جهاز الانذار

**bebo_eng** · 27-04-2007 01:55 PM

السلام عليكم جميعا وشكرا على المنتدى الجامد ده :)

انا ناوى ان شاء الله اشترى عربيه فرنا 1600 الاسبوع اللى جاى. انا عاوز اركب جهاز انذار ليها بس سألت فى مركز الصيانه قالولى معندهمش.
حد يعرف مركز صيانه فرنا ممكن اركب فيه جهاز انذار؟؟ ولو ركبتو بره هيضيع الضمان؟؟
شكرا لمساعدتكم.

**Nader** · 27-04-2007 03:36 PM

الانظار ملوش علاقة بالضمان يعنى ممكن تركبة برة. WOLF من احسن الانواع. ومبروك مقدماً علر الverna.

**PAYOO** · 28-04-2007 07:54 AM

جهاز الأنذار walf من أحسن الأجهزه في السوق المصريه وأحنا بنشجعه لأنه صناعه مصريه (وماتقلقش) لأن أغلبنا مجربه وعليه ضمان حقيقي 5 سنوات
وكمان في ماكينات رفع و سنتر لوك من نفس الماركه وياريت تشجع بلدك وتشتري walf وعلى فكره سعره منافس جدا وأمكانياته وأشكاله متنوعه جدا جدا هتلاقي أكثر من 9 موديلات في الأسواق وسعره لا يتعدى الـ200جنبه وده سعر الموديل الأخير منه

وألف ميروك مقدما على الـ "فيرنا"

**abo3bdolrahman** · 28-04-2007 08:03 AM

ملحوظة مهمة :
ماتركبش أى حاجة إلا فى التوكيل و لازم يقولولك إنهم موافقين على التركيب علشان مايخرجولكش أى حاجة بره الضمان.
لأن الإستعباط سائد عند المستر غبور.
و مبروك على العربية
و يا ترى مشكلة الحدفة الشهيرة بتاعت الفرنا لسه موجودة ولا اختفت؟
على فكرة ماكانتش موجودة عندى فى عربيتى اللى بعتها.
:lol: 8) :lol:

**bebo_eng** · 01-05-2007 02:45 PM

انا سألت فى التوكيل قالولى ان لو ركبت جهاز انذار الضمان هينتهى وهما مش بيركبوه حتى لو اشتريته من بره... بس قالولى ان الفرنا ال1600 معاها جهاز انذار. انا هشترى ان شاء الله يوم الجمعة. وهبقى اقولك على الحدفه دى. ان شاء الله متكونش موجوده.