنيا فاضية

انا رايحله بكرة .. لو ممكن توفر النزول واسألك انا وارد عليك مفيش مشكلة .. بس عشان متخبطش المشوار ويألشك!!

زغلول في الحضرة .. انا مش عارف انت عارف اسكندرية كويس ولا ايه بس لو فيه حاجة مفهمتهاش قول

هوا في شارع الشهيد على صالح - الحضرة - كابو

وانت نازل على الحضرة من محطة مصر وبعد ما تعدي شارع المنارة هيبقى قدامك خط ترام وقصادك على طول عمارة كبيرة واخدة ناصبة هتدخل الشارع بتاعها وتفضل ماشي فيه طوالي لحد ما توصل اول تقاطع كبير .. هتدخل شمال وتفضل ماشي في الشارع دا هتلاقي على يمينك محل عصير اسمه ابن الحتة .. بعده بشوية محل زغلول على اليمين بس خد بالك المحل صغير .. امشي بالراحة عشان تاخد بالك منه

أنا شاكر جدا يا باشا على الوصف المفصل
ربنا يكرمك يارب
أنا سألته على الإزاز وقالي 180 و موجود والباب كامل بـ 400 طبعا أنا عندي حاجات كتير خربانة في الباب قلت أجيب باب أفضل و طبعا قلتله إني هاجيب من عنده 500 حاجة تانية لأن فعلا العربية محتاجة حاجات كتير فأكدت عليه ( طبعا حسب توصية سعادتك ) حلفلي إن عنده أبواب كتير وعنده كمان أبيض زي ماأنا عاوز
لدرجة إنه قاللي أتصل بيه أول ما أوصل عند المحافظة وهو هييجي يجيبني بنفسه
لو حضرتك نازل له بكره ممكن تأكدعليه إن أنا صديق لك وإني من طرفك و جايله من القاهرة مخصوص وكده
أكون شاكر جدا و أنا ممكن أسافر إن شاء الله بكرة آخر النهار و أبيت عند قريب لي وألحق معاه اليوم من أوله
بس ليا استفسار
هو أرخص و حاجته أنضف ولا زغلول ؟؟؟؟؟؟
لأني كلمت اللي اسمه ياسر اللي حضرتك بعتلي تليفونه كان غير متاح فمعرفتش أوصل لحاجة
كمان حاجة تانية
أنا هاغير التابلوه إن شاء الله و عاوز أجيب الـ 2110 أو السمارا الحديث 2115 و الاتنين بيركبوا وبدون تعديل ومنظرهم تحفة
هل ألاقي عند حد فيهم التابلوه ده بالمرة ؟؟؟
منتظر ردك يا باشا ولك جزيل الشكر
ولو مش هضايق حضرتك رقم موبايلك لو أمكن لو احتست في حاجة في بلدكوا :)
والله مش هازعل لو رفضت يا باشا بس أهم حاجة ما أدبش المشوار على الفاضي
لو وصلت لحاجة يا باشا أكون شاكر جدا و أنا ممكن أأجل السفر بحيث بعد بكره الصبح أكون عندهم
وجزاك الله عني خير الجزاء
وألف ألف شكر
بالمناسبة : أنا إسمي شريف

المشاركة الأصلية كتبت بواسطة SHNORY

دور هنا الاول علي ال 500 حاجه التانيين
حتلاقي كتير منها وباسعار ارخض
دا الموقع بتاع البلغاري
والاسعار قديمه من 2011 بس مغليتش كتير
العرض التجاري • الشركة المصرية للتجارة والتوكيلات

زي الفل يا باشا بس مفيش أسعار
ومش عارف أسجل عشان أعرف أدخل
الصفحة بتديني إيرور
أنا فعلا محتاج حاجات كتير من اللي موجودة دي بس مش عارف أشوف سعر أي حاجة