Clarkson on the Hyundai Veloster - BBC Top Gear
عرض للطباعة
lol
Jeremy never fails to make me laugh :D
Clarkson you idiot
محاولة فاشلة من هيونداى لتقليد vw scirocco و اللى جيرمى قالوا دا اقل ما يقال
hhhhhhhh
Fake Car :)
عنده حق يقول عليها كده فعلا
رغم كدة اكتر نصف الناس الي بيقولو عليها "زبالة" نفسهم يركبوها اصلا ...
Lol الشعب المصري ده مسخرة :)
الفكرة مش كده بس فشل الكورى فى السباقات و الرالى دليل قوى ان مفيش durability , reliability , preformance , stability
و الا كنا شوفناهم فى red bull drift او fast & furious
معلش فعلا العربية دية كل اللى فيها حاجتين اتنين تابلوة شيك واللى انا مستغربلة ان التابلوة بتاعها كلة بالكامل بلاستيك مع ان اللالنترا فيها اجزاء بسيطة جلد مضغوط وارخص منها مش عارف اية دة بصراحة
العربية ضيقة جدا - ناشفة جدا للصبح - رؤيتها صعبة جدا - منظرها من الخلف غريب الصراحة لكن من الامام كويس , بجد العربية دية عمرى مافكر حتى ادفع فيها 50 الف جنية يغور الشكل والاوبشن اللى فى عربية بالشكل دة + العربية منخفضة جدا جدا عن الارض + مافيش تصفيح اسفل المحرك + سعرها غالى جدا على الفئة بتاعتها فى مقابل انك ممكن تشترى عربية اشد بكتير
وكل واحد لة حرية الاختيار العربية دية عايزة حاجتين ( تتركب اتنين فقط ولو انت بتكرة حد ممكن تعزبة فى الكنبة الخلفية مع المطبات بقى ماقولكش مش هيركب معاك تانى + عايزة طريق اسفلت حرير عشان تعرف تحس انك راكب عربية لو توافروا الحاجتين دول وسعرها ينزل بتاع 50 الف جنية كدة ممكن تلاقى اقبال عليها
هو في حد بيركب صيني ولا كوري.ولا في حد عمل للكوري سمعة الا المصريين! مش فاهم انا ازاي الناس بتسيب الياباني والالماني والاوروبي.وتركب كوري بنفس السعر! مع احترامي لكل السيارات الكورية.مافيش اي عربية كوري بتملي عيني ابدا.ولأسباب انا اعلمها.وانا بشتغل في مجال العربيات وكلمي عن تجارب.
شيري في داكار :http://kareemkamel.com/123smile/imag...hery_dakar.jpg
http://kareemkamel.com/123smile/imag..._rally_car.jpg
جيلي صنعوا عربية F1 وحتخش من 2014 تقريبا :
http://kareemkamel.com/123smile/imag..._rally_car.jpg
---
بالنسبة لهيونداي ...
ادي عربيتين في ريد بول :
http://kareemkamel.com/123smile/imag..._veloster_.jpg
http://kareemkamel.com/123smile/imag..._bull_hyun.jpg
ومن زمان في راليات مختلفة :
http://kareemkamel.com/123smile/imag...uizen_hyun.jpghttp://www.bmsc.com.au/forums/attach...s-high-web.jpg
--
طبعا نرجع و نقول شوف هيونداي اتكونت امتى و الشركات الي ببتاسبق و بتكسب في الراليات دي اتكونت امتى ...
في شركات اصلا عالمية ... بدات بسيارات السباق ! وبعدين قلبت لسيارات ركوب مش العكس .. مينفعش تقارنها بشركة كانت كل امالها انها تعمل عربيات رخيصة و اقتصادية ..
القلق كله بقى منها حاليا علشان زمان كانت عربيات رخيصة واقتصادية بس لا شكل و لا اداء و لا احتمالية ..
القلق بقى موجود علشان مبقتش رخييصة .. بقت اقتصادية بتصميميات راقية و اداء "عملي" و اعتمادية اعلى في بعض الاحيان من ماركات اوروبية عريقة ...
صحيح ..
والامريكان الهبل الي اختاروا الانترا الجديدة سيارة العام عندهم ... هبل
Hyundai Elantra is 'Car of the Year' – USATODAY.com
والسنة الي قبلها السوناتا كانت العربية الاولى عالميا ...
