مشيت وياكى للأخر
أتارى أولك أخر
عنيكى خدتني للحلم اللى مبيكملش
كلام خلى أحلامى تشوفنى وأشوفها قدامى
وهمتينى وخلاص مقدرش متكلمش
الألبوم ده جامد جداً بس عاوز سمع بروقاااان
ممكن منتدى منير على الخاص يا عاشور باشا ؟
عرض للطباعة
مشيت وياكى للأخر
أتارى أولك أخر
عنيكى خدتني للحلم اللى مبيكملش
كلام خلى أحلامى تشوفنى وأشوفها قدامى
وهمتينى وخلاص مقدرش متكلمش
الألبوم ده جامد جداً بس عاوز سمع بروقاااان
ممكن منتدى منير على الخاص يا عاشور باشا ؟
مع إحترامى ليكم أنا مش باحترم منير دا خالص لأنه أثبت لى أكتر من مرة إنه علمانى صرف ويكره التدين والمتدينين ، وكفاية عكه فى أغنية فى الألبوم الأخير (أنا مش محتاج أتوب) مش محتاج يتوب؟؟؟؟؟؟ لو قلتم الكلام دا كلام أغانى وهلس يبقى لازم نعرف إنه ما يلفظ من قول إلا لديه رقيب عتيد ، زى اللى كان بيقول (قدر أحمق الخطى) .. حتى منير نفسه وأغنيته المشهورة (مدد يا رسول الله ) واللى بيعتبرها أغنية دينية: حرام أصلا طلب المدد من غير الله + قسمه بأشياء غريبة فى نفس الأغنية + أدواره فى أفلام شاهين + حواراته +...... كفاية كده
وجرب تسمعه من غير المؤثرات الصوتية هتلاقى صوت تانى غير اللى بيعجبك خالص..
دا غير إنى لما بشوفه فى كليب وأشوف تشنجاته وحركاته المتقلصة وأكتافه المرفوعه ورقبته الملتوية بأقلب القناة فورا قبل ما أتشنج أنا كمان..
دا رأيى محدش من اللى بيحبوه يزعل منى...
الاختلاف في الراي لا يفسد للود قضيه يا دكتور:)
اغنيه مش محتاج اتوب بيتكلم فيها عن الحب البرئ
بيقول فيها
مش محتاج اتوب حبك مش ذنوب ولا عشق و خطيه
انا محتاج اصلي و اشكر ربنا يا اجمل شئ حصلي من مليون سنه
يعني قصده ان حب لمحبوبته حب برئ ماكنش فيه غلطات تستاهل اني يتوب
بالعكس
هو هو عاوز يشكر ربنا علي اللي هو فيه
يعني حب نقي و صافي و احساس عالي ;)
لا بالعكس يا دكتور أحمد
يا ريت فعلا فى الموضوع الواحد نلاقى اكتر من عضو مختلف فى الرأى.
انا بضم صوتى لصوت الدكتور احمد
اقتباس:
ماكنش فيه غلطات تستاهل اني يتوب
وأخرج ابن ماجة عن أبى هريرة قال قال رسول الله صلى الله عليه وسلم:
"إني لأستغفر الله وأتوب إليه في اليوم مائة مرة"
والى عايز ينضف ودانه بجد يخش على الموقع ده
http://quranicaudio.com/quran/index.php
كل حرف هتسمعه بحسنة والحسنة بعشرة امثالها يعنى الوقت اللى هتسمع فيه اغنية واحد شوف هتسمع كام حرف من القرأن وهتاخد كام حسنة
و بتسمع كام اغنية فى اليوم يعنى شوف هتاخد كام حسنة فى اليوم
واحسب فى الاسبوع والشهر والسنة
يعنى منزلتك هتزيد قد ايه فى الجنة
بالله عليكم مش احسن من كلام ملوش معنى و تاخد عليه ذنوب
(( من أراد الدنيا فعليه بالقران ومن أراد الاخرة فعليه بالقران ومن أرادهما معا فعليه بالقران ))
مجرد رأى شخصى :)
نظريا الكلام صح و يبقي منير غلطان
بص واقعياَ لأ .. لأن الاغاني اصلا كلها توريات و كلام غير مباشر و غير مقصود المعني الحرفي
يعني اما عمرو دياب مثلا غنا "حبيبي خد قلبي معاه" .. هل قصده ان حبيبته جت بسكينة و راحت شاقة صدره و واخدة قلبه و ماشية !؟ اكيد لأ !
و عبد الحليم اما غني مشيت علي الأشواك .. هل هوا قلع جزمته و شراب و جاب شوية شوك و مشي عليهم فعلا !؟ اكيد لأ يعني
و لذلك انا مش شايف في الأغنية حاجة .. لأن مينفعش نفهم الاغاني بترجمة و معاني حرفية
الموضوع كدة زي اما تقول "توبة اخد الطريق ده تاني .. زحمة اوي"
و هل هناك توبة الا عن معصية .. و التوبة لله وحده
و طبعا لو قلنا كدة مش هنخلص :)
بإختصار .. ليس المقصود المعني الحرفي .. و انا متفق مع تفسير حازم اللي هو الواضح للأغنية مع احترامي طبعا للأراء الاخري
عاوز اخد رأيكم في موضوع انا حطيت الألبوم mp3 علي سي دي سوني cd-r وبعد كده حطيته في السي دي بتاع العربيه لاحظت ان الصوت في خرفشه ! زي ما يكون صوت اذاعه بعيده مش صوت ديجيتال خالص ؟! شكيت في السي دي جربت احط سي دي تاني كنت عامله برده لقيت صوته طبيعي وممتاز ؟ هل نوع السي دي البلانك لما بيبقي وحش بيعمل خرفشه في الصوت ؟ هو كاسيت شرايط !!!! ؟