الموضوع: فتيس الa5 بيعمل حاجات غريبه... اعمل ايه؟؟؟؟

المشاركة الأصلية كتبت بواسطة lord91

السلام عليكم ورحمه الله وبركاته

الى اخوانى اعضاء نايل موتور بوجه عام والاسكوداويه بوجه خاص
انا عاوز حد يساعدنى
انا عربتى a5 2006 بقيت بحس ان الفتيس بقى مش زى الاول كنت الاول مش بحس ان العربيه نقلت غيار اعلى دلوقتى بقيت بحس بالغيار التانى بس حاجه بسيطه وقولنا ماشى بسيطه بس اللى مش بسيطه انى كنت مره ماشى فى حدود 120 والمفروض انى هدخل يوتيرن فشيلت رجلى من على البنزين وحططها على الفرامل وبدات اهدى وانا لسه بدرى على اليوتيرن يعنى مش متعود اكبس فرامل مره واحده المهم خلاص وصلت لليوتيرن وخلاص قدامى حوالى 10 متر والف اليوتيرن والاقى رزعه فى الفتيس كان وصل للخامس واول ما جى على الرابع حسيت بالرزعه ونقره فى الفتيس يعنى ماثره فى جسم العربيه كله بس هى من الفتيس انا متاكد. الحركه دى بتحصل بس فى تسقيط الغيارات اما اهدى وتبقى على النقله الرابعه الحوار دا بيحصل احيانا مش دايما يعنى تقريبا مره فى الشهر وهو حصلى حوالى ثلاث مرات .
ياريت لو حد يعرف ايه دى او ممكن تتعالج ازاى قبل ما الفتيس يحصله حاجه او حتى البادى فالف
انا فى واحد قالى انتا تروح التوكيل وهما هيعملوا reset للفتيس وهيرجع تانى زى ما كان
فهل الكلام دا صح مع العلم ان العربيه ماشيه 55 الف وعمرها ما راحت التوكيل عشان انا جايبها من الامارات وتغيير الزيت والفلاتر والتيل والحوارات الخفيفه دى انا اللى بغيره بنفسى فى البيت وحاجتها عندى بجبهم من الامارات .
ودى اول حاجه كبيره اتعرضلها وخايف ان الفتيس يحصله حاجه فياريت لو حد يقدر يفدنى .
ولو محتاجه توكيل ايه هوا احسن فرع معتمد وايه رايكم فى المهندس خالد اسماعيل ممكن يفدنى انا سامع ناس كتير جدا هنا بتشكر فيه وانوا شاطر جدا ومحترم.
وانا اسف جداا جداا عشان طولت عليكم بس سمحونى انا زى اخوكم . وشكراااا

تكشف أحسن -- الزيت المفروض يتغير علي 60 الف مع الفلتر
ولو في ريست ( ماعرفش ) يبقي كويس
ممكن تروح مركز الأقصي ( معتمد) وتسأل علي المهندس رامي ( لو لقيته ) هو شاطر و أمين
وممكن برضه تروح عند مهندس أحمد زاهر ( تالت فتحة يمين و انت داخل علي حارة الخدمة في الأتستوراد وانت رايح المعادي

السلام عليكم
بإذن الله الموضوع يكون خير وبسيط
بس مش بخوفك إعمل حسابك إن لو الموضوع مش زيت هيكلفك شويتين عشان المشكلة دي تشخيصها إن الصمامات valves ممكن تكون ابتدت تتسد... هو معدل السحب والتسارع عندك بقى أقل من المعتاد؟؟
المهم سيبك من التوكيل وفعلا مركز الأقصى في المعادي كويس، وانصحك برضه بورشة محمد أصلان متخصص سكودا في مدينة نصر ورقمه 01005804585 ممتاز وخبرة وأمين وهيجبلك من الآخر والكشف والصيانة أمام عينك. وبرضه المهندس خالد اسماعيل في مدينة نصر مجربتوش بس سمعت عنه سمع خير

هو الكشف اضمن حاجه طبعا بس اعتقد حضرتك محتاج تغير زيت الفتيس