الموضوع: بجد بقت عيشه تقرف

استغفر الله العظيم
بجد العيشه بقت تقرف

صاحي من النوم علي اصوات ناس جوه البيت اتلاقي قرايبات الحاجه من بعيد و قاعدين ضحك و هزار و صوت عالي في مواضيع تافهه لحد ما قلقت علي صوتهم و انا بكره ان حاجه تصحيني اساسا المهم لفحت اللاب و نزلت لمحل صديق ليا من غير فطار و لا غسيل وش حتي و انا نازل من باب العماره اتلاقي 3940539 بوستر لابو اسماعيل لحد ما شكيت انها عمارتنا اساسا و ناس جيراني واقفين قاعدين يسبوا و يلعنوا في اللي لزق البوسترات دي و اللي بيلزقها فاكر انه بيلزق بوسترات لشاكيرا باين المهم روحت المحل و قعدت اشوف شغلي تقوم بنت استغفر الله العظيم اقل كلمه تتقال عنها انها رقاصه تخش المحل و قاعده تسأل عن اسعار الماوسات و في الاخر مشترتش حاجه و ضيعت وقتنا و اخدنا ذنوب علي الفاضي المهم خلصت جزء من شغلي و راجع البيت اتلاقي جيراني لسه قاعدين يشيلوا في البوسترات و البواب قاعد يشيل في البوسترات معاهم و شكل مدخل العماره بقي يقرف و الناس قاعده تسب و تلعن المهم طلعت البيت اتلاقي لسه الضيوف موجودين دخلت اوضتي مش عارف اركز في حاجه من صوتهم ندهت علي امي و كلمتها بيني و بينها تطلعني ان انا الغلطان اني جاي البيت دلوقتي و المفروض اي حد بيبقي في شغله و تقولي انا لو مكنتش موجود مكنتش سمعت صوت حاجه المهم حصلت المعجزه و الضيوف غاروا و طبعا مفيش اكل اتحضر فنزلت جبت اكل من تحت و اكلت و طبعا مزاجي اتعكر و مش عارف اكمل شغلي اصلا و بعدها نزلت الحاجه مع خالتي مش عارف رايحين في انهي مكان المهم واحد تافه استلمني علي الموبايل و قاعد يرغي و مش عارف اقفل معاه و مش عارف جاب رقمي منين اساسا المهم قفلت معاه بعد نص ساعه رغي و الله يخربيت اتصالات اللي خلت الدقيقه ب 15 قرش عشان الناس تقرفنا المهم امي رجعت من بره و كنا بقينا 8 بليل فتقولي انزل جيب شويه طلبات من تحت ما انتي كنتي تحت تقولي نسيت و اتفضل انزل فحطيت بلغه في بقي و نزلت و ضيعت يجي ساعه تحت في السوبر ماركت و الصيدليه و الناس كانت محسساني ان في مجاعه هتحصل و ان كل الناس مريضه و بتتوفي حاجه تقرف المهم طلعت فنسيت حاجه ميجبتهاش فالحاجه قعدت تبتسف فيا و تقولي ما انت لو كنت فايق و بتشتغل زي كل الناس و مش عارف ايه و انت فاشل و لما هتتجوز هتعمل ايه و انت و انت و انت المهم دخلت اوضتي بحاول اعمل حاجه مش عارف لحد دلوقتي و انا ورايا تسليم شغل بعد بكره في مسابقه امريكيه و لسه مخلصتوش لحد دلوقتي

لو انتوا مكاني تعملوا ايه ؟

كاتب لبكرة جواب يوصل ما يوصلشي
مش فارقة معايا كتير مانا كدة كدة هامشي
ده لو ايوب جه هنا ع العيشة ما يصبرشي