الموضوع: تقرير مقابلة نسور السوزوكي 23\3\2012 + المفاجأت التي تم الوعد بها

المشاركة الأصلية كتبت بواسطة axel

بسم الله الرحمن الرحيم
السلام عليكم و رحمة الله و بركاته

تقرير مقابلة نسور السوزوكي 23\3\2012

او كما احب اسميها

موقعة البلح و الشيكولاتة

الحمد الله المقابلة تمت ع خير و كانت فعلا احدي مقابلات نسور السوزوكي الناجحة و التي نجحت نجاح ساحق و خاصة حضور اعضاء جدد و اعضاء اختفوا من فترة و حضروا
و لكن للأسف اعتذر الكثير زي ma7nsh و italiano و abogogo و bmw323 و غيرهم عشان منساش حد

و من حضر المقابلة هم كالتالي :

hm414
hamaza81
lord.adel
elkomyalto
maruti
و اخوه كريم love7amada
ahmedamr007
ihabchina
axel

بداية المقابلة توكلنا ع الله و نزلنا و تم التجمع امام الربوة العبد لله ثم جيه د \ حازم hm414 ثم جيه احمد ahmedamr007
و الباقي اعتذر فانطلقت المسيرة بسرعة البرق في اتجاه المريوطية و ذلك لأن باقي الناس مستنيين هناك
و اتفرجوا ع السوزوكي لما تبدع في الدائري وانا كنت ماشي ع مهلي و البهوات فاتحين الديفل و طايرين ههههههههه
حتي جائت اللحظة الحاسمة لحظة نزول نزلة المريوطة طبقا لوصف الباشا البيه اللورد عادل اللي بسببه كنا هنلاقي نفسنا في اسكندرية و طايرين من فوق الاهرامات الثلاثة فتم الاتصال به و وصفلنا تاني و المرة ديه كنا هنتوه زيادة هههههههههه و الحمد الله دوريات الجيش المتمركزة لما لقونا واقفين محتارين جائوا اتنين مشكورين لمساعدتنا و دلونا ع وجهتنا و طبعا حصلت شوية توهان لكن النهاية ان الحمد الله وصلنا لشارع اللبيني و وجدنا الجميع في انتظارنا و تمت الركنة و كنت هنزل أأقلبهم في تمن البارك لكن للأسف لو اتكلمت كنت ادفنت هناك عشان منطقتهم ( بس هم يجوا بس عندي و انا راجعه في توك توك ههههههههه )

المهم الحمد الله ركنا و ذهبنا لصلاة العصر ثم وقفنا منتظرين باقي الناس اللي هتيجي
و كنا مستعدين بالعدة لتغيير اي حاجة للصيانة فلاتر بوجيهات تيول لكن الناس كانوا جايين مظبطين الدنيا ههههههه
و تمت الركنة بالالتو في المنتصف و تحوطهم من الجانبين الماروتي في منظر تقشعر له الابدان













و من بعد الركنة ابتدت الكوميديا كلها كل 5 دقايق عربية تقف او شخص يجي و المقولة المعتادة ( للبيع ) - ( بيع ) - ( لو سمحت الالتو ديه للبيع ؟؟ ) كل اللي في الشارع بيتفرج ع المنظر الغريب لتجمع الماروتي و الألتو و اللي رايح و اللي جاي الناس في العماير طلعت تتفرج هههههههههههه و كانت اغلب الردود مننا انها زفة بالماروتي و زفة في السمبلاوين و غيره من الردود الكوميدية

و بعدما ما جاء اسلام همينا بالذهاب للكافيه





مع العلم ان كل ده و احنا تقلانين ع الرز انا و د \ حازم هههههههه و لورد عادل و حماذة كانوا هيقتلونا عشان يعرفوا ايه حوار الرز
بس انا بعتب ع لورد عادل عشان وعدنا انه يجيب حلة و مجبش ههههههههه
المهم بعدما تم طرح افكار للنهوض بالقسم و تبادل الآراء و المناقشات و استمتعنا جدااا باليوم



و هنا لورد شكله كان بيطردنا ههههههههه







و اخيرا صورة تجمعنا كلنا و اخيرا ظهرت في صورة هههههههههههه




و اهم حاجة
د \ محمد elkomyalto و البلح اللي غرقنا بيه
عمر maruti و الشيكولاتة اللي غرقت القعدة و تم اثبات التهمة كمان ولذلك اطلقت عليها موقعة الشكيولاتة و البلح




و اخيرا و ليس اخرا و في نهاية اليوم تم الاعلان عن المفاجأت و الرز اللي كله تقل عليه لغاية ما شاط و جبنا مكانه مكرونة هههههه و المفاجأت هي كالآتي :

اولا : خصم خاااااااص جدااااااااااااااا من الاستاذ كريم منير ع استيكر المنتدي الرئيسي و الفرعي لمن سيحضر هذه المقابلة فقط من الاعضاء مالكي السوزوكي

ثانيا : خصم خااااااااااااص جداااااااااا و لفترة محدودة من الحج احمد مشعل ( جينز كار ) لقسم السوزوكي و هو خصم 15 % لحاملين استيكر المنتدي مالكي السوزوكي و ذلك الخصم ساري ان شاء الله من اليوم 23\3\2012 و حتي 23\4\2012 يعني لمدة شهر واحد
http://www.nilemotors.net/nile/27897...post3874193446


ثالثا : هدايا بسيطة للأعضاء من د \ حازم و أيضا تكريم لـ hamaza81 لمجهوده في الركن الاجتماعي لقسم السوزوكي في المقابلات و المفاجأة اللي بجد ليا ان د \ حازم برده منسينيش في التكريم و عملها من ورايا هههههههههه



رابعا : ان شاء الله هيكون فيه مفاجأت أخري من أجل اعضاء السوزوكي حاملي استيكر المنتدي و بيتم الترتيب لها الآن و تم اعلام من حضر المقابلة ببعضها


ها ايه رأيكم في الرز بقي ؟؟؟؟ هههههههههههههه

و بجد الواحد فرحان اننا اتجمعنا كلنا و اتشرفت بمعرفة الناس الجدد
و ان شاء الله المقابلة القادمة اللي محضرش يحضر
يلا استعدوا من دلوقتي و متنسوش كلمة السر

اتقل ع الرز لا يشيط

ههههههههههه

و بالتوفيق للجميع ان شاء الله

ياليتنى كنت اعلم كنت حضرت
المسافة بين مكان المقابلة و منزلى اقل من نصف كيلو متر تقريبا