مفتاح نور الa5

**طارق _عبد السلام** · 23-03-2012 07:32 PM

السلام عليكم
اعزائى رواد نايل موتورز

عندى مفتاح النور مقشر (يعنى اللون الاسود الموجود عليه شبه غير موجود) والموضوع ده مضايقنى جدا كان فيه واحد بينظف العربيه تقريبا استخدم تينر وقشر زرار النور وازرار الزجاج الكهربى وزر المرآه
روحت لواحد عندنا فى المحله الكبرى قال لى ان
مفتاح النور 200 جنيه
طقم زراير الزجاج 180
فرحت بالاسعار بس هو قال لى انها صينى بس نضيفه وفضل يشكر فيهم
اعمل ايه اجيب الصينى
ولا يوجد حل للتقشير الموجود عندى يعنى ممكن اعالجها ولا لازم تغيير
ارجوا النصيحه
تقبلوا احترامى وتقديرى

**طارق _عبد السلام** · 24-03-2012 03:20 AM

المشاركة الأصلية كتبت بواسطة mezo73

حاول تجيبهم استيراد احسن ماعرفش في حد بتاع استيراد عندكو في المحلة ولا لاء او عليك وعلي بورسعيد المشوار مش كبير من المحلة
انما موضوع اللون دة مالوش حل وممكن اسألك علي الاصلي هنا في القاهرة واقولك
وربنا يوفقك اخي الكريم

اشكرك اخى الفاضل
عندنا بتوع استيراد لاكن لاكن الموجود حالته لا تختلف عن الموجود عندى
وأشكرك على اهتمامك

**RedBull_30** · 27-03-2012 01:01 PM

المشاركة الأصلية كتبت بواسطة octaviamomo

المشكله دي كانت عندي في باسات 2006 وهما نفس المفاتيح تقريبا ودي غلبتني لما جيت أبيعهاعشان كانت 30000ك وكلها زيرو بره وجوه ماعدا مفتاح النور وكيبورد الإزاز بس غيرتهم بالأصلي من محل في شارع دمشق في مصر الجيده بتديلو رقم الشاسيه بيجبلك كل مواصفات العربية ولونها ومتورها عشان يجب الأصلي بس كلفتني حوالي 1100 جنيه أعتقد إسكودا أرخص بس نصيحه متغيرمش إلا لو هتبيع لأن العيب هيظهر بعد كده تاني مع الإستعمال

غريبة يا أخي.. انا لسة امبارح شايف باسات 2006 عاملة 23000 تقريبا وفيها مشكلة الزراير دي وبصراحة العربية عموما حالتها نضيفه ما عدا موضوع الزراير وبصراحة انا اتقفلت منها بسبب الموضوع ده

**benmatar** · 29-03-2012 11:16 AM

عندي نفس الحكاية في سكودا أوكتافيا a5 وفولكس بورا، وعمري ماحطيت تنر أو ما شابه عليها، بس ممكن يكون من إن حضرتك حاطط برفان أو عطر وممكن سبراي التنظيف مرة مع مرة وهكذا، يعني عوامل تعرية عادية، وبلاش تجيب مفاتيح صيني ومش هتريحك، واشتريت قبل كدة مفتاح صيني من عند سيد صلاح في وسط البلد ومن غير تركيب رجعتهولوا بعد ما شافه الكهربائي بتاعي وقال إن خامته مش قد كده وهيبوظ بسرعة، ولو بتستخدم نور كتير في السفر مثلا هيسخن معاك أكتر من الأصلي، مفيش حاجة كاملة خليه أصلي مقشر أحسن من صيني ملون.