الموضوع: سؤال عن e36 m3

سؤال بخصوص ال e36 لما بتتقلب m3 هتتكلف كام تمن الماتور و العفشة و لو فى حاجة تانية و هتبقى كام حصان و نظامها فى البنزين ايه ؟

بكام نصين ال m ؟ و هتبقى كام حصان ... و لو اتركب تربو هل ممكن المتور عمرة يبقى حوالى كام ؟

ال E36 M3 لإيه منها فئتين فئه بمحرك 3000 سى سى و فئه بمحرك 3200 سى س. المحرك الأول يطلق عليه كود S50B30 و الثانى كود S50B32 تمام

S50B30 1992 - 1995


سعة 2990 سى سى - 286 حصان @ 7000 أر بى إم - عزم 320 نيوتن @ 3600 أر بى إم - تسارع من 0 - 100 كم/ساعه فى 5.4 ثانيه

سعر النظام الميكانيكى لل E36 M3 بهذا المحرك تكلفته 30,000 جنيه بخالف أسعار التركيب طبعا

S50B32 1995 - 1998


سعة 3201 سى سى - 321 حصان @ 7400 أر بى إم - عزم 350 نيوتن @ 3250 أر بى إم - تسارع من 0 - 100 كم/ساعه فى 5.2 ثانيه

سعر النظام الميكانيكى لل E36 M3 بهذا المحرك 35,000 جنيه بخلاف سعر التركيب

هذا لو أنت هتلق نظام ميكانيكا فقط إنما لو هتقلب السياره كلها ميكانيكا و شكل خارجى و صالون داخلى هتدخل فى قصة 50,000 جنيه بدون تركيبات ميكانيكيه, كهربيه و السروجى.

تغير شكل خارجى فقط هيكلفك قصة 5000 جنيه و الداخلى الصالون ال E36 M3 الكهرباء هيدخل فى قصة 10,000 جنيه لو الصالون كله كامل. كراسى و كنبه و فرش سقف و أبواب و فرش قوائم

بالنسبه لموضوع التيربو هى السياره لوحدها لا تحتاج تيربو و موضوع عمر الموتور لا تقلق من هذه الناحيه لكن القلق هيكون فى من يركب لك التيربو بدون ما ما يسبب لك مشاكل لاحقا

E36 M3 3.2 engine sound
[youtube]http://www.youtube.com/watch?v=cH3w0fYZS9k[/youtube]

E36 M3 3.2 100 - 200 km/h
[youtube]http://www.youtube.com/watch?v=7LFSWWr59AA[/youtube]

E36 M3 3.2 Turbo
[youtube]http://www.youtube.com/watch?v=vmU5ppxEtXk&feature=related[/youtube]

بتتجاب نصين و بتتلحم من غير عربية host ليها ؟ ... و هل اللحام ده هيبقى كويس و فى خطورة منه ؟ ... و ياريت الفرق فى السعر بينها و بين ال e46 m3 نصين برضو بس مش كبورليه سيدان او كوبية

المشاركة الأصلية كتبت بواسطة Mus7

بتتجاب نصين و بتتلحم من غير عربية host ليها ؟ ... و هل اللحام ده هيبقى كويس و فى خطورة منه ؟ ... و ياريت الفرق فى السعر بينها و بين ال e46 m3 نصين برضو بس مش كبورليه سيدان او كوبية

تفرق كثير جدا ال E46 M3 ممكن تدخل فى قصة 85,000 - 100,000 جنيه لأن ال E46 M3 أقوى من ال E36 M3 و أيضا ال E46 M3 لم تنزل إلا بفئتى الكوبي و الكابروليه بعكس ال E36 M3 التى تواجدت بكل الفئات

ثانيا فكرة الكابروليه إن ليس بها سقف و بالتالى القصه هى إن القطع و اللحام بيكون أفضل لأنك لا تضطر إلى تقطع و لحام سقف. اللحام بيكون أمن طبعا و لازم يكون سمكرى متخصص و على فكره 90% - 95% من سيارات البى إم دبليو الكوبيه و الكابروليه بيكونوا نصفين و ملحومين يعنى معظم السيارات البى إم دبليو الكابروليه اللى أنت بتراها 95% منها نصفين و الكوبيه 90% منه نصفين

نأتى لمحرك ال E46 M3 و معروف بالكود S54B32

S54B32


3246 سى سى - 343 حصان @ 7900 أر بى إم - عزم 365 نيوتن @ 4900 أر بى إم

هنا فيه فئة من ال E46 M3 نزلت إسمها E46 M3 CSL المحرك اللى فيها بيكون 355 حصان هذا ليس الفارق الوحيد هناك فروقات أخرى بين ال E46 M3 و ال E46 M3 CSL و هى انتجت عام 2004 و انتجمنها 1400 سياره على مستوى العالم و نزلت بلونين فقط
على سبيل المثال احدى الفروقات إنها اخف وزنا من ال E46 M3 العاديه بخلاف طبعا اشياء أخرى

ال E46 M3 نزل فيها نوعين من الفتايس نوع عادى 6 غيارت و نوع يعرف بإسم SMG و هو كالموجود باللامبورجينى كده

سعر النظام الميكانيكى لل E46 M3 تبلغ 50,000 جنيه

المشاركة الأصلية كتبت بواسطة bor3ey

اللى فهمته من الاعضاء انها متنفعش استخدام يومى خااااالص , يعنى دى تدخل اوتوكروس او سباقات بس !!

و متابع قوى ان شاء الله

و لا تنفع فى الخارج لأنه بالخارج تطبيق قوانين المرور أفضل طبعا من هنا و لا وجه للمقارنه طبعا بين تطبيق قوانين المرور بالخارج و بين مصر :) موضوع السياره يعود بالنهايه لمالك السياره أنا عن نفسى و الله لو معى ما يمكننى من امتلاك M3 لن اتأخر ثانيه لأنى اعرف قيمة ال M3

يعنى لو على المحرك فال M50TUB25 ولا ال M52B28 و لا ال M54B30 ولا غيره من المحركات ذات السعات الكبيره و القوى الحصانيه الكبيره لا تصلح للسير فى شوارع مصر. نعم معى M3 لكن مش شرط إنى كل ما اخرج بيها اعمل خمسات و دريفتات و أمريكانى لكن هى معى كسياره عاديه وقت ما اكون محتاج سياره عاديه و سياره رياضيه و قت ما اكون عايز سياره رياضيه و و قت إعادة البيع هعرف ابيعها بسعر جيد نظرا لقلة عددها الموجود و لقلة الحالات النظيفه فى العدد الموجود

يا جميل أنا لم انساك و الله لكن أنا فقط مشغول هذه الأيام و إن شاء الله هتصل بك و نضبط ميعاد و تجرب السياره :) اعذرنى