الموضوع: مشكلة بعد تركيب الانذار والكاسيت

السلام عليكم

انا ركبت كاسيت بايونير وانذار جديد من اسبوعين تقريبا ومن يوم الجمع لاحظت وانا ماشى فى نور البطارية بيرعش فى التابلوه لكن لما بدوس بنزين بختفى.
امبارح حسيت كنت سايق ولاحظت ان نور التابلوه بقى خافت جدا والازاز الكهربا بقى بطييئ فى الحركة حتى المساحات بقت ضعيفة والانوار قلت كمان غير ان الكلاكس دلوقتى مش بيطلع صوت.
النهاردة روحت مشوار صغير العربية دارت بالعافية وركنتها 5 دقايق ورجعت مش عايزة تدور خالص الا بالزق وارميلها ...

المهم روحت توكيل العامرية قالى انه الاول حيكشف فى توصيلات غلط ولا لا .. وممكن يطلع العيب فى الدينامو والبطارية وتمنهم 3000 جنيه دينامو + 500 جنيه بطارية

اعمل ايه اشوف الكهربائى الى ركبهملى الاول واشيل الانذار وارجع كل حاجة زى ما كانت ولا امشى ورا التوكيل وابيع هدومى ؟؟؟؟؟؟؟

يا ريت تفيدونى الله يكرمكم

المشاركة الأصلية كتبت بواسطة smsm91158

اعمل ايه اشوف الكهربائى الى ركبهملى الاول واشيل الانذار وارجع كل حاجة زى ما كانت ولا امشى ورا التوكيل وابيع هدومى ؟؟؟؟؟؟؟

يا ريت تفيدونى الله يكرمكم

حاول تشوف كهربائى ثقه حد يرشحولك و خليه يشوف الكهربائى عك ايه و يرجع العربيه ل اصلها و بعدين تشوف حتعمل ايه