اسطوانة وديسك الدبرياج للفليشا بيبوظوا بسرعه غريبة !!!!!

السلام عليكم ورحمة الله وبركاته

عربية والدى سكودا فليشيا موديل 1996
بقالها معاه حوالى 3 أو 4 سنين
غير الديسك أو الاسطونه بتاعتها كتير جدا
بتعقد من 6 شهور الى سنة بالكتير وتبوظ
طبعا السحب بيقل جدا
وبتبقى ضعيفة جدا فى المطلع
جاب الجديد الألمانى باظت
جاب انواع تانية باظت
جاب استيراد نفس الكلام !!!
على الرغم من ان والدى من النوع المحافظ جدا فى سواقته
وهادى جدا مش بتاع حرق على الغيارات
ولا بتاع جرى
لو الدنيا اتهدت اقصى سرعه عنده 100 كم/س
حتى فى السعودية وفى السفر الطويل

بس هوه غلط غلطه امبارح
راجعين من اسكندريا قرص على الغيار الثالث ومأخدش باله
وفكر انه الخامس ومشى عليه فترة على سرعه حوالى 70 أو 80 كم/س
وشم ريحة شياط
وانتبه انه على التالت واداها الخامس ومشيت
بعد شوية هدى فى المطبات وقفت وحلفت ماهيه ماشية
انزل ازقها تمشى بس كان اخرها 50 كم/س
يجى فى المطبات تقف
لحد ما وقفت تماما ومعدتش بتمشى
كنت وراها بالشاهين بتاعتى
نزلت قطرتها بالشاهين من كفر الدوار لحد طنطا
ودينها للميكانيكى قالى الديسك أو اسطوانة الدبرياج بايظين مش فاكر هوه قال ايه بالظبط
:help2:
هيه ايه حكاية الفليشا مع الديسك واسطوانة الدبرياج ؟
هل هو عيب شائع فيها ؟
ولا مشكلة فى العربية ديه ؟ ولا عيب فى والدى ؟؟

تنصحوا يشتريلها انهى نوع وبكام ؟

وجزاكم الله خيراً

السلام عليكم
- أنصح حضرتك دايما بطقم دبرياج ألماني ماركة ساكس وتشتريه من محل مضمون زي الحسن في بين السرايات أوالمهدي في مدينة نصر أو سيد صلاح في وسط البلد مثلا، وسعره على ما افتكر 450ج.م
- وأنصح بتوجيه مهام الفك والتركيب لفني سكودا متخصص وشاطر زي ورشة محمد أصلان أو ورشة خالد اسماعيل كلاهما في مدينة نصر أو ورشة أيمن وعادل في بين السرايات أو اي متخصص سكودا محترم.
- بصفة عامة طقم دبرياج فيليشيا معمر ومش بيخرب بسرعة وده أمر السادة الزملاء عارفينه، بس السوق مليان قطع غيار مغشوشة لكافة الموديلات اليومين دول.
- لازم تتأكد حضرتك إن الدبرياج مش عالي، ممكن يكون السيد الوالد طلب من الميكانيكي إنه يعلي الدبرياج مثلا والميكانيكي علاه زيادة وده يخيل الدبرياج يتاكل بسرعة.
- حضرتك تطلب من الفني أثناء عملية الفك والتركيب المراجعة الشامل على الكبالن والفرامل والفيتيس.
بإذن الله الأمر هيتم بنجاح

اقتباس:

---

المشاركة الأصلية كتبت بواسطة benmatar

السلام عليكم
- أنصح حضرتك دايما بطقم دبرياج ألماني ماركة ساكس وتشتريه من محل مضمون زي الحسن في بين السرايات أوالمهدي في مدينة نصر أو سيد صلاح في وسط البلد مثلا، وسعره على ما افتكر 450ج.م
- وأنصح بتوجيه مهام الفك والتركيب لفني سكودا متخصص وشاطر زي ورشة محمد أصلان أو ورشة خالد اسماعيل كلاهما في مدينة نصر أو ورشة أيمن وعادل في بين السرايات أو اي متخصص سكودا محترم.
- بصفة عامة طقم دبرياج فيليشيا معمر ومش بيخرب بسرعة وده أمر السادة الزملاء عارفينه، بس السوق مليان قطع غيار مغشوشة لكافة الموديلات اليومين دول.
- لازم تتأكد حضرتك إن الدبرياج مش عالي، ممكن يكون السيد الوالد طلب من الميكانيكي إنه يعلي الدبرياج مثلا والميكانيكي علاه زيادة وده يخيل الدبرياج يتاكل بسرعة.
- حضرتك تطلب من الفني أثناء عملية الفك والتركيب المراجعة الشامل على الكبالن والفرامل والفيتيس.
بإذن الله الأمر هيتم بنجاح