Hyundai Sonata wins 2011 International Car Of The Year Award • Hyundai-Blog
يا كريبتون..هو النترا اللي بتنزل امريكا زي اللي بتنزل في مصر!النترا اللي بتنزل مصر ريحتها من جوة زي شنط المدارس.وبلاستيك تعبااان .وعفشة دونجول بتتنطط في المطبات!واول فئة ب126 الف مافيهاش ايرباج واحدة حتي! دة الفلوانس ب132 الف وعربية بمعني الكلمة وكفاية السيفتي.والفوكس الجديدة تستاهل تمها بردوا.
بعد اذن حضرتك انا ليا تعليق على الكومنت
اولا : السيارات المخصصة للسوق المصرى صدقنى بعيدة كل البعد عن السيارات الموجودة فى الخارج سوءا من حيث الامكانيات او المواصفات القياسية او المحرك يعنى هنا ممكن تقول شكل هيونداى النترا الى بتنزل برة , فدية حاجة ودية حاجة
ثانيا : بالنسبة لامريكا اعتقد ان امريكا الهدف الاول والاخير من السيارة هو ان تكون قيمة منخفضة + اوبشن دية اول حاجة بيبصوا ليها لو العربية غالية واوبشنها قليل مع ان ادائها ممتاز هيقولك لأ دية ماتنفعش
يعنى هما اهم حاجة عندهم ان تكون السيارة سعرها معقول واوبشن كتير
ومحدش قال ان هيونداى وحشة بس لا تقارن تماما باللى بتنزل عندنا هنا يمكن لو بعتلهم هيونداى ولتكن النترا هيقولوا مين دية لانهم هيحسوا بفرق فى كل حاجة
وبعدين هناك اللى عايز يركب ويجرى مابيبصش للحاجات دية عندهم كل انواع الsport car يعنى دية بالنسبالهم عربية مشاوير داخل المدينة يعنى هما عارفين اخرها واولها اية
لكن هنا عندنا واحد تلاقية جايب عربية وعمال يجيب بيها 220 وهية اصلا مش مخصصة دة ولا محرك ولا عفشة ولا ثبات ولا طرق ولا كاوتش نظيف يعنى بجد احنا ماشيين بستر ربنا فى الاول وفى الاخر
حبيب قلبى اية اخبارك يامان واحشنى والله
انت جيبت الزتونة
الفرود فوكاس 2012 كسرت كل المقايسس سوءا يابانى او كورى خلاص بقت افضل سيارة فى فئتها معلش واسف لو قدامى الاتنين فورد فوكاس - النترا بكل تأكيد هختار الفورد فوكاس حتى برة العربية دية مكسرة الدنيا سواء سيدان او هاتشباك
ياسيدي هي يعني الكورولا ولا السيفيك ولا الفوكاس حتى الي عجباكم حتنزل زي مابتنزل في بلادها ؟؟
و هل ده يعيب الشركة ؟؟
ده عيب التوكيل بتاعك في مصر !
الانترا الي في امريكا فيها كل حاجة بمعنى كل حاجة و اكتر من الاوروبي كمان !
الي في كوريا فيها محرك GDI 140 حصان مش موجود في اجدع 1.6 NA و فيها Auto Park زي الفوكاس الجديدة ! و VSC و قصص !
انت بتقولي في مصر ..حلو اوي ...
الفوكاس الجديدة بتبدا من 155 الف طبعا عربية تحفة حتى اول فئة ...
الالنترا بتبدا من 126 الف ...
فرق 30 الف جنيه !!
الجيتا الجديدة و السيفيك الجديدة كسروا ال 175 الف ... و دي اول فئة هنا و هنا ... فرق 49 الف جنيه !
في مصر ... مينفعش تركب على مزاجك ... دي مقولة خاطئة .. حتلبس في الحيط لوحدك ... صديق لي معاه 400 الف جنيه ... قلتله اخلص ... هات يا 320 ي C250 ... قالي لا انا زهقت !
راح جا ب Audi A4 1.8T ب 380 الف - و الي هي مفروض منافس محترم للماركات دي
حلو ؟؟
العربية عاملة 10 الاف كم جميل ؟
زود زيت 3 مرات و التوكيل مش عارف المشكلة فين ... كل مشوار طويل يلاقي العربية بتاكل زيت !
العربية اتخبطت في الباب الي وراء .. اهه مستني 3 اسابيع علشان الباب يوصل ....
