المشاركة الأصلية كتبت بواسطة conandoyle
السلام عليكم ورحمة الله وبركاته
كنت اريد الاستفسار عن بعض الاشياء
اولا انا جديد في المنتدي و احب اتعرف بجميع الاعضاء الكرام
ثانياً البايك بتاعي كان في بعض الاعطال البسيطة و الميكانيكي اللي كان اخوي بيتعامل معاه صدمني انو بطل يشتغل في الريسات !!
فقعدت ادور علي النت لحد ما جوجل ارشدني للمنتدي الكريم
ابتدي اشرح الموضوع كاملاً
انا عندي Honda CBR 250 RR
الاعطال عندي في البايك شوية حاجات بسيطة
اولاً : الشكمان عندي في 3 مسامير ربطينوا بالمسورة اللي طالعة من الماتور في منهم 2 فكوا
ثانياً : الدبرياج عندي عاوز يتشد السيلك بتاعوا كله ده علي حسب كلام الراجل بتاع قطع الغيار لما روحتولوا باالبايك قالي لازم افك الفبر كله و يتشد و قالي مش محتاج سيلك جديد
مشكلة الدبرياج كالاتي : و انا مدي غيار البايك و ماسك الدبرياج علي الاخر وشلت رجلي من علي الارض ولسه مخدش بنزين بلاقيه بيمشي عادي و الهند بتاعتوا خفيفة اوي و انا جاي اطلع بيه لازم ال RPM يعلي معاي 4 او 5 عشان البايك ما يبطلش بعد كده بينزل و بيمشي طبيعي
ديه مشكلتي فارجو من الاخوة افادتي اذا استطاعوا
المطلوب لو فيه فيديوهات تعلمني اعمل الحاجات ديه لو مفيهاش خطورة علي البايك لان المواضيع المثبت في القسم لم اجد فيها ما يساعد علي ده و كان كله كلام نظري بس بالنسبة ان في ناس ما بتبقش عندها خبرة تنفذ المطلوب
وفي حالة عدم توفر الفيديوهات ف لو حد يعرف ميكانيكي كويس و عنوانه يراسلني علي الخاص او يكتبلي العنوان في الموضوع
انا بالنسبة ليا ساكن في مدينة نصر و كنت ساكن في عين شمس اللي هيقولي الميكانيكي في الزاوية هجيلوا بس الاهم عندي صحة البيك
و اقبل ما انسي البايك الـفاير بيبقي علي ديسكين علي الفرد اللي قدام فا انا حالياً ماشي علي ديسك واحد فده بيشكل اي خطورة علي البايك او عليا ّّ
اصل انا مش خبير اوي كنت واخد البايك بعد اخوي ما جاب البايك الـ 954 و ايام ما كان سيقوا كان في مشكلة في الديسك و شالوا و زبطوا و انا مش عارف ميكانيكي او اي حد عشان يركب الديسك و اهو مركون عندي في البيت
اخر شئ : كان في واحد صحبي عاوز 250 CBR RR استيراد خارج فيعمل كام بالظبط
و اسف اني اطلت عليكم و لكني قليل الخبرة و الله تعالي " فاسألوا أهل الذكر ان كنتم لا تعلمون "
و اسف مرة اخري علي الاطالة و مستني الرد من حضراتكم
المفضلات