---

وعليكم السلام ورحمة الله وبركاته
شكرا يا أخى على ردك وعلى مشاركتك

والدى جاب النوع الألمانى الغالى من محلات مضمونة فى طنطا
ومفيش فايده
شهرين تلاته تلاقى السحب ضعف
وكمان 3 شهور زيهم بالكتير بتلاقى العربية ضاعت خالص ولازم يتغيروا

قطع الغيار الموجودة حاليا معظمها مغشوش وحصل معايا انا شخصيا كنت بشترى صليبة كوبلن سالت عليها عند ابو الحسن قاللى الموجود المانى عاملة 50 جنيه رحت عند محل تانى اعرفه وبتعامل معاه برده قاللى كل اللى موجود صينى ومفيش المانى وورانى علبة صليبة الكوبلن مكتوب عليها Made in Turkey والصليبة نفسها اللى جوة العلبة صيني فلو هتشترى قطعة غيار اشتريها من محل موثوق فيه وبالتوفيق

احتمال كبير والدك بيريح رجله الشمال على دواسة الدبرياج دائما وليس عند نقل الغيارات فقط

طبعاً كلام الزملاء صح بس لو حضرتك بتجيب الاصلى فعلاً يبقى الموضوع فى طريقة السواقه انا والدى كده برضه انت عارف ممكن ينقل للعربيه ويفضل ساند دبرياج وهو مش قصده وده بيبقى محمل على الاسطوانه وبيخليها تخلص بسرعه وبالتالى السحب لازم يقل
وبالتوفيق ان شاء الله

اقتباس:

---

المشاركة الأصلية كتبت بواسطة oyosof

احتمال كبير والدك بيريح رجله الشمال على دواسة الدبرياج دائما وليس عند نقل الغيارات فقط

---

على فكره انا كنت بكتب المشاركه وحضرتك بتنشر مشاركتك ومخدتش بالى الا لما شاركت
اعذرنى

الصيانة بتتعمل عند متخصص سكودا؟؟؟
الموضوع بجد مهم.. معلش ممكن تتعب نفسك وتشوف في طنطا حد خبير سكودا، أو تشرف فرسان الفيليشيا في القاهرة وألف من يدلك على متخصصين سكودا، موضوع الفك والتركيب ممكن يكون له أثر أو حاجة تانية بعيدة عن طقم الدبرياج زي ما قلت لحضرتك من شوية ممكن يكون الدبرياج عالي حبتين، ومن التجربة الشباب بيحبو الدبرياج واطي، والكبار بيريحهم الدبرياج العالي. جرب وشوف

ههههههههههه قسم اسكودا يتحسد بقى فيه ناس محترمه كتير بترد على اي عضو
انا شوفت الموضوع وقولت ادخل اساعد لقيتكم عملتوا الواجب كله
وبالنسبة لصاحب الموضوع احب اقوله ان الديسك والاسطوانه في الفليشيا بيقعدوا فترة كبيرة ومش بيتاثروا بسرعة
بالنسبة للاسطوانه الى حضرتك بتفكها بيبقى شكلها ايه ؟؟؟؟ ياعنى فعلا فاضيه خالص ولا بتغيرها بس عشان السحب مش كويس ؟؟؟
حاول تغير الميكانيكي لاني عرفت ان تركيب الاسطوانة بيختلف من عربية للتانية وومكن يكون الميكانيكي بيعمل حاجة غلط في تركيبها ..........

انا كدا متهيئلى ان ولدك من شدة حرصة زى حضرتك ماقلت ممكن يكون دايما معلق فعلا رجلة الشمال على دواسة الدبرياج على طول علشان يلحق يتفادى مطب او تصادم ودا حرص زيادة على اللزوم ممكن يهلك اسطوانة الدبرياج فى شهرين....*

جزاكم الله خيراً
وشكرا على المشاركات

اقتباس:

---

المشاركة الأصلية كتبت بواسطة sakr1964

انا كدا متهيئلى ان ولدك من شدة حرصة زى حضرتك ماقلت ممكن يكون دايما معلق فعلا رجلة الشمال على دواسة الدبرياج على طول علشان يلحق يتفادى مطب او تصادم ودا حرص زيادة على اللزوم ممكن يهلك اسطوانة الدبرياج فى شهرين....*

