السلام عليكم

شباب كنت بدور على المواصفات القياسية الصحيحة للزيوت من كاتالوج نيسان صني (N16) ولقيت حسب الكتالوج إن المواصفات القياسية التالية للزيوت هي المسموح بيها للنيسان صني:

API SE, SF, SG, SH or SJ


الهيئة الـ عملت المواصفات القياسية ده اسمها (API) اختصارا لــ (American Petroleum Institute). وفيه كذا مواصفة من الشركة ونقدر نستخدم أي زيت بحقق المواصفه الموصى بيها من نيسان.

وللتوضيح هشرح بسرعة معنى المواصفات ده:
حروف (API) كما قلت هي اختصار للمعهد الأمريكي للبترول الـ بيحط المواصفات القياسية لأنواع الزيوت.

بعد كده فيه حرفين، الحرف الأول منهم (S) وده معناه إن الزيت ينفع لمحركات البنزين ولو الحرف الأول (C) فده معناه أن الزيت ينفع لمحرك الديزل.

الحرف الثاني وده بيدل على مستوى أداء الزيت في الماتور وبيبقى حرف من الحروف الإنجليزية وكلما بعد الحرف في ترتيب الحروف كلما كان الأداء أعلى. وهدي مثال:
SA معناه زيت ينفع لماتور البنزين وليه أداء عادي
SB معناه زيت ينفع لماتور البنزين وأداؤه أعلى من الـ قبله
SE معناه زيت ينفع لماتور البنزين وأداؤه أعلى من الـ قبله

وهنمشي كده لحد ما نوصل لــ (SM) وده أخر مواصفه عملها المعهد الأمريكي وتعني أعلى أداء للزيت في المحرك لسيارات الركاب.

وطبعا كل نوع جديد من الزيوت ينفع للمواتير الأقل منه. يعني ينفع أستخدام أعلى أداء (SM) على ماتور بيستخدم (SJ) أو (SH). لكن مينفعش العكس.

يعني لو الماتور حديث جدا ومصمم إنه يستخدم مع زيت (SM) فمينفعش أنزل لزيت أقل في الأداء.
ولو الماتور مصمم إنه يستخدم زيت أقل في الأداء فينفع أستخدام معاه زيت الأداء الأعلى (SM) زي النيسان صني بالضبط.

بعد كده لفيت على أنواع الزيوت المختلفة الـ بيستخدمها أغلبنا في الصني ومدى تطابقها مع المواصفات الي حددتها نيسان...

زيت فالفولين
Valvoline SynPower 5W-40
API SJ/SM/CF
واضح إن الزيت أداءه عالي مع مواتير البنزين

زيت شل
....l Helix Ultra 5W-40
API SH/CD
الزيت ده شغال لكنه ليس متوافق مع مواصفة الأداء الأعلى.

زيت توتال
Total Quartz 9000 5W-40
API SM/CF
متوافق مع مواصفة الأداء العالي.

زيت لكوي مولي
Top Tec 4100 5W-40
API SM/CF
متوافق مع مواصفة الأداء العالي

زيت موبيل
Mobile1 5W-50
API SN/SM/SL
متوافق مع مواصفة الأداء العالي.


أرجو إني أكون ساعدت صقور نيسان على فهم أعمق لأنواع الزيوت الــ بنستخدمها وإزاي أعرف أختار نوع الزيت المتوافق مع ماتور العربية.
وأعتقد إن اختياري هيكون فالفولين في الاخر.

---------
ممنوع الكتابة باللون الاحمر .. لانه مخصص للمداخلات الادارية
مشرف القسم
1ب