يا جماعة احنا بنتناقش في موضوع عام .... بلاش الانفعال يزيد عن حدودة ونبقي بنتخانق .:):)
والاختلاف في الرأي .... كملو انتو بقي
ولو دقني هيه السبب ... ....انا علي استعداد اني .....
....
...
...
...
...
..
اني برضه ح اربيها هههههههههههههههههه :)
عرض للطباعة
يا جماعة احنا بنتناقش في موضوع عام .... بلاش الانفعال يزيد عن حدودة ونبقي بنتخانق .:):)
والاختلاف في الرأي .... كملو انتو بقي
ولو دقني هيه السبب ... ....انا علي استعداد اني .....
....
...
...
...
...
..
اني برضه ح اربيها هههههههههههههههههه :)
لو دخل الزوج يكفي ؟؟؟.... دي دلوقتي بقت نسبة بسيطة للأسف ... انت شايف الدنيا عمالة تولع
اما السعودية ....... انا قضيت من عمري سنين في السعودية
الستات ممنوع تسوق ( وده قانون وضعي مالوش علاقة بالدين ) وعشان كدة كل ست غالبا عندها سواق غالبا آسيوي ... هندي .. فلبيني ...وبتحصل بلاوي بسبب السائقين دول وأفضل بلاش نخوض في الموضوع ده .... وعلي فكرة السعودية فيها مناطق بدوية نائية .... وفيها الستات بتسوق ... ده طبعا بعيد عن المدن اللي نعرفها ...
وممكن يكون كلامنا في الموضوع ده عن الستات اللي ظروفهم بتضطرهم للخروج للحياة سواء للعمل او لأي سبب آخر ...
وعلي فكرة معظم الستات دلوقتي بيتمنو ان ازواجهم تتكفل بجميع المصروفات والنفقات وهما يقعدوا من الشغل ... لكن ازاي ... ده مرتب الزوج والزوجة مش مكفيين اساسا ...
شكرا جزيلا
انا رائي ان الستات بتبقى خبرتهم قليلة في السواقة فمع طرق مصر العجيبة اللي مالهاش وش من قفى فهذا بيسبب انهم يتضربوا او يغلطوا او يسيروا ببطء ليتعملوا مع هذا الطرق
بصى يا علا
المشكلة مشكلة اخلاقية + عدم خبرة فى القيادة وخوف وقلق وتردد
يعنى انا مثلا من ساعة كنت فى مشوار وراجع وداخل شارع يمشى فيه عربيتين
عكس بعض بالعافية المهم انا فى اول الشارع لقيت عربية جاية
والله ما اعرف اللى جواها راجل ولا ست روحت مستنى لما تخرج جت العربية
على اول الشارع وعمالة تزنق عليا بدل ما تخرج على طول من شمالى
روحت راجع بضهرى لورا ومن غير ما اتكلم طبعا المهم لما قربت لقيتها ست
وبعد مارجعت ووسعتلها خالص راحت جاية وبتزعق وبتقولى حد يقف كده !!!
رغم انى كنت ممكن ادخل الشارع وماستناش وبعدين تضطر هيا ترجع علشان
تعدينى ووقفت وبعد ما وقفت ماخدتش غير حرقة الدم سيبتها ومشيت
يعنى عدم خبرة ماتعرفش تعدى فى شارع صغير عايزة شارع واسع علشان
تعدى مش بتقدر الابعاد كويس وديه مشكلة شائعة جداا فى الستات
عموما مش الستات بس اللى مابتعرفش تسوق فى رجالة باردو مش بيعرفو
يسوقو وكمان فى ناس بيبقو متصربعين وعايزين ينطو من فوقيك علشان يعدو
واضح انك متعصبه اوي وانتي بتكتبي الموضوع
لو بتسوقي وانتي كده اكيد لازم هتغلطي عايزه الحل بجد
لازم الستات يتعلموا فتره كبيره اووووووووي السواقه :scooter:
وبعدين يسوقوا زي ما هما عاوزين تعرفي ودا بجد
انا واحده زميلتي في الشغل بتقولي انها لما عربيه
بتيجي جنبها وتزنق شويه
:fool: بتغمض عينيها :fool:
تفتركي ايه الحل غير انها لازم تتعلم بس مش تتعلم
فينا تتعلم صح في اماكن صح :3gears:
انما موضوع يا رجاله لازم تتأقلموا فده
صعب اوي اني اتأقلم ان واحده تغمض او تحط مكياج وهيا بتسوق او
تدي اشاره يمين وهيا داخله شمال :angel:
ولا ايه رايك ؟
يا جماعة أنا شخصيا أسوق و على الطريق 100 ست أحسن مسوق و على الطريق سواق ميكروباس ، و أنا كل الستات إلي شفتهم بيسوقوا وحش بيكونوا مش متأسسين في السواقة كويس ، أما إلي متعلمة من الأول صح بيكون سواقتها معقولة جدا ، و فيه بنات بتيقى منحرفة كمان ، و طبيعي الراجل يسوق أحسن لإن أعصابه أجمد ، و أي بنت أعصابها جامدة ( و دول مش كتيير ) ممكن تكون بتسوق أحسن من أي راجل ، بس المشكلة إن نسبة الستات إلي بتسوق غلط أكتر حاليا ، علشان كده السيئة بتعم :)
سبحان الله انا لسه راجع من بره وعمال أرتب كلام أكتبه لئني كنت ناوي أفتح موضوع مشابه للموضوع ده بس الغريب اني المره دي كنت الضحيه !!
