الموضوع: انا والبعبع

التفاصيل
الموضوع طبعا زي مانتم عرفتوا اني ظبط العفشه وبعدها لمبه الايرباج نورت والكلاكس فصل
وبعد لف وتدوير وسؤال ناس كتير كلهم جمعوا ان شريط الايرباج اتقطع ولابد من تغييره
و كلمت التوكيل قالي سعره تقريبا من 900 ل 1200 قلت يا حلاااااااااااااوه يعني اللي وفرته في تظبيط العفشه هدفعه اضعاااااااف في الشريط الامور ده
المهم قلت كده لابد م طلعه للتوكيل لفحص العربيه ونشوف بالظبط ايه الحل
المهم امبارح قابلت ابن خالتي وحكلته الحوار ده قالي طيب انا هسألك الكهربائي بتاعي هو دمغه حلوه ولو فيها اي حاجه تتعمل هيقولك لو مفيش هيقولك برده يعني مش هيفتي فيها
قلتله ماشي ماهي كده كد\ه ايظط وضربه الاعور على عينه مش فارقه
المهم هو حكاله الاول الحوار فقاله طيب خليه يعدي عليه في الورشه ونشوف كده الحوا
المهم روحت له اول امبارح بليل وحكتله بالظبط للي حصل وقالي الشريط كده مقطوع ياباشا قتله منا خلاص عرفت ياعم انه مقطوع له حل قالي انا ممكن الحمه لك عادي قتلته ويهتطفي قالي ان شاء الله قلت له بس انا مش عاوزه تطفي خالص انا عاوزها ترجع زي ماكانت قالي ان شاء الله ياباشا بس تعالى الصبح في الروقان عشان دلوقتي ليل والنهار له عنين قلت ماشي
المهم فكرت وقلت مش فارقه هي كده كده منوره هيحصل ايه اكتر من كده وتوكلت على الله انهارده ورحت له قالي سيبهالي ياباشا واناهكلمك تيجي تستلمها تمام ماشي قلتله ماشي بس هبقى اجي ابص كده وسيبته ومشيت ورجعتله بعد ساعه كد\ه لقيته فاكيك الدركسيون ومطلع الايرباج
جوه الزور بتاعها في شريط ابيض ملفوف عامل الكابلات بتاع الكومبيوتر بس اصغر وارفع وقعد يهرتل معه شويه
وبعد جرب من غير ما يركبها الكلاكس اشتغل قلت الحمد لله انه اشتغل انا ماشي بقالي اسبوع مزلووول من غير كلاكس وطبعا ده في بلدنا ما ينفعش خالص
المهم وصلها وفتحت الكونتكت برده اللمبه منوره :(( قلته وبعدين قالي كده الشريط اتلحم وكله تمام والدليل الكلاكس اشتغل بس احتمال تكون عاوز تدخل على الكومبيوتر عشان يطفيلك اللمبه
قلتله طيب نجرب كده نرسيت الكومبيوتر نشيل كابل البطاريه مثلا
شيلنا الكابل شويه وحططيناه وبعدين قعد يقولي اطفي الكونتاكت وافتح كذا مره وره بعض وبعد قعد يدور العربيه ويبطلها مرتين تقريبا او تلاته وره بعض وبرده فضلت منوره :((
قالي كده ياباشا يبقى عوزه تططفي من البرنامج بتاعها روح لاي حد بتاع كومبيتوتر فحص يطفيهالك المهم
قلته ماشي وقلت الحمد لله الكلاكس اشتغل وربنا يسهل في اللمبه دي ان شاء الله
المهم مشيت وركنت شويه كده وبعدين بدور لقيتها طفيييييييييييييييييت لوحده :)
رجعتله تاني قلت افرحه برده :) قالي يبقى الكومبيوتر كان بيبرمج نفسه عليها من جديد مش عارف دي هرتله منه ولا بجد المهم اللمبه دلوقتي بتنور عهادي ولما بدور بتطفي الحمد لله
بس فيسؤال ياريت حد يشوفوها عنده ويقولي
هي اللمبه عندي دلوقتي مش بتطفي غير لما ادور العربيه هل ده الطبيعي ولا هي كانت بتطفي عادي حتى لو مدورتش ؟؟؟

طبعاا لتكلفه كانت رهيبه برده 70 جنيييييه

يبقى كده التكلفه الاجماليه 61 عفشه +70 كهربائي يبقى كله 131 جنيه
والحمد لله
طبعا انا سالت الكهربائي اعمل ايه طيب لو عاوز اعل شغل تاني في العفشه يتقطع برده واجيلك ولا ايه هههههههههههه
قالي في حلين الاول انك تجيلي افوكهالك وتروح تظبط عفشتك وترجعلي ركبهالك تاني
او الحلالتاني انك تفصل كابلات البطاريه وتقفل الدركسيون يعني تشيل المفتاح من الكونتاكت وتلف الدركسيون لغايه ما يسوجر وبكده انت في السليم لان الدركسيون من هيلف ولا هيتحرك من مكانه وهو بيشتغل في العفشه وبكده الشريط يبقى في الامان
ياريت حد يرو\د عليه بس في حوار اللمبه ده هي بتطفي لوحدها قبل تدوير العربيه ولا بتطفي بعد ما العربيه تدور