الألبوم الجديد بتاع منير مخرجش من السى دى من ساعة ما اشتريته، حاجة تخلى الواحد ينتعش و ينضف ودانه من كم القبح اللى مالى التليفزيون
نصيحة اخوية، اسمع منير و خليك مع الكبير
عرض للطباعة
الألبوم الجديد بتاع منير مخرجش من السى دى من ساعة ما اشتريته، حاجة تخلى الواحد ينتعش و ينضف ودانه من كم القبح اللى مالى التليفزيون
نصيحة اخوية، اسمع منير و خليك مع الكبير
فعلا الالبوم ده طفرة
و انا مكان من ساعه ما نزل مشغله يا فى البيت يا فى العربيه
الكبير كبير
سخنتونى علية - جارى التحميل ...................
7ato 3la el-mobile w fel-3rbya
شريط حلو بس لسه مش عارف استطعمه و متهيالي اللي قبله احسن منه
سخنتوني عليه اوي
هنزله حالا
مش عارف ليه مش عاجبني غير اغنيتين فيه
غالبا محتاج اسمعه اكتر زي كل الألبومات ...مابتعجبنيش ففي الأول و أول ماتقل الهةجة بتاعته في السوق اكتشف انه جامد:)
يا جماعة ممكن حد يبعتلي لينك امزلو بس من علي الرابيد شير المقرف جدااااااااااااا
و يا ريت يكون mp3
ripped 320 or 192
جاري التحميل
http://www.postimage.org/aV2EeGj9.jpg
اكتب في جوجل:
تحميل ألبوم منير
نزلتة ومش مستطعمة ممكن لما أسمعة كام مرة كدة
علي فكرة سمعته تاني دلوقتي و عجبني أكتر....كلها مريتين و ابقي مش قادر ابطله:)
يلا بسرعه لكل اللي عاوز ينضف ودانه
ادي اللينك للحبايب ومش ريبد شير كمان
علشان ما حدش يتخنق :scooter:
شكرااا
انا نزلتو رابيد شير بعد معاناه فعلا في اغني حلوة مووووووووووووت
شكرا يا جماعة
الكنج كنج طبعا منير و ليس غير منير
الكبير كبير يا منير
طعم ولون وتجديد واحساس ما بقاش موجود في الزمن ده وغنا من القلب وقديم في جديد وكلمه ولحن وتوزيع
تسلم يا منير تسلم وتعيش
زي مانقلتلي احاسيس من هنا وهناك
شكرا يا منير بجد
عجبنى مووووووووووووووووووووت بذات اغنية نايجرى بيه دى
صباح التهييس يعني :biggrin24:
خدت منى رءاااااات فى مارينا الويك اند دة!!
هههههههههههه
منير الكبير طبعا. و أحلى أغنيه عربي سمعتها في حياتي أغنية لما النسيم لمنير
يا جماعة احسن موقع تحملوو من علية MP3's هوا
WWW.NOGOMI.COM
البوم ملوش حل الصراحة
السى دى بتاعه استوى فى العربية من كتر ما اشتغل
هو الايام ديت اللى عايز ينظف ودانه يجيب منير ؟ امال لو جاب ام كلثوم ولا عبد الوهاب هيعمل اية هيستحمة ولا اية ؟
اقتباس:
هو الايام ديت اللى عايز ينظف ودانه يجيب منير ؟ امال لو جاب ام كلثوم ولا عبد الوهاب هيعمل اية هيستحمة ولا اية ؟
المسألة مسألة اذواق ، ده ليه عشاقه و ده ليه جمهوره.
واحد صاحبي كنا بنتكلم عالألبوم فا بيقولي ووووحش !!! كله وحش ما عدا اغنية اسمها معاكي - جامدة اوي
نزلت الألبوم عجبني كله ما عدا الأغنية دي !
عجبني اوي طعم البيوت و موسيقي مش محتاج اتوب .. تحس عاملة زي اغاني ال swing القديمة كدة .. و يونس .. بس خنقني ان كل المسنجر عندي حاطط النك نيم " انا يونس "
البوم تحفة و الكينج كينج يا منير
النهاردة مكنتش بسمع غيره في العربية....و اكتشفت ان الشريط وهمي....كل ما السي دي يقلب علي اغاني تانية ارجعه تاني....