هاقول مقدمه بس كا حل زي ما حضرتك طلبتي في أول الموضوع .. مش هانقول الستات لازم تحب القياده وتتمتع بيها والكلام ده كله لئني راجل أدعي إني طبيعي وموضوع التمتع بالقياده والكلام ده كله مسلوب مني من ايام مارجعت مصر وبقيت أدخل العصاره الصبح أطلع منها آخر اليوم يادوبك فاكر اسمي بالعافيه وبالتالي الحياه فعلاً صعبه كفايه وده انعكس بشكل بشع ومؤلم جداً في كل حاجه من ضمنها الشوارع وسلوكيات الناس اللي في الشارع ...... عاوز أقول ان رصدي لمعظم المشاكل اللي بتحصل من السيدات هو عدم التركيز في السواقه والتوتر الزايد جداً وحاجه تانيه غريبه أوي ألا وهي الترصد والتصيد والتربص وحاجات كده كلها شبه بعض في المعنى :superman: اقصد أقول ان الست مجرد ماتشوف اللي في جنبها في السياره المجاوره رجل العفاريت بتشتغل وده طبعاً ينم عن شيوع الأخلاق الغير حميده والعصبيه والسلوك السيء اللي بقى مرض متفشي في شوارع المحروسه أو المخروسه مؤقتاً ( مصر ) ده كله انعكس في رأيي على الهلع اللي بيتملك جزء كبير من السيدات اللي بيسوقوا بمجرد ان يشاء الله ان يجمع بينها وبين رجل بسياره أخرى في شارع ضيق وعلى طول التركيز بيضيع وبيحصل الخطأ .....وطبعاً النقطه التانيه اللي متسببه لده هي الأنماط المحفوظه ووضحها أخي في الله محمود ان الست مابتعرفش تسوق والشاب العربيه دي طالعه ليه في كيس الشيبسي والكلام ده كله.
يعني ملخص النقطه السابقه هي ان احنا مابقيناش طايقين بعض وبنعمل حاجات غريبه لا تحتمل مع ان الفرق كله والله لا يتعدى الثواني على سبيل المثال لما يكون اللي قدامي ست أو راجل سايق على مهله شويه ايه اللي هايجرى لما استنى عليه شويه ! الخساره مش كبيره والله انما للأسف مش ده اللي بيحصل اللي بيحصل دلوقتي ان 90 % من الناس اللي سايقه في شوارع جانبيه كمان والله مجرد مايشوف اللي قدامه أقل من سرعته بي 5 ك/س بيركبه العصبي والكلكسات تشتغل والدنيا تقوم تقف على رجل بكسر الجيم ..المفروض اني لما أعمل كده واللي قدامي تطلع ست بقى وتتوتر ازعل انا واشتم ؟ طب ما هو انا سبب في ده ......الموضوع والله سلوكيات وشوية صبر بس.
معلش هاطول عليكم شويه عاوز أقول بقى موضوعي بالمره .. وأنا راجع اليوم على الدائري ورحله طويله من الهرم الى مدينة نصر دامت حوالي ساعه ونصف وانا ماشي في حالي جداً وانا هادي في سواقتي وملتزم الحمد لله الى حد كبير طلع لي لانسر من تحت الأرض ويصادف ان اللي سايق اعتقد مش سيده هي بنت شابه ممكن تكون في عمر معظمنا يعني المهم عملت في اللي مايتعملش زنقت وعملت حركات غريبه بالأشاره وفي النهاية ختمت بحركه قذره جداً من شباك العربيه وانطلقت ..........هي حاله فرديه اول مره أقابلها اللي فهمته ان دي محاوله اننا نشد مع بعض ونلعب بس تقريباً والله أعلم لئني كنت بارد زياده عن اللزوم أصابني اللي حصل ده :036: ما علينا برضه مش عاوز يكون ده الموضوع اللي عاوزه موضوع هو ان بقى فيه نوع من التحدي كده موجود في بنات كتير يسوقوا دلوقتي ويمكن ده مرجوعه لتكرار النقد الموجه زي ماقلتي يا علا في موضوعك عمل حاله من التعصب وبقى الشاب يشوف البنت سايقه عفاريته تتنطط وطبعاً دلوقتي بقى البنت تشوف الشاب سايق عفاريتها هي كمان تتنطط وفي الآخر يخبطوا في بعض والأهل في البيت يتنطط وكله بيتنطط :embarrassed2:.
مش عارف المداخله دي هاتزعل مين مني بس والله انا شايف ان الموضوع حله بسيط وهو شوية صبر بس معظم الحوادث بتحصل نتيجة ده لا الست نازله من بيتها تخبط في خلق الله ولا الراجل نازل من بيته يتريق على الستات مجرد هدوء وتروي بس شويه والله الدنيا هاتروق جداً و90% من المشاكل اللي بتاواجهنا هاتخف ان شاء الله وهاتتحسن بشكل ملحوظ ان شاء الله .
وآسف على الاطاله يا جماعه وجزاكم الله خير .
و الله انا مش شايف اي داعي لانفعلاك يا علا.
انا رايي من راي سيات لافر في اول مشاركه و كنت حكتب كلامه بالحرف .
انت مثلا بتقولي ان الستات بيتعاملو مع العربيع غير الرجاله!
طب ايه اللي يمنعهم يتعاملو معاها زي الرجاله؟؟؟
هو مثلا احنا كرجاله جايبين العربيات علشان نتفسح بيها و نهيص و نلعب و لا جايبنها علشان نترحم من المواصلات و يبقي الواحد محفزظ كرامته؟؟؟؟؟
يعني السبب اللي مركب البنات عربيات هو نفس السبب اللي مركب الرجاله!
فين المشكله بقي؟؟؟!!!!!!!!!
المشكله فيكم سوري ان معظم البنات اللي سايقه ماشيه تقول يا ارض اتهدي ما عليكي ادي و ماشيه بالراحه و لابخه الدنيا حواليها.
ما بتعرفيش تسوقي اتعلمي يا ستي في حته فاضيه و ما تعطليش طريق ناس و لا تسمعي شتمتك بودانك .
