العربيه شكلها بتعمل معايا الصح

**thug** · 25-03-2012 03:14 PM

سلام عليكم
ازيكو يا رجاله المنتدي اخباركو ايه ؟؟؟
حصل معايا موقف كده مش ولابد وكنت عايز اخد رأيكو
وانا راجع من القاهره وماشي حوالى 140 -150 و العربيه حرارتها طبيعيه عادي
بس اما وصلت بالسلامه ووقفت وسايب العربيه دايره لقيت القربه مطرطشه ميه وبخار
وافتكر مش اول مره تعمل معايا الموضوع ده
زائد اني لقيت زيت الموتور ناقص

**haitham2011** · 26-03-2012 12:53 PM

بالنسبه للميه اللي طرطشت هتلاقي الرادياتير عايز يتنضف و الترموستات مش راكبه
بالنسبه للزيت راجع علي الجوانات في حاجه مندعه و لا لأ و برضه حاله الموتور اللي تحكم

**sunsonson** · 26-03-2012 02:42 PM

بالنسبه للميه الي طرطشه ده ممكن يكون غطاء القربه باظ عادي يعني ...
اما بالنسبه للزيت لو انت واخد الطريق ترك من غير رست يعني ينقص معاك عادي بردو بتاع ربع كيلو كده مش اكتر عشان حصلت معايا قبل كده

**alzelafy** · 26-03-2012 05:09 PM

طرطشه المياة و البخار نتيجه نقص المياة عندك يبقى انتا مزودتش مياة من زمان و لو الحوار دى اتكرر بعد ما تزود مياة سواء فى وسط البلد او سفر يبقى جوان وش سلندر جرب الاول خطوة خطوة زود مياة و تابع لو نقصت يبقى العربيه بتمسك معاك حرارة و المياة بتغلى و بتنقص و بتتبخر يبقى جوان لقدر الله .... ما نقصتش يبقى الجوان تمام وروح سلك و نظف الرادياتير و حط مياة خضرا او حمرا شوف بتاعه الاوبل ايه

**Amrgamal1** · 26-03-2012 06:14 PM

اتأكد من
غطا قربه المياه
جوان وش السلندر

**caboo_1** · 26-03-2012 11:29 PM

انت تغطس وتظهر فجأه يا ابو ضيف
بجد واحشنى يا هندسة عامل ايه
ا- اعتقد ان الغطاء مكنش مقفول كويس او فى مشكلة او الخراطيم اللى راكبة فى القربة مش مربوط عليها كويس
2- هل فى تسريب ملحوظ حول الماتور----- واخبار جوان وش التكيهات---- الفلتر مربوط كويو ولا --- طبة الزيت اللى تحت مربوطة ولا