الموضوع: تقرير-مصور تغيير سير الدينامو لسوزوكي ألتو

بسم الله الرحمن الرحيم
السلام عليكم و رحمة الله و بركاته


تم بحمد الله أمس شراء سير دينامو و تغييره بعد معاناة من السير الفبريكة معايا

و للأسف انا عارف اني مش هلاقي زي الفبريكة ابدا
لقيت نوع كوري و هجربه و اشوف
لكن لن ايأس و هدور


و عشان اللي هيغير و معاه التو يبقي عارف السير رقمه 720 ممكن تجيب 725 كبيرك 730 بس ده لو مزنوق اوي لو مش مزنوق خلاص دور عشان تجيب زي الفبريكة بدل شد و رخي و القصة دي

و ده السير القديم الفبريكة واضح حالته التي يرثي لها

و كان بيعمل معايا كده و انا كنت أرد عليه و اقوله



و زي ما واضح ان السير مجري مش سنون

قبل تغيير السير و هو بجيب اخره ابتديت أسمع صوته و بسمع صوت تسقيف بسيط في بداية مشوار كل نقلة ع الفتيس
و اخيرا فللق فقولت كفاية عليه كده و أغيره

بعد التغيير الحمد الله صوت التسقيف راح صوت تصفير السير راح السحب أفضل شوية الا لو كان بيتهيئلي


نصيحة
- حاول تجيب نفس الرقم بلاش رقم اكبر او اصغر هو مش هيضر لأنه بيتشد عادي لكن الافضل زي الفبريكة
- خلي معاك سير دينامو و سير كاتينة احتياطي في العربية

بالتوفيق ان شاء الله