و علي فكره مش الستات بس اللي الواحد بيتخنق منهم ..لاء.
دا اي واحد ماشي يتلاكع او بيتعلم سواقه جديد.
حقولك حاجه
انت عارفه انا بسوق من كام سنه؟؟؟؟؟؟
من سنه 1990 يعني كان عندي 10 سنين اياميها يعني من 18 سنه بالضبط.
عارفه اول مره مشيت وسط الناس امتي؟؟؟؟؟
سنه 1994 !!
يعني 4 سنين والدي بيمشيني في حتت فاضيه و شوارع مافيهاش ناس و ما طلعنيش شوارع عموميه غير لما اتاكد اني خلاص اقدر اتعامل و برضه هو جنبي.
فمعلش يعني ما يجيش واحد بين يوم و ليله ركب عربيه و عرف الدواسات ايا كان بقي راجل و لا ست يقول خلاص انا بقيت سواق و ينزل يقرف في مخاليق ربنا اللي ربنا اشاء انهم بقوا في طريقه.
و لعلمك انا ليا بنات قرايبي و اقسم بالله بيسوقوا احسن من رجاله كتير و انا اشهدلهم في السواقه بصراحه.
يعني الحكايه مش حكايه البنت مش بتعرف تقدر المسافات و ترتبك .
لاء خالص المشكله في اللي ما اتعلمش صح
والله الموضوع دة جامد جدا واحب اقول رأى ...السواقة مهمه جدا للستات علشان تصون نفسها من شر ولاد...اللى ميعرفوش ربنا ولا عندهم دين ولا اخلاق بس برضوا مهم انها تصون نفسها من كل حاجة يعنى متروحش تموت نفسها هى واللى معها فى العربيه وكام عربيه جنبها وبرضوا تخلى الناس تطلع من هودمها وهى ماشيه تزنق على دة وتخبط دة وتخلى دة يخش فى مطب او فى واحد معدى وكدة واسمحولى اقول ان فى سواقين مكروباصات ونقل ثقييييييل وتاكسى وطبعا ملاكى والله العظيم بيعملوا حاجات ابشع من اللى بتعملها الستات طيب النهارة سواق تاكسى كسر عليا حتت كسرة ولولا ربنا سبحانه وتعالى سترها كان خبطنى خبطه جمدة اوى وبكلمة وقولة اية ياعم مخلستش ووقفت ونزلت وكنت هكسرة هو والعربية بس الناس اللى ركبه معة اقعدوا يتأسفوا وهم ملهمش ذنب فى حاجة مشيت وانا نفسى اطبئ فى زمارة رقبتة وعموما دة طبعا مينفعش يحصل لو اللى سايق وحدة ست ...اسف للاطالة ولكن ارجوا من الستات انهم يخلوا بالهم شوية وهما سيقين واحنا برضوا نخلى بالنا مننا شوية:biggrin24::biggrin24:
انا الصراحه اللي علمني السواقه من سنه كدة
اول كلمه قالها ليا اوعي تسوق ورا واحدة ست:wheelchair::wheelchair::wheelchair: وعامل االعربيه بتاعتك علي انها واحدة ست(قلت ايه الراجل دة :dots::dots:انا عاملها ازاي يعني المهم قال ليا عاملها براحه:scooter::scooter:)
والغايت دلوقتي منفذ وصيته(الراجل لسه عايش:oops:)
بس انا مخنوق من الستات:chris:
لان مرة العربيه بطلت مني (كنت لسه بتعلم بقي بعيد عنكم)وكان واحدة ست ورايا وشغاله كلكس:arghh::arghh::arghh: مسبتهوش الا ما شغلت العربيه ومن صربعتي (ربنا يهديا)كنت مشغل العربيه علي الاول ومن غير دبرايج
والعربيه قعدت تنطر كدة بطريقه غريبه:confused4::confused4::confused4: كل دة علشان الحاجه اللي ورايا مش مستحمله ربع دقيقه اشغل العربيه براحتي
شويه لقيت واحدة ست سبقتني(عار) لقيت الراجل اللي بيعلمني بيقولي واحدة ست بتسوق احسن منك اهي
(اتجننت)ازاي يحصل دة
واحدة ست تسبقني انا (انا)ليه ياعني لا مش ممكن وطبعا سلمت امري لله يعني ابطل تعليم سواقه علشان واحدة ست سبقتني
انا بهرج ياجماعه بس انا شايف الاخت عصبيه شويه ومن ساعه الموقف اللي فات انا مشفتش حاجه وحشه من حد غير سواقين الميكروباص
وكمان الست اكرم ليها مليون مرة تركب عربيه :embarrassed2::embarrassed2::embarrassed2:علشا ن المعاكسات وكدة والهبل الذي منه
بدل ما تتزنق في ناس كدة ولا كدة ولا تنزل كل شويه علشان واحد نازل واحد طالع ولا سواق يقل ادبه ولا احتمال متلقيش مكان وتقف وامتلقيش مواصله اصلا ومدام الواحدة معاها فلوس تجيب ارخص عربيه فيكي يا مصر المفروض تنزل جري تجبها وعمرها ما تركب مواصلات ال بقي اذا كانت بتدوخ او عندها سكر او اي حاجه غلط علي السواقه
اما مشكله رد الفعل البطئ ممكن يتحل بطريقه مش هتعجب الناس انهم يسوقوا علي مهلهم خالص علشان مفيش حاجه تحصل لقدر الله وكدة كدة شوارع مصر واقفه
الحادث الاول: تخيلوا يا جماعة، كنت فى عباس العقاد ( قبل وندر لاند بحاجة بسيطة)
و بعدين واحدة ست راكبة سيتى و فى اقصى الشمال و عايزة تركن على اقصى اليمين و عايزة تاخد الشارع و تقطع طريقنا. ادت اشارة يمين.