تعالى بيع بقى .... كمان سنة اتنين لو جابت نصف ثمنها يبقى يحمد ربنا !
نفس الفكرة كانت قدامي ...
كان اخري 125 الف جنيه
قدامي 5 اختيارات ساعتها
مازدا 3 اول فئة 129 الف
فلوانس اول فئة 131 الف
الانترا اول فئة 121 الف (سعرها الاولاني)
سيراتو ثالث فئة 125 الف
سول اول فئة 122 الف
استبعدت السيراتو علشان شكلها اتحفظ و انا بالنسبة لي الشكل 50% من قرار العربية
السول كنت معجب بيها جدا بس انا عندي 28 سنة ... و العربية كنت حسيبها معايا على الاقل 6-7 سنين .. هل يبقى شكلي مقبول بعد 7 سنين وانا راكب عربية زي السول ؟؟؟ قلت لأ
فضل المازدا و الفلوانس و الانترا
اخدت كل الناس الي اعرفهم ...
طلعنا على مازدا ... سيارة شيك جدا و مش مشكلة اول فئة ناقصها حاجات كتير بس مازدا !
عملت تيست درايف ! قلت اشوف موضوع الثبات بقى و النزعة الرياضية و عفشة الفوكاس ...
في الاوتوستراد ... في حتة في الطريق نازلة لتحت و بعدين طالعة فوق مرة واحدة ... هوب لبستها .. هوب العربية طارت ... هوب اترزعت ولا كانها 128 !
صاحبي الي راكب جانبي معاه AUDI A4 الي كنت بحكي عليه ... ده غير انه مش عارف يقعد لان الطابلوه لازق في ركبه ... كان راسه حتتكسر في مطب هواء !
اضف اليها انها سوقها مش ماشي يبقى سعر اعادة بيع زبالة و اضف ان قطع غيارها غاليا جدا و سالت عليها كمان ...
استبعدت المازدا ...
جات الفلاونس ... بمنتهى الامانة ممكن تكون افضل بكتير من الانترا في الامان و السواقة (اول فئة) بس بمنتهى الامانة برده حسيت اني عندي 45 سنة وانا راكبها ... و من جوة ميتة اوي و كئيبة بالنسبة لواحد بيحب الالوان و شغلته اصلا كلها الوان ...
قلت مش مهم .. نجرب نتحرك بيها ... مفيش حركة اصلا :) العربية تقيلة جدا على المحرك بصراحة طلعاتها غريبة .. وانا جاي متعقد من محرك 1.2 ... عايز حاجة بتجري....
اضف اللى ذلك سمعت الميجان .. سيبقتها ... الي زي الفل :) و سمعة العربيات الفرنساوي عامة ... و سعر اعادة بيع ضايع ...
مفضلش الا الانترا ... و المرة دي كمان غبور اي نعم شايل اي معاللم امان منها ... بس على الاقل سايب كماليات مش موجودة لا في اول فئة في المازدا ولا الفلاونس !
ركبتها .. اول ماقعتد فيها (و دي طبعا اذواق) ... شفت نفسي كدة ... و قلت هي دي .... نسيت بقى كل حاجة تانية نقصاها ...
انتشار ؟ مش حتكلم !
قطع غيار ؟ مش حتكلم ! دنا اول ماجبتها مكانش بقالها كام شهر في مصر كل انواع قطع غيارها و اكسسوارات حتى البنزيمة عندها الستاير بتاعتها من يوم مانزلت !
مراكز خدمة ؟ انا بنقي بصراحة ... في بتاع 20 واحد على بعد 15 دقيقية مني !
سعر اعادة بيع ؟ انا مستعد اعمل اعلان عن البيع حالا و نقارنها بالمازدا و الفلاونس ...
يعني بالنسبة لي كانت صفقة رابحة 100% ! طبعا زعلان اني معنديش ABS ولا Airbags بس على اد لحافك مد رجليك ..
وتاكدت بعون الله ان شاء الله ان السيارة القادمة (6-7 سنين) حطلع طلعة جوية بقى الى حاجة الماني .. بلا ياباني بلا هم ..
والى يومنا هذا ( 5600 كم) مشفتش الحمد الله ولا حتى عطل او عيب واحد و مستمتع بيها جدا ! وده المطلوب !
