الكلاكس فصل والايرباج..مش عارف اتصرف ازاى

**koheya** · 24-03-2012 11:56 PM

بص حضرتك كدة الكلوك اسبرنج باظ ودة عبارة عن قرص بلاستيك تحت طارة الدركسيون بيكون جواها كابل شبة كابل الداتا بتاع الكمبيوتر وعند انقطاعة الكلاكس بيفصل ولمبة الايرباج بتنور واحيانا حاجات تانية حسب نوع العربية ودة مفيش حل الا انك تغيرة بواحد جديد.ولو لقيت كلوك اسبرنج كابلة مدور مش مبطط اشترية لان عمرة اطول.

**amdd** · 25-03-2012 11:51 AM

المشاركة الأصلية كتبت بواسطة almoez

لا توكيل ولا غيرة لوح لاي حد كهربائي عادي مش بتاع عربيات خليه يفتح الدائرة هيلاقي سلك طويل وهتلاقيه اتقطع خليه يلحمه.. المشكله دي حصلت عندي بس كانت غلطه من واحد مش لوحدها

الدائرة دى فين بالظبط ياريت تحدد بوضوح؟

المشاركة الأصلية كتبت بواسطة atala

العيب عندك في السلك الموصل الي الزميل الفاضل قال عليه فلكس وده بيبقي نشف من كثر الاستخدام فبيتقطم فيفصل سلوك من الي جواه وهي خاصة بالايرباج والكلكس وده ما تخليش اي صنايعي يلعب فيه علشان الايرباج ما يفتحش حاول تشتري الفلكس من الوكالة ويا اما يركبوهللك او دور علي مركز صيانة نظيف يركبهوللك

يعمل كام الفلكس ده يا غالى ؟

المشاركة الأصلية كتبت بواسطة koheya

بص حضرتك كدة الكلوك اسبرنج باظ ودة عبارة عن قرص بلاستيك تحت طارة الدركسيون بيكون جواها كابل شبة كابل الداتا بتاع الكمبيوتر وعند انقطاعة الكلاكس بيفصل ولمبة الايرباج بتنور واحيانا حاجات تانية حسب نوع العربية ودة مفيش حل الا انك تغيرة بواحد جديد.ولو لقيت كلوك اسبرنج كابلة مدور مش مبطط اشترية لان عمرة اطول.

طيب الكلوك اسبرنج ده بكام يا اخى؟

**Ahmed.TV** · 26-03-2012 04:02 AM

حسالك باذن الله اليومين دول على القسة دى
بس الايرباج نور .. عشان فك الدريكسيون ..
فى السجل الميكانيكى المثبت عندنا فى القسم .. موجود طريقة طفى الايرباجز

**Dr'AhmZZong** · 26-03-2012 02:54 PM

الحمد لله إنك ارتحت شوية .. إن شاء الله كله سهل

**Ahmed.TV** · 26-03-2012 05:00 PM

بص يا سيدى انا سالتلك فى اوتوايجيبت

قالولى ان الاسبرنج ده تمنه فى حدود 1000 جنيه

فقولتلهم ممكن يشتريه .. ويركبه عند حد عنده فى مطروح .. قالولى خالى بالك دى قطعة كهرباء ولازم تركب صح .. عشان ليها ظبطة معينة فى التركيب .. ولو ركبت غلط ممكن تضرب تانى

قولت طيب ممكن تتجاب استيراد .. قالولى بردوا الاستيراد فى الحاجات الكهرباء مش مضمونة

وبعدين قولتلهم فيها مشكلة لو مشى كدا بيها لفترة عقبال ما ينزل مصر .. ويعملها .. قالولى اه مفيش مشكلة
وتركيبها اذا كانت القطعة متوفرة وموجودة بتاخد حوالى ساعة ونص تركيب

تحياتى

**amdd** · 29-03-2012 02:30 PM

المشاركة الأصلية كتبت بواسطة hanyhamer

الصديق العزيز اساس المشكلة ممكن تكون انك غيرت جزء من العفشة الأمامية ولة علاقة بالدركسيون او قمت بضبط زوايا والدركسيون لف عدد من اللفات أكثر من 2.5 يمين او شمال
والأسبرنج الموجود أسفل الطارة هو المسئول عن دائرة الأير باج وعن تشغيل الكلاكس
وكل ما تحتاجة هو تغير ( كويل الأيرباج ) ومعلش التعليم مش ببلاش

eng : Hany amer

لا ابدا انا معملتش اى حاجة فى العفشة او اى شىء فى الدركسيون ولا ظبط زوايا ..المشكلة حصلت فجاه

**Youssef.Awad** · 29-03-2012 04:39 PM

المشاركة الأصلية كتبت بواسطة mitsukero

بص

انا معرفشي الصني ايه نظامها بس هقولك علي اللي اعرفة شبة كده بالظبط في الانسر بوما

الاسطوانة دي الصنايعية بيسموها قرص الكلاكس

دي بيبقي جواها سلك طري اسمه "فلكس" السلك ده بيبقي سهل الحركة و بيبقي جواه اكتر من سلك و كل واحد بيبقي معزول عن اللي جنبة و بيبقي مبطط

للأسف في الانسر لما بتحب تصلح الكلاكس منغير ما تغير القرص بتتضطر تلغي الاير باج وظيفيا و بتشغل الكلاكس و دي مش اي صنايعي بيعمها

و الافضل تغير القرص

سعر القرص في الانسر من 350 الي 500 حسب تاجر الاستيراد اللي بتجيبة منه و اظن في النيسان هيبقي قريب من كده

و سعرة جديد في التوكيل 1200

اتمني اكون افادتك و لو في اي معلومة انا قولتها غلط يبقي سوء فهم مني للموضوع بس انا حاولت افيد

والله اعلي و اعلم

شكر خاص ليك على الشرح والتوضيح والمعلومات

-

-

الموضوع: الكلاكس فصل والايرباج..مش عارف اتصرف ازاى

LinkBack

أدوات الموضوع

عرض

-

-

-

-

-

المواضيع المتشابهه

الحقونى يارجاله اتصرف ازاى ؟

دلونى اتصرف ازاى

ازاى اتصرف فى موقف زى دا

اتصرف ازاى

مش عارف اتصرف ازاى ساعدونى

الكلمات الدلالية لهذا الموضوع

المفضلات

المفضلات

ضوابط المشاركة