---

عصر ما قبل الفليشيا
والدى بيسوق من أكثر من 40 سنة
وعدى عليه عربيات كتير
فى السعودية فى الثمانيات كان معاه مازدا وغيرها بمازدا احدث
وفى التسيعنيات كان معاه كورسيدا وبعدين ايسوزو تروبر جيب فور باى فور
وفى مصر كان معاه فيات 132
الإم زد بكل انواع واحجامه
والجاوا
والصينى
ماشاء الله فى كل العربيات السابقة والموتوسيكلات
عمره ما غير اسطوانة وديسك دبرياج ابداً
فى المازدا الأولى فى السعودية عمره ما غير مسمار فيها من يوم ما اشتراها
وعدى عليه موتوسيكلات كتيره جدا

مش عارف ايه اللى بيحصل فى الفليشيا بالذات
حاجه تحير والله
ده عيب قطع غيار
ولا عيب ميكانيكى
ولا عيب سواق

ده انا زهقانله والله

اقتباس:

---

المشاركة الأصلية كتبت بواسطة elawany13

عصر ما قبل الفليشيا
والدى بيسوق من أكثر من 40 سنة
وعدى عليه عربيات كتير
فى السعودية فى الثمانيات كان معاه مازدا وغيرها بمازدا احدث
وفى التسيعنيات كان معاه كورسيدا وبعدين ايسوزو تروبر جيب فور باى فور
وفى مصر كان معاه فيات 132
الإم زد بكل انواع واحجامه
والجاوا
والصينى
ماشاء الله فى كل العربيات السابقة والموتوسيكلات
عمره ما غير اسطوانة وديسك دبرياج ابداً
فى المازدا الأولى فى السعودية عمره ما غير مسمار فيها من يوم ما اشتراها
وعدى عليه موتوسيكلات كتيره جدا

مش عارف ايه اللى بيحصل فى الفليشيا بالذات
حاجه تحير والله
ده عيب قطع غيار
ولا عيب ميكانيكى
ولا عيب سواق

ده انا زهقانله والله

---

مفيش حاجة تحير ولا حاجة حضرتك اكيد عارف ان قطع الغيار معظمها دلوقتى صيني ويقولك علياه تركى والمانى وممكن امريكي بس لو انت عارف المحل كويس اللى بتشتري منه هيقولك كله صيني وبيتقال عليه تركى والمانى انا نفسي جيت اشترى صليبة كوبلن ولولا ان صاحب المحل عارفنى مكنش قاللى واكيد برده فيه ميكانيكية واخدنها بالفهلوة ويقولك ده فك وتركيب ومننكرش ان برده فيه مننا مبنعرفش نسوق او نتعامل مع العربية اللى معانا صح

اقتباس:

---

المشاركة الأصلية كتبت بواسطة benmatar

السلام عليكم
- أنصح حضرتك دايما بطقم دبرياج ألماني ماركة ساكس وتشتريه من محل مضمون زي الحسن في بين السرايات أوالمهدي في مدينة نصر أو سيد صلاح في وسط البلد مثلا، وسعره على ما افتكر 450ج.م
- وأنصح بتوجيه مهام الفك والتركيب لفني سكودا متخصص وشاطر زي ورشة محمد أصلان أو ورشة خالد اسماعيل كلاهما في مدينة نصر أو ورشة أيمن وعادل في بين السرايات أو اي متخصص سكودا محترم.
- بصفة عامة طقم دبرياج فيليشيا معمر ومش بيخرب بسرعة وده أمر السادة الزملاء عارفينه، بس السوق مليان قطع غيار مغشوشة لكافة الموديلات اليومين دول.
- لازم تتأكد حضرتك إن الدبرياج مش عالي، ممكن يكون السيد الوالد طلب من الميكانيكي إنه يعلي الدبرياج مثلا والميكانيكي علاه زيادة وده يخيل الدبرياج يتاكل بسرعة.
- حضرتك تطلب من الفني أثناء عملية الفك والتركيب المراجعة الشامل على الكبالن والفرامل والفيتيس.
بإذن الله الأمر هيتم بنجاح

---

قولتله على ماركة ساكس هيدور عليها فى طنطا
لو ملقهاش هينزل القاهرة ان شاء الله
شكرا ياباشا

اقتباس:

---

المشاركة الأصلية كتبت بواسطة المنسي

مفيش حاجة تحير ولا حاجة حضرتك اكيد عارف ان قطع الغيار معظمها دلوقتى صيني ويقولك علياه تركى والمانى وممكن امريكي بس لو انت عارف المحل كويس اللى بتشتري منه هيقولك كله صيني وبيتقال عليه تركى والمانى انا نفسي جيت اشترى صليبة كوبلن ولولا ان صاحب المحل عارفنى مكنش قاللى واكيد برده فيه ميكانيكية واخدنها بالفهلوة ويقولك ده فك وتركيب ومننكرش ان برده فيه مننا مبنعرفش نسوق او نتعامل مع العربية اللى معانا صح