--
EDIT : نسيت اقول اني كنت حاطط الهوندا سيتي في الاختيارات .. و اعجبت جدا جدا بمحركها و الفتيس لكن للاسف عاملة زي اللعب الصيني من جوة ! الي بيتلكم على البلاستيك يروح يشوفها ! ده حتى الشاشة بتاعة الكاسيت سطر واحد كدة عاملة زي ساعات CASIO القديمة .. بس طبعا لا تلام دي عربية للدول التعبانة زينا لا تطرح في الدول المتقدمة ... بس لما تبقى ب 127 الف .. يبقى خليهالهم.
تصدق اول مرة اخد بالي من موضوع الصيني ووالراليات وتفاجات الصراحة
بس بالنسبة للاقبال على شراء الكوري في امريكا زي ما الاخوة تفضلو ان هناك العربية غير هنا خالص
وهم عندهم ستاندرد كده العربية تبقى 6 اير باج
وعلى فكرة الياباني كان قبل كده وقف سوق الامريكي بس اللي خلى الكوري ينافس الياباني هناك ومن بق اصدقائي سعرو الرخيص ارخص حتى من الياباني
انت عارف ان الكيا سول بتوصل الباراجواي بنفس سعرها في مصر ؟؟
عشان الشحن واللذي منه
المهم كل حاجة وليها مميزاتها وعيوبها اهم حاجة انك متدفعش فلوس في حاجة وتندم بعديها
يعني الموضوع عبارة عن معادلة انا عايز ايه =كذا
تعالى بقا الخليج واوروبا العربيات الكوري فهي اقل نسبة في السوق
ثقافة سوق + منافسة
ياباشا انا معاك فى كل كلمة قولتها بس معلش
السيفيك اللى بتنزل برة كل الفرق مابين هنا وهناك زوائد فى الاوبشن + المحرك غير كدة العربية من اولها لاخرها واحدة نفس الخامات والتقفيل وكل حاجة
* بالنسبة بقى لاختيارك اكيد حضرتك ليك حرية الاختيار بس صدقنى التوكيل لية التحكم فى الاوبشن والكماليات لكن مالوش التحكم فى التقفيل والمواصفات القياسية , وهو لو نزل العربية زى ماحضرتك عايز من برة مش هبلاقى حد يشتريها الا قليل لان سعرها اصبح غير منافس بالمرة يعنى اذا كان حضرتك بتلاقى سعر الالنترا ال highline ب156 الف جنية ومافيهاش اوبشن اللى بينزل برة تخيل بقى لو نزلها fully loaded من الخارج هتوصل كام لان الموضوع مش اوبشن بس الموضوع ان كل مافية حاجة بتزيد جماركها بتزيد ومكسبة طبعا لازم يزيد يبىقى انت كدة هتدفع كتير ولو قارنت بينها وبين الالمانى هتلاقى نفسك بتشترى الفانتازيا وش بدون مقدمات
بس معلش مع احترامى صدقنى انا ركبت الالنترا وركبت الفانتازيا فرق السماء والارض بجد والفلوانس بردة تحفة فنية يمكن هية وقار اكتر بس شكلها مش وحش وجميل جدا
وانا عن نفسى ( المحرك - الثبات - الاداء - الاعتمادية - الامان ) ثم الشكل
وبعدين حتة اعادة البيع مالهاش مقياس.يعني مثلا النترا الشكل اللي قبل الحالي.بتتباع مستعملة بكام؟؟.مش وصلت 70 الف. و80 الف دة لو حالة.العربية خسرت ولا لأ؟.واهي كان بيتضرب بيها المثل!عندك السيراتو 2010 مستعملة بكام؟وصلت ل80 الف واعلي فئة.يعني خسرت في سنتين مايقارب 30 الف جنيه!!
يبقى على كيد فطيم بيسرق اكتر من غبور ..
السيفيك الجديدة بتبدا من 175 الف ؟ وعلى كلامك"تقريبا" زي الي في امريكا..
جميل ...
اول فئة سيفيك في امريكا ب 15 الف دولار و 1800 سي سي :)
يعني لو زودنا ال 60% جمارك و ضرائب ( وده سعر المستهلك مش التوكيل)
يعني 144 الف جنيه مصري :)
وبكـــــــــــامل انظمة الامان الي موجودة في اعلى فئة !
يعني انت بتدفع 35 الف جنيه زيادة في محرك اضعف و تقولي صفقة ؟؟؟ دي نصبة ! :)
---
ومين قالك اني لو كان معايا فلوس اجيب الانترا ب 160 ؟ معاك حق طبعا ! سوري ابقى اهبل !
