الموضوع: مشاركة لبعض اسعار قطع غيار لادا سمارة

المشاركة الأصلية كتبت بواسطة shnory

متقولش نجم بس ولا حاجه
ماهي كل الخبرات دي من الخوازيق اللي بناخدها من الصنايعيه هههههههههههههههه
المفروض الاعضاء يلمولنا يا احمد علشان نروح نظبط العربيات ونرجع نفيدهم
بخصوص الكابل بقي
فيه ناس بتصلح كابلات الدبرياش يا باشا
بتديلهم الكابل المقطوع وبيركبوله واير جديد والترمله اللي بتركب في الدواسه
وبياخدوا 20 -30 جنيه علي التصليح
بس فعلا حسيت بفرق كبير جدا
الدواسه مبقتش تزيق
وبقت انعم واخف

شكرا يا باشا على المعلومات القيمة دية بس انا راي ان الواحد يركب واير جديد افضل من التصليح ووجع القلب ده وعلى فكرة تغيير واير الدبرياج سهل جدا وانا ركبته بنفسى ومش محتاجة صنايعية ووجع قلب

السلام عليكم

لو سمحتم زغلول اللي في الحضرة مكانه فين بالظبط؟ عشان معايا سمارا الجديدة وبدور على حاجات كتير استعمال وهيا هيا اللي في القديمة

وشكرا مقدما :)

دي اسعار حاجات اشتريتها او سألت عليها من فترة قريبة .. بس انا معاها 2115 موديل 2007 (فيه حاجات كتير زي ما هيا متغيرتش)

تيل فرامل امامي روسي 80 جنيه
رادياتير روسي 400 جنيه
كالون باب 70 جنيه
ماسورة مياه 85 جنيه
موتور مياة مساحات صيني 30 جنيه
كاوتش غطاء السكاترا روسي 65 جنيه
كويل روسي 320 جنيه
مراية صيني 85 جنيه (دي اتضحك عليا رسمي في سعرها :d الروسي هيا اللي ب 85 جنيه)
كاوتش مسطرة باب خلفي خارجيه 20 جنيه
فلتر بنزين روسي 35 جنيه
الازاز بالكامل للابواب والبربريز امامي وخلفي بالمصنعية بكل حاجة 1500 جنيه :s

الاماكن في اسكندرية:
النونو في صلاح الدين (قصاد شكوكو)
هوب موتورز في فلمنج على الترام (السمارا الجديدة بس)
واحد في شارع فؤاد ورا المحافظة

بالنسبة للناس اللي معاها اللادا الجديدة عموما، 2115 او 2110 او الكالينا او2107 الانجكشن لو عايز تكشف بالكمبيوتر بدل ماتروح التوكيل فيه واحد ورا المحافظة عنده نفس الجهاز اللي بيكشفوا بيه في التوكيل .. والكشف بيتكلف 15 جنيه .. النونو في صلاح الدين بيكشف برضه بس ب 50 جنيه.