حاجه غريبه فوق كوبرى اكتوبر

**amdd** · 26-03-2012 11:21 AM

يا جماعة انا مش عارف انتم شاغلين نفسكم ليه كده بالفواصل والكبارى
الكبارى فى مصر عندنا جميلة قوى وناعمة جدا وهاديه وكلها حنيه على العربية وحكاية الفواصل دى اكذوبه طبعا علشان يشوهوا صورة الكبارى بتاعتنا
الناس هى اللى غلطانة كان لازم يحفظوا الطرق الجميلة والكبارى الروعة والمطبات المحترمة والنقر الهادية والحفر المتفصله
مينفعش اننا نمشى فى طريق معلمش على عربياتنا قبل كده لازم نمشى على رجلينا الاول ونشوف كل الطرق والكبارى ونعاينها الاول قبل ما نمشى عليها بالعربية..خليكوا ناصحين يا شباب وبلاش تغلطوا زى اللى راحت جنوطهم وكاوتشاتهم
شوفوا فى كوريا بيعملوا ايه فى الشوارع ....ناس بيئه اوى

**mohkhattab** · 26-03-2012 12:00 PM

المشاركة الأصلية كتبت بواسطة amdd

يا جماعة انا مش عارف انتم شاغلين نفسكم ليه كده بالفواصل والكبارى
الكبارى فى مصر عندنا جميلة قوى وناعمة جدا وهاديه وكلها حنيه على العربية وحكاية الفواصل دى اكذوبه طبعا علشان يشوهوا صورة الكبارى بتاعتنا
الناس هى اللى غلطانة كان لازم يحفظوا الطرق الجميلة والكبارى الروعة والمطبات المحترمة والنقر الهادية والحفر المتفصله
مينفعش اننا نمشى فى طريق معلمش على عربياتنا قبل كده لازم نمشى على رجلينا الاول ونشوف كل الطرق والكبارى ونعاينها الاول قبل ما نمشى عليها بالعربية..خليكوا ناصحين يا شباب وبلاش تغلطوا زى اللى راحت جنوطهم وكاوتشاتهم
شوفوا فى كوريا بيعملوا ايه فى الشوارع ....ناس بيئه اوى

صدقت يا راجل و الله
احنا دايما ظلمين البلد و الحكومة و الطرف الثالث

**amrelsaqqa** · 26-03-2012 12:05 PM

الحكومة حاطة الفواصل
عشان تعودنا على رياضة تغيير الكاوتش والاعتماد على النفس :d

دايما ظالمينهم كدة :D

**amdd** · 26-03-2012 12:28 PM

يا شباب الفواصل دى ليها فايده هندسية كبيرة
لكن للاسف بتتعمل بالوظة ومهلبيه
ودلوقتى بيعملوها علشان متحسش بالملل وانت سايق على الحرير وعلشان متروحش فى النوم فبيعملوا الفواصل علشان تفضل تتنطط جوه العربيه وتصحصح كده
انا مبيصعبش عليا غير الناس الطويلة او البدينة اللى دماغها من فوق بتخبط فى السقف وبيتعملهم ارتجاج فى البواسير
البلد عايزاك تنام فى كل حاجة ومتصحصحش غير وانت سايق علشان تفوق وتعرف انت هتلبس ازاى

**theking2690** · 26-03-2012 02:14 PM

المشاركة الأصلية كتبت بواسطة أبو إياد

الوصله مابين التحرير ورمسيس بالظبط اللى جاى من اتجاه رمسيس الى التحرير اكتر من 7 عربيات واقفين بيغيروا الكاوتش الكلام ده امبارح على مواعيد مختلفه الظهر وبالليل اكتر من 4 مرات اعدى من هناك الاقى المنظر ده
النهارده الصبح نفس الكلام
؟؟؟؟؟؟؟؟؟؟؟؟؟ ايه بقا ؟ علشان انا مش فاهم حاجه

الفواصل الحديد يا كبير بتبهدل الكاوتش انا مره كان ماشى جنبى ماتريكس فوق الحته ديه و عدى فوق الفاصل و كان بيجرى و الكاوتش بتاعه فى ساعتها ضرب و الحمدلله ان قدر يلم العربيه فهو السبب الفواصل

**Mohamed_Nafie** · 29-03-2012 01:47 AM

يا جماعه ... خلي بالكم ... الجزء بتاع توسعة رمسيس هبط ... اللي هايخدو بسرعة العربيه هتتقلب ... خلي بالكم ..

**أبو إياد** · 29-03-2012 08:45 AM

المشاركة الأصلية كتبت بواسطة mohamed_nafie

يا جماعه ... خلي بالكم ... الجزء بتاع توسعة رمسيس هبط ... اللي هايخدو بسرعة العربيه هتتقلب ... خلي بالكم ..

ماهو ده المكان اللى العربيات كلها ركنه فيه

**benmatar** · 29-03-2012 02:48 PM

حصلتلي إمبارح يـــــــــــــــــــــــا نـــــــــــــــــــاس
ربنا ستر إمبارح، بس شوفت بعيني
بين رمسيس للتحرير وبالتحديد عند نزلة السبتية وقبل الوصلة المتجهة للمهندسين والزمالك
الساعة 12 ليلا
حوالي 15 عربية مختلفة منهم بوكسين شرطة والكل بغير كاوتش ومنظر غريب فعلا، الحمد لله ربنا كرمنا وكنت ماشي على الحارة اليمين بس فعلا كنت ملاحظ إنالأرض فيها أماكن خالية تماما من الأسفلت يعني لو الكاوتش نجا من الأخرام الجنط هيتعوج. فعلا حاجة غريبة !!!!!

**أبو إياد** · 29-03-2012 02:53 PM

بانت ياجماعه ياريت اللى جاى من رمسيس ومتجه الى التحرير يخليه على الشمال وربنا يسترها

الموضوع: حاجه غريبه فوق كوبرى اكتوبر

LinkBack

أدوات الموضوع

عرض

-

-

-

-

المواضيع المتشابهه

حاجة غريبة على كوبرى اكتوبر

كوبرى اكتوبر مقفول فى الاتجاهين

استفسار عن كوبرى اكتوبر

حكايه كوبرى اكتوبر و الانوس و ونش المرور

السيارة وقفت فجاءة على كوبرى اكتوبر لية

الكلمات الدلالية لهذا الموضوع

المفضلات

المفضلات

ضوابط المشاركة