الموضوع: صنى 2012 و بنزين 80

والله انا افتكرتك اتزنقت وحطيت بنزين 80

لكن بحسبة بسيطة كده حضرتك في كل تفويلة 40 ليتر حتوفرلك 40 جنيه

وعلي حسب استخدامك يعني تقعد بالتفويلة ده 550 كم تقريبا

انا عن نفسي بخلصهم في اسبوع او 10 ايام نقول اسبوع

يعني في الشهر 160 جنيه شهريا

يعني حواي 1900 جنيه في السنة قول 2000 جنيه توفير

بعد 3 سنوات توفير 6000 جنيه

فارق الكيلومترات مش اقل من 1500 حنيه

حتغير طاقم رششات في حدود 2000 حنيه

فلتر بنزين (فلتر بالعوامة بالطلمبة ) في حدود 1600 جنيه

بوجيهات برضه حتغيرها قبل معادها لو ارديوم اللي بتعيش 100 الف حتتغير عند ال 40 الف

يعني اللي حتوفره في البنزين حيتصرف علي الصيانة

غير ان الموتور حيكون تعب لانه مش مصمم للاوكتان ده

علي فكرة انا معايا سيريون ديهاتسو 2010 ولو اتزنقت واطريت 90 بحط معاه محسن وقود

وربنا

المشاركة الأصلية كتبت بواسطة sherif0333

....................فكان لي استفسار بسيط من غير ما حد يشتم هو اي....................................

اخى الكريم


اولاً مفيش حد هنا بيشتم حتى لو على سبيل الهزار

لان الناس هنا يجمعهم الاحترام والكلمه الطيبه لانهم محترمين جداً
فبالتالى لامجال لما ذكرته حضرتك
هذا من ناحيه




ثانيا : الــ 80 نسبه الشوائب فيه كتيره يمكن المواتير القديمه متتأثر بيها كتير اما المواتير الجديده فغاليا ينصبح فى الكتالوج الخاص بيها ان لابد من استخدام بنزين 92 اوكتين
او 95 اوكتين