كانت الحركة بطيئة و مافيش زحمة اوى قمت بدل ما اطلع منها هديت عشان اسيبها تيجى على اليمين
براحتها ( طالما اقدر اهدى و احجز بقيت العربيات ورايا بال 504 بتاعتى و الست تعدى بسرعة و تخلص من الزنقة اللى هيا فيها بدون ما حد يخبطها، ماساعدهاش ليه)
و فجئت بيها تتحرك بالورب و تبطىء هيا كمان. فابطات سرعتى اكثر حتى اصبحت شبه واقف لا اتحرك و هى ابطات سرعتها اكثر
استعملت الكلاكس عشان تتحرك لان المساحة فاضية و انا والناس مستنينها و هى اللى بتتباطا
المهم فهمت و اتحركت و ركنت على اليمين. طلعت من جنبها بهدوء و هديت لاكلمها
و بدات اقول بهدؤ " يا مدام ابقى خدى بالك لحسن كان ممكن تتخبطى"
لكن كل اللى لحقت انى اقوله من هذه الجملة هو " يا مدام...."
و فوجئت بواحدة فى سن والدتى ( المدام اللى سايقة) تنهال عليا بسيل من الشتائم
و بدل من انى انصحها قلت لها " انا مش هارد عليكى لانى متربى"
و تركتها و سمعتها و انا ماشى تكمل من ردها القبيح. مابتعرفش تسوق و منتهى قلة الادب
الموقف الثانى: واقف فى الشارع و الطريق واقف تماما. هديت و وقفت و بدات انظر الى الافق عشان اشوف هانقف كتير و لا الطريق ماشى بعيد و ده مجرد اختناق مرورى بسيط. و سيبت الدركسيون و بدات العب فى ذقنى
و فجاة " طاااخ"
و قفزت سيارتى بمقدار قدم الى الامام ( و كان حد ركلها من الخلف ركلة عنيفة)
شددت فرامل اليد و نزلت و وجدت الهانم سايقة 127 . عندها فانوس مكسور و الشبكة الامامية باظت ( خسائر) اما انا ف 504 ماكانش عندى غير اثار على الاكصدام و وش الفانوس اليمين فيه كسر صغير مش باين.
و فوجئت بالهانم نازلة من العربية و بتتهمنى بانى غلطان و انى وقفت فجاة !!!!!!
و بتقول ان ربنا يعوض عليها بقى فى اللى حصل فى عربيتها!!!!!
و لم اتحمل هذه الجليطة و انفجرت فى الزعيق ( ماهو اصل دى قلة ادب دى غلطانة و بتتلامض من قبل حتى ما اكلمها و كمان عيزا تلبسنى انا الغلط و تعمل نفسها بنت ناس. بقى تبقى هى اللى خبطانى و كمان انا الغلطان و ابن...؟!!!!)
طلع لى امين شرطة من تحت الارض و قلتله الحكاية قال لى بمنتهى الهدوء " ممكن اشوف
الرخص" فقلت " تحت امرك" و هممت اطلع رخصى من المحفظة
فوجدته يقول لها " رخصك"
فقالت " ليه؟ دا انا اللى..." فقاطعها بحدة " رخصك"
و اوقف و اخز منى الرخص بعدها و اوقف لى الطريق لكى اركن على جنب و سالنى " عايز منها حاجة" فقالت هى " بعوز ايه دا معندوش حاجة " و قاطعها الرجل و اسكتها ( لا اذكر ماذا قال بس يبدو انه كان شايط منها هو كمان )
و اعاد السؤال " عايز منها حاجة " فاجبت " لا كفاية اللى حصلها فى عربيتها"
و تركنى و ذهب و قف جنبها شوية و بعد كده وجدتها يتجرى بعربيتها من جنبى و انا واقف.
عاد لى و اعطانى رخصى و قال بهدؤ " مالك بس انتا كنت منفعل اوى" فرديت " با باشا انا طبعا اتخضيت من الخبطة و اتفاجئت بعدها ان هى بتغلطنى برغم انها الغلطانة فبصراحة هو ده اللى كان هايجننى" قعد الراجل يقول لى هدى نفسك و ماتتضايقش و الحمد لله ان مافيش حاجة
و كان الراجل فى منتهى الزوق اما هى فكانت فى منتهى قلة الزوق
الموقف الثالث:
شارع جانبى، سيارة واقفة فى الشارع بالوارب و مدية نور مارشدير.
الااستاذة اللى سايقة كانت عايزه ترجع لورا و تدخل شارع يمين كان فاتها. علما ان الشارع ده ضيق و اتجاه واحد اصلا ( يعنى ماينفعش تدخله) و كمان فى شارع تانى بعد 5 متر اوسع و موازى للشارع الاولانى و تدخل فيه يمين عادى. لكن انا مش فاهم مصرة على الغلص و مع ان كده اصعب اوى و اقيق و الصح اسرعلها و اسهل)
وقفنا ننتظر و هى لا تتحرك و مش فاهم مستنيا ايه ولا ملبوخة فى ايه. اطفاءت انوارى الامامية عشان لو مضايقها و لو مش عارفة تشوف منها . و مر الوقت و تعالى صوت الكلاكسات خلفى و مع اول فرصة بعد عدة حركات غريبة قامت بها بسيارته تكونت مسافة لكى اعبر بعيدا عنها و عن اتجاهها
ف مررت و فوجئت بصوت نسائى مبحوح يتهمنى بقلة الزوق ( بالرغم من اننى كنت فى منتهى الزوق)
طار جنانى و لم اتحمل فوقفت و نزلت ( و طبعا سددت القريق لكننى كنت محمل بكم من الغضب مثلى مثل اى شخص اتعطل ورا سعادتها دا غير ان انا اللى كنت وراها مباشرتا و كنت نقدر انها مش عارفة تتصرف و لم اتسرع كالباقون بالانوار و الكلاكسات المتصلة و بعد كده مع اول فرصة مشيت فى حالى)
اقتربت من شباكها و انحنيت اكلمها و انا منفعل جدا ( انا احسست للحظة انها لو كانت مراتى كنت ضربتها. كيف تقابل منتها الادب منى بقلة الادب منها؟؟؟)
زعقتلها و يفصلنى عنها و انا بزعق بتاع 30 سنتى فقط على الاكثر
قالت " اصلى مش عارفة اصلى مش شايفة " فرديت " امال انا طفيت النور بتاعى ليه مانا طافى النور، انبقى قليل الزوق ولا معنديش زوق؟؟؟!)
