متى ستنزل اللانسر الشكل الجديد 1300 و 1600

**mohamed ossama** · 07-06-2008 05:33 AM

متى ستنزل اللانسر الشكل الجديد 1300 و 1600 cc عشان الواحد يجيبها بقى ويبقى جاب من الاخر اعتقد هتبقى اقل كتير فى السعر من 1500 cc الموجودة حاليا

**ASD peugeot** · 07-06-2008 05:42 AM

هي الانسر Exموجود موتور 1300 سي سي اقل من 1500 سي سي الحالي
انا اعرف انه موجود موتور ليها 1600 سي سي لكن 1300 سي سي ده كويس جدا
السعر هيقل جامد المفروض بس هيكون مناسب علي حجم العربيه الكبير

**PRO-DRIVE** · 07-06-2008 05:55 AM

1500 , 2000 بس

**ASD peugeot** · 07-06-2008 05:58 AM

لا موجود 1600 سي سي شكل جديد و دي معلوه متأكد منها لاني سألت و احد معاه الشكل الجديد قالي 1600 سي سي و كمان موجود منها مستعمله (مش عارف هي لحقت) علي موقع كار 100 100 مستعمله و الموتور 1600 سي سي

**hitsh88** · 07-06-2008 08:15 AM

العربيه مش موجود منها غير 1500 بس فى مصر و الموتور mivec و بره فى ال 2000 ...و معتقدش ان هيبقى فى منها 1600 الا لو التوكيل فكر ينزلها بالموتور القديم ..ده اعتقد انه مينفعش يحصل..و استنى المهندس طارق زويل يرد عليك هو الى عنده الكلام الاكيد

**مصراوي جدا** · 07-06-2008 12:04 PM

اللانسر الشكل القديم زي ما كلنا عارفين بمحرك 1300 و 1600 سي سي وده مستمر باذن الله في 2009 و 2010

اللانسر الشكل الجديد بمحرك مايفك 1500 سي سي و 2000 سي سي وده حاجه مختلفة تماما عن المحرك بتاع الشكل القديم ومفيش منه على مستوى العالم كله محركات مختلفة عن كده

يعني من الآخر مفيش لانسر شكل جديد بمحرك 1300 أو 1600 الا لو واحد من الحرفيين حب يخترع وركب محرك لانسر شكل قديم على بودي لانسر شكل جديد انما الشركة معملتهاش ومش هتعملها

اما الأخ اللي معاه لانسر شكل جديد وبيقول ان المحرك 1600 سي سي فده ببساطة شديدة اشترى وخلاص وميعرفش المحرك ايه أو الله يكرمه بياع المعرض اللي اشترى منه كان جاهل جدا كالعاده وغاوي فتي كالعادة برضه واكد له بوضوح شديد ان عربيته بمحرك 1600 وهو للأسف صدقه