هيه البنزينات بتبيع البنزين 80 على انه 92---من ساعه الازمه والعربيه يتثقف -زى اما يكون فيها بنزين 80
هوة دة عندى بس ولا فيه حد حصله كدة
عرض للطباعة
هيه البنزينات بتبيع البنزين 80 على انه 92---من ساعه الازمه والعربيه يتثقف -زى اما يكون فيها بنزين 80
هوة دة عندى بس ولا فيه حد حصله كدة
ممكن
والله في بلدنا الجميله هنا توقع اي حاجه
ياريت يطلع 80 حتى
انت اول مره تعرف؟؟ده عادى جدااااااااااا
والناس ياعينى فكراه 90 و 92
انا بريح نفسى وبحط 80 اللى هو 90 و92 بالنسبه لباقى الناس
ال 92 اللى بيتباع دلوقتى بيبقى 80 متخلط على 90 و ده فعلا حصل معايا مونت 92 و لقيت العربيه بتكركر فى بعض الاحوال كأن البنزين زى ال 80 بس بصراحه مش فى كل الاحوال بيحصل
لا والله
هى جت على دى
حسبنا الله ونعم الوكيل
البنزين كله مغشوش دلوقتى
حسبى الله ونعم الوكيل
اللهم ارزقنا بحاكم عادل صالح قوى امين
فى ظل الظروف دى لو حطوا مياه قدام الناس حتحطوا برضه لان مفيش غيره :untitled:
واللهي انا حاسس كدة بقالي مدة ان البنزين كله مغشوش بلد مش معترفه بحاجة اسمها ضمير
صدق وقال اقرع ونزهى
معندناش بنزين وباعتين لغزة بس من كام يوم كام مليون لتر
والله ده نفس شعورى
انا امبارح العربية ثقفت معايا
وحسيت ان البنزين ده فعلا 80
محديش يعرف يفرق بين انواع البنزين بالنظر او الرائحة
يعنى مفيش فرق ملموس غن طريق النظر او الرائحة
لو 80 صافي مش هنزعل
المشكله ان طككتير بيبيعوع مخلوط بمية !!!!!!!!!!
اذا كانت الماروتي ولا انجكشن ولا اي حساسات ولا حاجه بقت بتنتش نتش كأنها هتطفي خلاص
ده وانا اللي بحطلها 92 علطول
الله المستعان
تحياتي
في فرق ملموس
البنزين ال80 لونه محمر
البنزين ال92 مخضر
ومتسألنيش خليطهم يبقى لونه ايه لاني مشفتش غير الالتنين دول
بس عشان تشوف لازم جركن او زجاجه وتكون شفافه
انا عملت حركه وركب فلتر تاني للبنزين زي بتاع اللادا الروسي الشفاف وده بس عشان اشوف لون البنزين
ههههههههههههههههههههههههه
تحياتي
مشكلة البنزين دلوقتى فيه محطات بتغش ياريت نعمل موضوع عن البنزينات اللى بتغش فى البنزين عشان الكل ياخد باله
انا حطيت 10 لتر 92 من كام يوم بس طلعوا مغشوشين الموتور كان هينط من الكبوت من القرف اللى فى البنزين
مشعارف حطين عليه صابون سايل ولا مية ولا زيت ، مصيبه بجد
احسن حاجه الواحد يحط octain booster احتياطي
ياريت الاوكتين بوستر ينفع مع البنزين دة انا ماشي احسس علي الدواسه بسبب الصوت المزعج الي اول مره اسمعه في العربيه
حسبنا الله ونعم الوكيل
وربنا يحرق اللى كان السبب
امبارح بليل وانا ماشي كان كل ما الناس تشوف عربية بنزين ماشية في الشارع تمشي وراها لحد المحطة عشان تحط بنزين ,, المهم مفيش محطان مضمونة ولا كله بيغش؟ حسبنا الله ونعم الوكيل
كل شيء وارد في مصرنا العزيزة
اعتقد امارات مصر كويسة عشان البنزينة تابعة لشركة محترمة اللي هي امارات
كركرة الشكمان حاجة معروفة اليومين دول من وساخة البنزين
الي ينقط انك ممكن تقف ساعة في الطابور وفي الأخر تمون بنزين مغشوش
اعتقد احسن محطات هي موبيل on the run لأنها بجد تبع شركة exxon عكس محطات موبيل العادية بتبقي توكيلات ومش مضمون ضماير اصحابها
والله المستعان
،
،
معقول لا مش معقول
الله ينور يا باشا بخصوص اللون تمام بس عوزين نجرب نبقى نخلطهم ونحط شوية ميه ونشوف النتيجة الجامدة
ياريت ياجماعة أنا مع موضوع أى حد يمون من بنزينة ويحس بغش البنزين يحط اسمها عشان كل الناس تاخد حذرها
وفعلاً بنزينة وطنية من وجهة نظرى وكل أصحابى أكثر التزاماً من أى مكان آخر
وشيل برده بنزينها نضيف
كالتكس بقى محدش قال كلمة حلوة فى حقهم أبداً أبداأأأأأأأأأأأأأأ
انا عربيتي اصلا 95 وبسبب الأزمة حطيت 92 مغشوش
انا عربيتي ال92 العادي بيخليها تسقف لو جريت بالعربيه فتخيلوا المغشوش عمل فيها إيه!!!!!
طب اسمع دى الجمعة اللى فاتت مونت وبعد ما مشيت شوية شميت ريحة سولار فى العربيى
تفسروها بايه؟
وعرفت منين انها سولار هي مميزه اوي ولا انت اتعاملت مع السولار قبل كده؟
مفيش فايده الازمة ازمة ضمير واخلاق فسدت والناس هى اللى عملت كده فى نفسها ...الناس بقت مستمتعه بالانحطاط الاخلاقى
ربنا بعتلهم فرصة يراجعوا كل حاجه لنصابها الصحيح بس الانسان دايما بيظلم نفسه ومش عايز يغتنم الفرصه
والله العيب فينا وفى اخلاقنا
ان مش حاسس بالموضوع دا انا أصلا بحط 80
بس ممكن يكون التسقيف دا من الشوائب الكتيرة فى البنزين
برضه يوم الجمعة اللي قبل اللي فاتت فولت 92 من البنزينة اللي في ميدان حلمية الزيتون (مصر او تعاون مش فاكر المهم ان مفيش غيرها في ميدان الحلمية). من ساعتها سحب العربية بقى زي الطين واحيانا بيبقى فيه تسقيفة لو نقلت قبل ماأشبع الغيار. الغريبة اني عارف ان المحطة دي مشهورة بغش البنزين انما مش عارف ايه اللي خلاني ادخل امون منها!!!!!!!
فيوز الانشكجشن بتاع طرمبة البنزين عندي ضرب اول امبارح ! !
ايه اللى يخليه يضرب الله واعلم
كنت لسه حاطط بنزين من امارات مصر على الصحراوي ! وانا وراجع ضرب مني على المحور !