الموضوع: يا مالكي اللوجان فين التقييم الكامل

ياباشا عالنار بيستوى :-)))))
احنا بس بنهرى العربيه تجارب وهتنرد قريب بس هى العربيه من ناحية الراحه والوسع هايله جداااااااااااا هو بس تصميم التابلوه تحس انو عتيق شويه - ودى اذواق طبعا - بس هو سهل ومريح جدا واضاءة التابلوه اللاورانج مدياها اناقه اكتر
استهلاك البنزين كويس جدا حتى مع استخدام التكييف ( 5:6 كيلو / لتر داخل المدينه ) وحوالى 8او 9 على الطرق السريعه ابعاد العربيه مريحه جدا فى الركنه ماعدا لما بتركن بضهرك هتحس انك مش شايف حدود الشنطه وهتعتمد اكتر على مرايات الجنب.
مفيهاش فتح شنطه وتنك من جوا العربيه . الباور بتاعها ناعم جداااا للصبح
اداء العربيه وتسارعها مقنع جدا بالنسبه ليا
العفشه بتاعتها انا حاسس انها ناشفه شويه بس مبحسش بالمطبات برضه . عزل الماتور كويس جدااا بس لما بتعلى عن 100 بحس انو صوت الماتور عالى شويه
السى دى بلاير بتاعها كويس جدا مع 4 سماعات والشنطه بتاعتها بحر بمعنى الكلمه
هو بس اخر حاجه على بالى دلوقتى ان كل اللى شافها او جربها معايا اكدلى انها احسن من الافيو ( اللى هى بنفس سعرها ) لانى كنت بقارن بين الاتنين قبل ما اشترى

شكرا على التقييم ومستنين كلام اكتر