فغاصت فى مقعدهاد
و استدرت و تركتها و ركبت سيارتى انا لامشى. و وجدتها توقفت عن المحاولات و اخذت الاتجاه الاسهل ، الاتجاه الصحيح!!
كله الا قلة الادب، و بعد كده حضرتك متضايقة و مش عايزة ان الواحد ماياخدش فكرة سيئة عنكم فى السواقة؟
انا اعلم ان فى ستات بتسوق كويس و فى منهم المحترف. و لكن دى قلة. يبقى الواحد ياخد باله و يعوض قلة خبرته بانه ينتبه و يحترم المرور و الاخرين و يتعلم اكتلر. لكن للاسف اكثرية الستات فى القيادة بتستهبل او من النوع قليل الادب اللى انا قابلته ده. حاولت احترمهم و كانت النتيجة زى ما حضرتك شفتى. انا مش متحامل على حد لكن مش احنا اللى هانحللكم مشاكلكم فى القيادة، احنا كلنا لازم بنستحمل بعض.
لكن لازم انتم تعرفم ان جزء كبير منكم عنده مشاكل فى السواقة و لازم ياخد باله عشان سواقته تتصلح.
نسيت احكى الموقف الرابع، فى صلاح سالم و الشارع واقف و واحدة وراية بتهرينى كلاكيات و تمر الدقائق و هى مستمرة بدون انقطاع. و انا كان نفسى اعديها بس مافيش حنه الشارع واقف و زنقة. تمنيت ان اتلاشى عشان تعدى و تريحنى.
و مع اول فرصة زنقت نفسى يمين و زنقت اللى جنبى و عديتها و ارتحت
و لم تتم فرحتى فلقد و جدتها تكرر الموقف مع غيرى
و لمدة ربع ساعة لم تتوقف عن استعمال الكلاكس بشكل متواصل مع كل من هم امامى حتى دخلت فى طريق اخر لارتاح منها و تبدا فى ازعاج ناس تانيين
حرام ده ولا حلال؟؟؟؟؟؟؟؟؟؟؟؟؟؟؟
انا مؤيد لكلامك يا عمرو بك..
و بأيدك كمان بحاجة تانية..
الستات برة مصر غير الستات في مصر..؟؟
هل دول من كوكب و دول من كوكب تاني..؟؟
اكيد لأ.. بسالقصة ان الستات برة بتتعلم صح..
بأصول.. و قواعد..
و بتلتزم بيها..
جايز عندنا الرجالة كمان مش بتتعلم صح ولا بتحافظ قوي علي القواعد زي.. بس سرعة رد الفعل و بعض العافية بتعدي المواقف دي..
لكن لنقص العامل دي مع الست.. يبقي لازم تتمرن كويس قوي.. و تطور من نفسها و سواقتها جدا قبل ما تتكلم و تنتقد اللي بينتقدها..
(والكلام مش ليكي انتي علي الاخص يا علا.. متاخديهوش بمحمل شخصي..)
و الاهم من كده كله.. ان اللي يغلط يعتذر
بس وده هيحل الازمة كلها.. كلمه اسف بتريح..
يعني جتي لو طلعت من سواق تقل ولا ميكروباص من غير ما يكون في خسائر طبعا..
عشان لو كلمة اسف دي طلعت مع وجود خسائر.. يبقي هيكون معاها خناقة.. :) :) :)
انا بس عندي اعتراض..
كون ان الست تكون شايفة ده في الراجل..
فده و مع اسفي.. بيعبر عن عدم فهم نهائي بالراجل..
سيطرة ايه و تمكن ايه..؟؟ و مش بيطبق الكلام ده علي السواقة يعني وده اللي اقصده.
كل القصة ان السواقة بالنسبة للراجل بيبقي فيها كتير من المتعه..
متعة القيادة.. ودي انا عن نفسي شايفها و في كتير جدا من الرجالة اللي اعرفهم..
و للأسف بعض تصرفات الستات و الرجالة من عينة سواقين الميكروباصات و غيره..
بتضيع المتعه دي..
بال و بتقترن الحكاية دي بخطر بقي حسب شدته.. علي النفس او علي العربية نفسها..
او ممكن توصل لكون الخطر كارثة علي الطريق..!!!
