تركيب فلتر تكيف للصني وانت في بيتك

**aymannnnnnnn** · 23-03-2012 07:24 PM

السلام عليكم ....... حبايبي صقور نيسان
معلش انا مشغول شوية الفترة دي ومش بشارك معاكو كتير عشان مشروع التخرج

ادعوووولي يعدي على خير

طبعا كلنا عارفين الصني بتنزل من غير فلتر تكيف وكنت لما اظبط الهوا ييجي من بره العربية الاقي التراب كله في وشي فقلت لازم اركب فلتر ونزلت سألت عليه واشتريتة وركبته ودي تجربتي ......

اولا: فك درج التابلوه :
في مسمارين في جنبين الدرج بيتلفو زي الصوره كده وتشدهم لبره بمفك عادي بس حط عليه فوطة عشان ماتجرحش الدرج

ثانيا: فتح غطاء الفلتر:
في كلبسين في الغطا من تحت تشدهم لبره وتطلع الغطا

ثالثا: تجهيز الفلتر:
الفلتر بيجي معاه شريطين اسفنج

بيتلزقوا على الجنبين المسطحين

رابعا: تركيب الفلتر:

الفلتر لما يركب المفروض ان الاسفنج يكون زانق في الغطا زي كدة

والجزء البلاستيك بيبقى لتحت على الجناب عشان يحكم الهوا

خامسا: التقفيل:
نركب الغطا زي ماكان (طبعا ندخله من فوق الاول وبعد كده نقفل الكلبسين)

ونركب الدرج تاني وندخل المسمارين ونلفهم لجوه

وبكده الفلتر ركب بنجاح و مفيش حباية تراب بتدخل دلوقتي وشدة الهوا زي ما هى مش حاسس بفرق خالص

ومعلش طولت عليكم.................

**aymannnnnnnn** · 23-03-2012 07:34 PM

بعتذر جدا يا جماعة ما خدتش بالي ان الموضوع متكرر انا بجد اسف
ولو الادارة عايزة تحذفه معنديش ادنى مشكلة
بعتذر للجميع....................

**tiger76** · 23-03-2012 08:06 PM

تسلم اديك و انت كنت عايز تشاركنا تجربتك
و 1000 مبروك على التكييف

**Dr'AhmZZong** · 23-03-2012 08:26 PM

لا يا باشا ولا متكرر ولا حاجة ..

بصراحة كفاية إنك افدتنا ..

ربنا يجازيك خير و يجعله في ميزان حسناتك ..

تحياتي ليييييييك ..

**DarkMagician** · 23-03-2012 08:27 PM

المشاركة الأصلية كتبت بواسطة aymannnnnnnn

بعتذر جدا يا جماعة ما خدتش بالي ان الموضوع متكرر انا بجد اسف
ولو الادارة عايزة تحذفه معنديش ادنى مشكلة
بعتذر للجميع....................

يا اخ ايمن جزاك الله خير على الموضوع وجزاك الله خير اك مبحبتش تكرر موضوع موجوود

اطلب منك افضل من حذف الموضوع تعمل تقرير على الموضوع وتطلب ضم الصور الزيادة على الموضوع الاولاني