---

ربنا ييسر الحال
وتتظبط المرة ديه

الميكانيكى لسه فاكك الديسك والإسطوانة
خلصانين على الآخر
القدام اللى اتفكوا قبل كده
كانوا أفضل حالا بكتير
وكان فيهم بقايا اسبيستوس مش زى دول
وديه صورتهم
[img2]http://img849.imageshack.us/img849/7849/im56231.jpg[/img2]

اقتباس:

---

المشاركة الأصلية كتبت بواسطة elawany13

الميكانيكى لسه فاكك الديسك والإسطوانة
خلصانين على الآخر
القدام اللى اتفكوا قبل كده
كانوا أفضل حالا بكتير
وكان فيهم بقايا اسبيستوس مش زى دول
وديه صورتهم
[img2]http://img849.imageshack.us/img849/7849/im56231.jpg[/img2]

---

الحمد لله على كل حال بس ان شاء الله الجديد قبل ماتركبهم ياريت تغير الميكانيكي اللى ركب القدام وتتاكد كمان ان الجداد اصليين وبالتوفيق ان شاء الله

اقتباس:

---

المشاركة الأصلية كتبت بواسطة elawany13

الميكانيكى لسه فاكك الديسك والإسطوانة
خلصانين على الآخر
القدام اللى اتفكوا قبل كده
كانوا أفضل حالا بكتير
وكان فيهم بقايا اسبيستوس مش زى دول
وديه صورتهم
[img2]http://img849.imageshack.us/img849/7849/im56231.jpg[/img2]

---

يا ستار يا رب ودي كانت ماشية إزاي .......بص يا باشا الأصلي والعلم لله بيبقي الاسطوانة ٦سوستة مش أربعة (أنا مغير قريب الطقم بواحد تركي ٤سوستة )زي الزفت عزم العربية خفيف شوية عن الأصلي بس اهو ماشي بس الوحش فيه طول مشوار الدواسة(يعني لازم الدواسة تبقي عالية والا مش هاتأخذ الغيار) و بقت ناشفة جدا عن ما كانت.فيعني مش شرط اصلي بس حكاية ال٦سوست بتفرق

و أتأكد من الفلام شوف ايه نظامه يكون العيب فيه

اقتباس:

---

المشاركة الأصلية كتبت بواسطة المنسي

الحمد لله على كل حال بس ان شاء الله الجديد قبل ماتركبهم ياريت تغير الميكانيكي اللى ركب القدام وتتاكد كمان ان الجداد اصليين وبالتوفيق ان شاء الله

---

والله انا نفسى يغير الميكانيكى بس العربية بايته عند نفس الميكانيكى من يوم السبت ... ربنا يستر

اقتباس:

---

المشاركة الأصلية كتبت بواسطة ahm662

يا ستار يا رب ودي كانت ماشية إزاي .......بص يا باشا الأصلي والعلم لله بيبقي الاسطوانة ٦سوستة مش أربعة (أنا مغير قريب الطقم بواحد تركي ٤سوستة )زي الزفت عزم العربية خفيف شوية عن الأصلي بس اهو ماشي بس الوحش فيه طول مشوار الدواسة(يعني لازم الدواسة تبقي عالية والا مش هاتأخذ الغيار) و بقت ناشفة جدا عن ما كانت.فيعني مش شرط اصلي بس حكاية ال٦سوست بتفرق

---

اقتباس:

---

المشاركة الأصلية كتبت بواسطة ahm662

و أتأكد من الفلام شوف ايه نظامه يكون العيب فيه

---

ماهى مكنتش ماشية
أنا ساحبها بالشاهين من قبل دمنهور لحد طنطا

موضوع الـ 6 سوسته ده جديد نوفى محدش جاب سيرته على العموم سبق السيف العزل
خلاص الحاج اشترى والميكانيكى بيركب دلوقتى
وربنا يسترها

الحاج راح لمحل مشهور فى طنطا
سأله على الساكس البياع حلف انها ماركة صينى !!!

وبيقوله ان الاصلى الألمانى هو LUK
وديه صورته
وواضح انه 4 سوسته
كان بيقول 500 جنيه
وخلص على 450 جنيه بالعافية
ربنا يسهل ويكونوا أفضل حالاً من اللى قبلهم

[img2]http://img694.imageshack.us/img694/8836/img00255201203261559.jpg[/img2]

[img2]http://img201.imageshack.us/img201/2646/img00254201203261559.jpg[/img2]

http://www.nilemotors.net/Nile/27938...post3874198066

حبيبى فى حاجه اسمها الفلام ودا بيجى من الماتور للاسطوانة والدسك يا ريت يبص عليه علشان لو بايظ حتجيب مليون اسطوانة وحتبوظ برده