يااستاذة علا والله فعلا اللى بيتقال عن سواقة الستات مش من فراغ هو طبعا ماقلناش ان كلهم مابيعرفوش يسوقوا لكن الاغلبية فعلا منهم كدا غير متحكمين فى ابعاد العربية ( زى اللى حصل معايا قدام On the Run جامعة الدول من يومين واحدة بميجان جاية فى وشى عايزة تدخل الشارع اللى جنب اطلس وعايزة تعدى بالعافية قبلى وكبست بنزين المهم انا وقفت وهى وقفت ولا المسافة تعديها ومينفعش ارجع ورايا عربية ولا راضية تعدينى لانها بسلامتها مكانتش راضية ترجع المهم روحت منطط العربية زى الميكروباصات الحركة اللى بيعملوها دية وعديت من جنبها وهى بتبصلى بقرف كانى ارتكبت غلطة فى حقها مثلا او كان فرض عليا انى اعديها ولا كأن ورايا بشر عملينلى مزيكة حسب الله :d وانا بعدى من كتر ماهى مستعجلة ماستنتش اعدى كل العربية وراحت مريحة على الرفرف اللى ورا عندى عند السوكة اللى فوق العجل المهم سمعت الحكة روحت وقفت وهى ولا هى هنا مشيت ولا كأن فية حاجة حصلت مع انها المفروض كاشفة عربيتى كلها المهم نزلت بصيت وانا راكن فى محطة البنزين لقيت خط فضى بلون عربيتها لونها طلع عندى والحمدلله بشوية مية مافيش اثر تستاهل اللى حصلها بقى ( احب اشكر اكصدام ورفرف الميجان الفيبر ) ( دة موقف يدل مثلا على عدم تقدير الستات للابعاد ) ,,, وموقف تانى من فترة راكن العربية القديمة فى الشارع لقيت واحدة شكلها لسة متعلمة سايقة بولونيز لقت عجلة قدامها راحت سايبة الدركسيون وحطت ايديها على وشها :funny34d: الحمدلله الشارع مكسر عربيتها بعدت عن العجلة اللى الواد الغلبان سايقها :wheelchair: ورشقت فى عربيتى وهى مركونة دخلتها فى العمود:banghead: ونزلت انهارت من العياط وشبة مغم عليها :2: ( دة موقف يدل على عدم تحملهم للضغط وضعف الاستجابة وسرعة التصرف فى المواقف الصعبة ) والله ومواقف كتييييييييييير زى دية وانا ماشى الاقى واحدة حدفت عليا بدون سابق انذار كانها مثلا بتعمل غرزة ومردتش الدركسيون مستنيا تدخل فيا :3gears: ,,,,,, بس دة ميمنعش ان فية ستات بتسوق مية مية وتحكم كامل بس لحد الان مشوفتش النوعية دية الا برة او فى الافلام الاجنبى زى فيلم TAXI 3 كدا يعنى :biggrinjester: :rofl4:
فى يوم من الايام كنت استمع الى ازاعة لندن
و كانوا بيتكلمو عن السواقة
و ان فيه دراسة او بحث اتعمل بيقارن بين حوادث السواقة مع الستات و الرجال
و كانت النتيجة:
الرجال، مشكلتهم السرعة الزائدة فمعظم حوادثهم بسببها
السيدات، عندهم مشكلة فى التخيل.
و كنتيجة لهذا عندهم مشاكل فى تقدير مساحات الطريق و ابعاد السيارة. معظم حوادثهم فى الملفات و المحاور و الركنات
و الله العظيم هو ده اللى سمعته بودانى
السلام عليكم
الموضوع متعلق بان الناس اصبحت لا تود مساعدة الاخرين سواء كان
سيده او راجل وبدل ان تصبح النصيحه فى الاذمات تتحول الى هجوم وانتقاد
فتحول الموقف العدائى من سواقة السيدات الى كره داخلى يتحلى بابتسامه فتحول الوضع بالكامل الى.....
استعداد داخلى عالى المستوى +كره داخلى يتحلى بابتسامه الى=تعميم وفرض الاشياء السيئه فقط ولحل تلك هذه العقد والاشتباكات
يجب زيادة الهدوء وضبظ النفس وعدم الانفعال للسيدات فى المواقف المفاجئه والصعبه مما سيعطى نتائج مذهله سرعه فى التصرف وتركيز عالى
زيادة فترات التدريب وعدم التسرع وازالة الخوف
عدم توقع و فرض اشياء خاظئه من اى سيده وازاله نظرية التعميم نهائيا
معرفه وحساب القدرات بين الرجل والسيده فى القوى وفى التفكير
وطبعا كل ده علشان الرجل بيتعامل وسط الناس باستمرار ونسبه الاحتكاك بين الناس عاليه اوى فمفيش توتر وسط الناس انما السيدات نسبة الاحتكاك تقريبا منخفضه عن الرجل فنسبة التوتر بتبقى عاليه وسط الناس
وطبعا فى ناس كتير سواء سيدات او رجال مبيعرفوش يسوقه
الظاهر يا جماعة اني جيت متأخر اويييي
بس عايز اسألكم سؤال هوا برج الحمام يتكلف كاااااااااااااااام ؟
و يا ترا مين احسن خشب و لا طوب ؟
----------------
هدي نفسك يا علا الموضوع مش كده خالص !!!
المشكله اعتقد انها قتلت بحثا
المشكلة مش في راجل و ست
المشكله في مصر كلها
ولاد فعلا ابوهم جايبلهم العربية و مش عارفين قيمتها
تاكسيات عفي عليها الزمن
ميكروباصات عامله زي صناديق تونة بدتحرج مش بتمشي !!!
بنات مش بيعرفو يسوقوا
رجاله كبار سواقتهم علي قدهم اويييييييييييييييي
و هلم جرا !!!!
( حد فاكر مستوي رفيع جغرافيا 3 ثانوي - بيقولك الشارع المصري كرنفال )
(علي رأي خطبيتي - تقولك الشارع في القاهرة عامل زي البحر بامواجه كله بيلاطم في كله )
وعموما كل حاجه في منها كويس و الوحش بس والله شفت بنات و ستات بيسوقوا 10 علي 10
و شباب بيسقوا زي الزفت !!
المهم
كبري دماغك
اتقني السواقة
و حاولي تعلمي زميلاتك و قريبابك السواقة الصح
و لو مش عارفه مش عيب حد يعلمك باباكي اخوكي زوجك او حد ثقة !!