بس حد لاحظ ان جزء كبير جدا من الموسيقي و التوزيع متاخد من Buddha bar و chillout؟؟؟
بصراحة الشريط اقل من توقعاتي لنجم زي محمد منير، خصوصا انه بعد آخر شريط له بأكثر من ثلاث سنوات، وبعدين هل وصل محمد منير لدرجة من الإفلاس انه ينزل موسيقا أغنية يونس وكمان يعيد أغنية سؤال، وهي إحدى أغانيه القديمة، علشان يوصلهم ل 12 أغنية في ال CD ؟؟
بصراحة الشريط ده خيب آمالي، مع أنني أحد كبار عشاق منير...
:no::no::no:
يعني ايه يونس يا ريت حد يفهمهالي لاني مش قادراستوعبها :)اقتباس:
لدرجة من الإفلاس انه ينزل موسيقا أغنية يونس
انا مقدر احساس حضرتك كمشجع لفن منير
بس حبيت اوضح لحضرتك بعض التفاصيل الدقيقة شويه
ان الالبوم كان معاده من سنه و نص لولا خطاء فادح من شركة عالم الفن فى مرحاة الميكساج...
و الالبوم ده يعتبر تواصل مع الاجيال الجديده و اخذ ذلك الطابع لكى لا يصدم هذا الجيل من التغير المفاجيء..
و اكبر دليل على ذلك ق تكون اغنية سؤال..
فرد فعل طبيعى ان الاجيال السابقة لا ترضى عن ذلك التوزيع.. و لكن قيس مدى نجاحها فى اوساط الجيل الحالى... و راى الشخصى المتواضع الاغنية ده بالذات جر رجل للاجيال المتوسطة و صغيرة السن :) و جس نبض عند الاجيال كبيرة السن.
يونس ديه قصيدة لعبدالرحمان الابنودى عن سيرة الهلالى
و ده شرح الاغتية نقلته من منتديات منير لمشرفه هناك اسمها عروسه النيل
عودة رائعة لكلمات عبد الرحمن الابنودى
أغنية يونس جزء من السيرة الهلالية التى قام بتجميعها الأبنودى
والهدف الرئيسى للأغنية هو الحرية فمن حق الانسان امتلاك حريته حتى فى حبه
وتحكى قصة الأغنية عن يونس الذى يقال انه كان شديد الجمال وقد اخذ اسير عند سلطان تونس
فأحبته ابنة السلطان وطلبت منه ان يبادلها حبها ويتزوجها مقابل حريته فيرد هو ببساطة ان حريته غير قابلة للمقايضة
وانه من حقه ان ينال حريته حتى فى اختياره لحبه ويقول لها انه لو امتلك حريته كان عشقها من غير ما تطلب
وشوفوا المفردات الجميلة اللى كتبها الخال
قلبى ضايع مين يلاقيهلى ... باينى نسيتوا حدا اهلى
ينفع احبك من غير قلبى ... ماتردوا عليها وعليا
يعنى بيقولها بتتكلمى فى ايه اصلاًhttp://forum.mshwarmounir.com/images...ggrin'.gif انا فاقد حريتى وقلبى سايبه مع اهلى
ازاى احبك من غير قلبى .... ياعينى عليك يا خال ، ياعينى عليك يا ملك
الأغنية رائعة وتم نسجها فى خليط موسيقى شعبى رائع وظهرت مجموعة من الالات الشعبية مثل الربابة
ونجح الملحن محمد رحيم فى وضع لحن يناسب الجو العام للأغنية ونجح اسامة الهندى بشكل رائع فى التوزيع
مفاجئة الأغنية تأتى فى الفينالة وهى مقطوعة موسيقية من أغنية لأم كلثوم وضعها الموسيقار الراحل محمد عبد الوهاب
وهنا تأتى عبقرية منير لما فكر انه يقدم حاجة لام كلثوم فحيقدم ايه وكانت الفكرة "المجنونة" جنون العبقرية فى فكرة الفينالة بالطريقة دى
شكرا ليك يا عاشور باشا :)
منتدي منير دا الاقيه فين
نفسي اغطس في قديمه :)
هو ال-cd الاصلي (عالم الفن) بتاع منير بكام ؟
السى دى ب 20 جنيه
Thank u Ashour and Hossam :)