انا جبتها علشان هي ب 121 :) لو كانت ب 5 الاف جنيه زيداة ولا كنت عبرتها اصلا !
كنت حجيب فييستا :)
ولاحظ بنفسك ... 75% من الانترا 2012 الي في الشارع اول فئة خالص ... الي هي ب 126 او 131 (ال 131 زايدة جنط و ايرباج واحدة).
و 20% حتلاقيها ال GLS الي ب 141 و دي فيها ABS و 4 ِAirbags
وعمرك ماحتشوف ال MDI الي هي الFully Loaded دي الا نادر جدا ..
لو معايا 160 الف جنيه بمنتهى الامانة ولا حركب اي حاجة من دول ..
حجيب سيات ليون اوتو :)
وبعدين حتة اعادة البيع مالهاش مقياس.يعني مثلا النترا الشكل اللي قبل الحالي.بتتباع مستعملة بكام؟؟.مش وصلت 70 الف. و80 الف دة لو حالة.العربية خسرت ولا لأ؟.واهي كان بيتضرب بيها المثل!عندك السيراتو 2010 مستعملة بكام؟وصلت ل80 الف واعلي فئة.يعني خسرت في سنتين مايقارب 30 الف جنيه!!
Crypton
انت راجل فاهم
فعلاً كل اللي النترا اللي في الشارع هي اقل فئة (اللي بطاسات مش جنوط)
اقولك على مفاجأة كمان :) ؟
كل اللنترا و الأكسنت اللي بشوفهم في الإمارات كدا برضه
(غير السوناتا طبعاً... بالمناسبة لسة شايف HYUNDAI EQUUSفي دبي .. معرفش ميين المجنون اللي دفع فيها المبلغ دا)
الأخ اللي بيقول انا لو قدامي فوكاس و النترا هركب فوكاس
معلش يعني هي مش محتاجة rocket scientist عشان نعرف المعلومة الخطيرة دي
بس مفيش فوكاس في رينج 120
فاهم ؟
يا جماعة هو مينفعش نعمل حاجة عشان التوكيلأت دي تحترم نفسها و تنزل العربيات زي مبتنزل برة
نرفع قضايا مثلأ
يا فندم ما طبيعي اي فئة والمنافسين بتوعها يكونو متقاربين في السعر على الورق
بس الفكرة في ال dealer بيجيب انهي فئات
واانا بتكلم عموما يعني عندك مثلا السوناتا دي اغلى من الكامري حتى
على العموم ااسيا وقفت حال حال العربيات الامريكي في امريكا :36_7_7[1]:
كب اللى يينقد فى الكورى كلامة مش كامل الصحة ... اكتر العربيات اعتمادية هى اليابانى يليها الكورى
اسوأ العربيات فى الاعامادية هى الاوروبى و الفرنساوى خاصة
بصراحة ربنا احنا مينفعش معانا في مصر اوروبي ليه عشان الفتي اللي بيحصل في التوكيلات
ولو حاجة صغيرة عايزة تتغير يعملو فرح و فلوس قد كده
بجد الاوروبي جميل وكل حاجة بس مش في مصر
انا لي صاحبي معاه بيجو 307 موديل 2005 عندو مشكلة في تشغيل السيارة لما تكو باردة
راح التوكيل غيرولو فيوزات وبطارية و قعدة فتيس ومعرفش ايه
دخل في 6000 جنيه والمشكلة متحلتش لحد دلوقتي
اصل التكيف مش رفاهية و الgbs مش رفاهية و ال airbags مش رفاهية و الabs مش رفاهية
كل ده اساسيات لأزم تبقي موجودة في اي عربية برة عشان بتقلل نسبة الحوادث مش ري هنا فكرنها رفاهية
انا اللى قولت على فكرة
اكيد طبعا مش محتاجة دة شىء بديهى مش معلومة خطيرة لواحد يعرف يقيم الامور صح
ومعلش هو حضرتك شايف ان 120 الف جنية دية مبلغ قليل ان احطهم فى عربية منظر بس لانها كدة اصبحت فاضية من غير اوبشن
اللى يخلينى ادفع 120 الف فى عربية فاضية يبقى اجى على نفسى بقى واجيب حاجة كويسة ب155 الف
والحمد لله فاهم انا بقول اية كويس عشان كدة قولتلك فورد فوكاس وكل واحد لة حرية الاختيار