و تنقلي الخبرة لواحده و اتينين و 10
و انا كمان والله لما بلاقي حد بيسوق بنقله خبرتي - بقولو بص اعمل كذا و كذا و كذا علي قد خبرتي في السواقة
بسوق من و انا عندي 7 سنين لحد الوقتي 24 سنه = يعني همهمهمهم 98687646 سنه
ههههههههه
اخيرا
الغلط مش عيب - العيب هوا الاستمرار علي غلط مع معرفة انو غلط
انتي مش السبب انتي ضحية مجتمع ( طبعا لا اقصد حضرتك باذات - الكلام لكل بنات و نساء مصر ) زي ما كلنا ضحايا مجتمع و حياة اصبحت لا ترحم
يا رب اكون عرفت اعبر عن اللي جوايا كويس و اجبلك حل كويس يريح اعصابك :)
---------
بخصوص موضوع برج الحمام اللي فوق
ف دي عباره بابا دايما يقوهالي لما اكون متنرفز من حاجة :mad2:
و تفضلوا بقبول فائق الاحترام :alucard:
[quote=upnemo;302385]علي فكره انا لو مفيش ستات بتسوق انا مش هسوق لأن انا غاوي اعاكس البات اللي بيبقوا سايقين جانبي وعلي فكره انا لسه حالا كنت برخم علي بنوته فوق كوبري اكتوبر
=====
تخيل لو دي أختك ولا والدتك ولا زوجتك ... وحد رخم عليها ... ممكن أنت تعمل فيه إيه ؟؟؟؟!!!
---------
وعلي فكرة أنا أصلاً ضد سواقة الستات - ضد عمل الستات -
حتي أنا بأدعي كل يوم علي قاسم أمين
معلش يا عُلا ............ متزعليش نفسك
هما فعلا الستات المصريين ما بيعرفوش يسوقوا قوي
بس مش لوحدهم
لأن الرجالة واخدها بالذراع ......................... و حسبي الله و نعم الوكيل
شعب ............ من دول العالم الثالث صحيح
مش ملاحظين ان موجة الانتقادات زادت جدا
كل واحد مش عاجبه البلد
كل واحد مش عاجبه الشعب
كل واحد مش عاجبه اي حاجة في اي حاجة
طيب ساعدتك عملت ايه؟
اراهن ان كل المنتقدين ( ومن بينهم انا علشان محدش يزعل) بيعمل حاجات اكتر وافظع من اللي بينتقدها .
يعني بنزعل قوي لما بنلاقي حد بيرمي ورقه مثلا من العربية في الشارع
طيب وسعادتك تللاقي نفسك بتفتح الزجاج وبتعمل زيه في احيان كتيرة.
بس للأسف بنشغل بالنا بعييوب الناس ومش ولخدين بالنا من عيوبنا
تعالو كل واحد يبدا بنفسه
وقبل ما ننصح حد بسلوك معين
لازم نكون احنا الاول بنعمله
اعتقد لو عملنا كده الوضع هايتغير
الستات لهم اخطاء اكتر من الرجالة بكتير ... ده امر واقع لا ينكره احد
لكن ايه الحل .....خاصة ان في ايامنا دي ما ينفعش الست ما تخرجش من البيت ... كل واحدة لها ظروف تجبرها علي الخروج
انا باكرر كلامي في اول الموضوع ...
امامنا خيارين ..
1 - ان نقول ان الستات ما تسوقش عربيات ويضطرو يركبو المواصلات العامة والخاصة و التعرض لرزالات وتحرشات لا حصر لها ...
2- انها تصون نفسها وتسوق عربيتها ونتحمل بعض اخطاءها ونحاول نساعدها ونعلمها او امكن... في مقابل انها تكون معززة مكرمة في عربيتها
لو الست دي زوجتك او اختك او بنتك او قريبتك تختارلها ايييييييييييييييه؟؟؟؟؟؟؟
والله يا باشمهندس كلامك كله مضبوط 100% 000 هذا الموضوع اظهر فجوة كبيرة بين فكر بعض السيدات والرجال فى مصر الان 00 وللاسف كان هذا من نتاج البرامج الحوارية النسائية فى التليفزيونات والمنتديات وبتوع حقوق المراة ومدافعى المراة اليوم 0000 شىء مقزز ان نتبارى من سواقتة افضل ؟ والسيدات لايعرفون السواقة وهكذا كلمات كأننا من كوكب وهم من كوكب اخر ! ، لا ادرى لما الهجوم الكاسح على الستات السائقات بهذا الشكل 000 نعم هناك سيدات كثيرات وللاسف اقول كثيرات سواقتهم سيئة ولكن ليس هذا ذنبهم فالذتب 00ذنب من اعطاهم الرخصة بطريقة غير سليمة وايضاً خطأ زوجها او اخوها او ابوها الذين طلبوا منها القيادة بدون اى مراعاة للاصول الخاصة بالقيادة ، ولكن هناك ايضاً سيدات كثيرات افضل مائة مرة من الرجال فى السواقة وبصفة عامة السيدات افضل خلقاً من الرجال فى القيادة ( هذا راى ) طبعاً السيدات الطبيعيات اللى ازواجهم اناس عاديين ، وليسوا من فئة انتى مش عارف انا بنت مين او متزوجة مين ؟ النعرة الكذابة ! الزائفة !
وايضا على الجانب الاخر من الرجال الكثيرين ، وللاسف يقودون سياراتهم بشكل استهتارى وبالقوة وبدون ادنى ذوق او اخلاق
اذن الجانبين بهم الكثير من العيوب وللاسف كل طرف يكيل العيوب للطرف الاخر 000 بالله عليكم اتركوا المناقشات السفسطائية الجدالية التى لا نفع منها واتركوا كل جانب بعيوبة وممزاتة للطريق واحكامة
تصون نفسها طبعا يا احمد باشااقتباس:
1 - ان نقول ان الستات ما تسوقش عربيات ويضطرو يركبو المواصلات العامة والخاصة و التعرض لرزالات وتحرشات لا حصر لها ...
