عندي مشكله في تكييف الفيستا

**bemocarlo** · 27-03-2012 05:29 AM

صباح الخير عليكم
انا عندي مشكله في فيستا 2002 جيا وهي ان التكييف مش بيشتغل ساخن.بالعربي البارد شغال يعني المروحه شغاله لكن لما بحتاج الساخن برضوا شغال بس بارد وجربت امشي بالعربيه مسافه كبيره عشان الماتور يسخن عشان يدخل لي هواء ساخن بس برضه مفيش فايده.ايه الحل
bemo,ire

**mido51eg** · 27-03-2012 10:49 AM

تأكد الأول ان محدش لغى لك السخن من التكييف. دي حاجة بتوع التكييف بيعملوها عادة لما يكون فيه مشكلة في كفاءة التبريد.

**egytamer** · 27-03-2012 07:01 PM

المشاركة الأصلية كتبت بواسطة mido51eg

تأكد الأول ان محدش لغى لك السخن من التكييف. دي حاجة بتوع التكييف بيعملوها عادة لما يكون فيه مشكلة في كفاءة التبريد.

تمام لان اغلب بتوع التكيف بيفتو ان التكيف السخن بيبوظ المتور.

**aYaBooY** · 27-03-2012 07:35 PM

هو حضرتك عايش فين الاول ؟
الفيستا 2002 جيا مش موجودة في مصر
بس عموما مشكلتك الاساسية في حنفية السخن بتاعت التكييف بس
المفروض انها الجزء المسؤول عن تكميل دورة تبريد الموتور إلى داخل السربنتينة السخنة تحت الطابلوه و بنائا عليها انت بتقدر تتحكم في درجات الحرارة بتاعت التكييف
طعا عندنا الناس الشطار اول لما الحنفية تبوز ( سواء مش شغالة و مش بتسخن او شغالة على طول و هنا التكييف بيطلع هواء سخن بس ) هبا الغيها من الاساس علشان تغيرها بحوالى 500 جنيه الاستيراد يعني تمن الكباس
و اكيد الحنفية ديه او هيا تقدر تقول عليها سكس بلف كهرباء ممكن يكون ليها فيوز و هو سبب المشكلة يبقي انت مطلوب منك تشوف حنفية السخن مش شغالة ليه بس

**bemocarlo** · 28-03-2012 04:04 AM

الله الله تمام
يا حبايبي انا عايش في ايرلندا ومعلوماتي في الميكانيكا زي معلوماتي في اللغه الهنديه مفيش هنا ميكانيكيه عشان يلعبوا في السلك يا ميدو وهو اشتغل معايا مره بس ما تككرتش تاني ويا استاذ ايا بوي والله معرفش يعني ايه حنفيه السخن دي يعني اتعب معايا واكتب لي اسمها بالانجلش عشان اعرف اسأل هنا الله يكرمكوا انا بخلص شغل احيانا الساعه 3 الفجر والويند اسكرين اكيد بتبقي مشبره واضطر افتح الويندو عشان اعرف اسوق وطبعا باخد برد في افايا بالهبل ربنا يخليكوا مستني ردودكو يا فورداويه
bemo,ire