2- انها تصون نفسها وتسوق عربيتها ونتحمل بعض اخطاءها ونحاول نساعدها ونعلمها او امكن... في مقابل انها تكون معززة مكرمة في عربيتها
لو الست دي زوجتك او اختك او بنتك او قريبتك تختارلها ايييييييييييييييه؟؟؟؟؟؟؟
بس من غير اخطاء.
يعني تتعلم كويس
اما بقي واخداها عافيه و و مش عاوزه تعترف باخطائها
يبقي تركب مواصلات و الناس تتحرش بيها بقي علشان تحرم ههههههههههههههه
هههههههههههههههههه
اعتقد ركاب الاتوبيسات ح يشجعو رأيك يا حازم ... وح يقولو يا رب ما تحررررم
....
الستات تكوينهم الجسماني وتركيبتهم العاطفية والعصبية مختلفة عن الرجال ....
وده مش ذنبهم ... ربنا خلقنا متفوقين عنهم في بعض حاجات ... وهما برضه متفوقين علي الرجال في بعض حاجات
فيه بعض اشياء الرجال لا يستطيعون فعلها .... عمرك شوفت راجل يقدر يبقي مدرس في حضانة ... كان اتجنن ...ما يقدرش يصبر علي الاطفال ...الستات بقي بيقدرو ...
المقولة بان الرجل بيستحمل اكتر من الست ده خطأ.. الرجل عضلاته اقوي من الست ... لكن الست هيكلها اكثر قوة من الرجل ... لكي تتحمل فترة الحمل والولادة والرضاعة ... الراجل ما يقدرش يستحمل الحاجات دي
الرجال هم صناع الاقتصاد والمال والمصانع والمشروعات ....
لكن الستات هم صناع الرجال .... هما اللي بيربو الجيل ....
لو عندهم قصور في بعض النقاط اللي بتخلي سواقتهم ضعيفة .... نعمل اية ... هما ربنا خلقهم كده ....لازم نستحملهم ... ونصبر عليهم ...وبعدين الزحام الشديد والعصبية الجارفة هي السبب اننا مش مستحملين بعض ... دي اسمها اخلاقيات الزحام .....
وفي النهاية الشارع مش حلبة سباق ... الصبر طيب ..... يا راجل يا طيب
تاني أرجع و أبقى عايزة أحط ردك في برواز و أعلقه على باب المنتدى عشان الكل يقراه و يفهم :)
و بكده أكون انا خلصت ردودي في الموضوع ده عشان فعلا لو رديت على الردود المستفذة اللي فيه بجد بجد مش عارفة هاتكون النتيجة ايه :fool:
شكرا لكل اللي شارك و عذرا لكل اللي ردوا ردود محترمة و ما قدرتش أرد عليهم و سامح الله كل اللي مافهمش مغزى الموضوع و لا الهدف منه.
سبحانك اللهم و بحمدك اشهد ان لا إله إلا انت استغفرك و أتوب إليك.
:)اقتباس:
تاني أرجع و أبقى عايزة أحط ردك في برواز و أعلقه على باب المنتدى عشان الكل يقراه و يفهم :)
و بكده أكون انا خلصت ردودي في الموضوع ده عشان فعلا لو رديت على الردود المستفذة اللي فيه بجد بجد مش عارفة هاتكون النتيجة ايه :fool:
شكرا لكل اللي شارك و عذرا لكل اللي ردوا ردود محترمة و ما قدرتش أرد عليهم و سامح الله كل اللي مافهمش مغزى الموضوع و لا الهدف منه.
سبحانك اللهم و بحمدك اشهد ان لا إله إلا انت استغفرك و أتوب إليك.
قبل ما تردي اعرفي الغلط فين و صلحيه يا علا
انت لسه يدوب بقالك شهرين تلاته ماشيه متحيل تكوني اتقنتي السواقه فيهم
و لعلمك كمان سنه حتلاقي نفسك بقيتي كويسه و اللي بيمشي بالراحه قدامك سواء واحد او واحده و بيغلط حتتخنقي منه
هيا دي الحياه
مع اني ما كنتش ناوية أرد تاني :)
على فكرة المشكلة قبل الموضوع ده و الردود عليه كانت متمثلة في سواقة الستات و الشارع و الموقف العدائي المتاخد من الستات و اللي بيبان اوي من خلال تصرفات عدائية و تأفف و كلاكسات عمال على بطال و حاجة خنقة يعني من الآخر.
انما بأه بعد ما الموضوع ده اتحط و من الردود عليه ظهر ان الناس مش فاهمة اصلا و مش عايزة تستوعب ان الستات همه كمان عندهم مشكلة.. الستات بالنسبة لهم عاملين أزمة و خلاص و ماحدش عايز يسمع حد.. من الآخر كده الناس مخنوقة من بعضها و خلاص و ماحدش طايق حد.. انا فعلا كرهت السواقة من التوتر المستمر اللي في الشارع ده و نفسي أبيع العربية.. انما البديل ايه؟ زي ما انت عارف.. بهدلة في بهدلة :no:
ايه يا علا ... انتي ح تتراجعي من اول مشكلة .
.....ده احنا أملنا فيكي انك تقودي...
مسيرة التحسين ... في سواقة الستات المساكين :dots:
ونكتب في العنوان :
هذه المسيرة قادتها الفقيرة الي الله ...
علا بنت عثمان الشبراوية ...مديرة الموارد البشرية :):):)
ويبقي اسمك في التاريخ ....
انا حاسس انك بتتلككي ... وعاوزة تبطلي تعليم وخلاص .....:beee:
خلي عندك اصرار وعزيمة والشهر الجاي ان شاء الله تروحي المقابلة الشهرية سايقة عربيتك ...واللي خايف علي نفسه يوسع :driving::knight: