انـــــها حقا سياره محترمه ( تقييم مبسط لرينو لوجان )

**amrnader** · 10-06-2008 05:26 PM

المشاركة الأصلية كتبت بواسطة kikoooo

- الباور بتاعها ممتاز وتحس انه ناعم اثناء الحركه وناشف وهوا واقف مزيج مدهش الحقيقه

- بالظبط وبعد حسابات دقيقه منى ( طبعا بمساعده كومبيوتر السياره ) استهلاك البنزين 5.5 لتر لكل 100 كيلو جوا البلد و 7.5 على الطرق السريعه وانت معدى 100 كيلو فى الساعه

مبروك على العربية، بس انا مستغرب من نقطتين، الكلام اللى انت بتقوله على الباور المفروض العكس، الباور يبقى ناعم و انت واقف و يتقل و انت ماشى عشان التحكم يزيد، بس يسهل عليك اللركن و كدة،

بالنسبة للاستهلاك، المفروض جوة البلد الاستهلاك اكتر من الطرق السريعة.

**amrnader** · 10-06-2008 05:28 PM

المشاركة الأصلية كتبت بواسطة hesham_tawfiq

ايوه فعلا دا تقريبا استهلاك البنزين بتاعها وجايز كمان يكون احسن من كده بس انا ساكن فى اكتوبر وشغلى برضه هناك ومبحتجش امشى فى المدينه غير مره كل اسبوع فعشان كده استهلاك البنزين انا شايفو بالنسبالى ممكن يكون احسن من المعدل المكتوب كمان
هو عموما المعدل اللى بيطلعلى على كمبيوتر العربيه 8.5 كيلو / لتر

انت متأكد من الرقم ده؟؟!!

ده كده استهلاك عالى جدا، ده فوق ال 11 لتر فى ال 100 كم!

**hesham_tawfiq** · 10-06-2008 06:41 PM

هو دا المعدل اللى بيطلعلى على الشاشه بس انا لما حسبته لقيتنى مشيت حوالى 450 كيلو باربعين لتر
فمش عارف الكمبيوتر دا بيحسب ازاى
انا فعلا مستغرب عشان كده حاطط الموضوع فدماغى وهصفر العداد بعد التفويله الجايه

**aLashin** · 10-06-2008 08:31 PM

الف الف مبروك ..

تقييم ممتاز الصراحه ..

انا كمالك للعربيه ديه متفق معاك تماما في كل اللي قولته ..

ربنا يكرمك و يكتبلك خيرها ..

**hesham_tawfiq** · 11-06-2008 10:18 AM

تصحيح بسيط واسف على الخطأ
هو انا كنت كتبت ان الاستهلاك اللى بيظهرلى على الشاشه 8.5 كيلو / اللتر
هو المعدل اللى ظهرلى فعلا 8.5 لتر / 100 كيلو
يعنى حوالى 12 كيلومتر / اللتر- دا بحساب الكمبيوتر-
فكده ممكن فعلا اكون مشيت 450 كيلو بحوالى 38 لتر
اسف مره تانيه على الخطأ الغير مقصود

**ahmedfd** · 11-06-2008 10:33 AM

المشاركة الأصلية كتبت بواسطة amrnader

مبروك على العربية، بس انا مستغرب من نقطتين، الكلام اللى انت بتقوله على الباور المفروض العكس، الباور يبقى ناعم و انت واقف و يتقل و انت ماشى عشان التحكم يزيد، بس يسهل عليك اللركن و كدة،

بالنسبة للاستهلاك، المفروض جوة البلد الاستهلاك اكتر من الطرق السريعة.

بالظبط و الله خدتهم من على لساني :)

**kikoooo** · 11-06-2008 08:03 PM

المشاركة الأصلية كتبت بواسطة eng / AhmeD

شكرا علي التقييم
و يا ريت تقولنا الثبات اخباره ايه؟
و قطع غيارها غالية ولا زي الفئة بتاعتها؟

الثبات ممتاز بس للامانه انا مزودتش عن 100 كيلو بس حاسس انى ماشى على 60 مفيش فرق

قطع الغيار كانت متوسطه السعر وحسب كلام التوكيل ان السعر حينزل اكتر لما يجى كميه من قطع الغيار لان الموجود مش كميه كبيره لان العربيه جديده

**kikoooo** · 11-06-2008 08:04 PM

المشاركة الأصلية كتبت بواسطة ows212

شكرا على التقييم
كنت عايز اسال عن موديلات اللوجان كام موديل واسعارهم ايه وكمالات كل موديل وشكرا

راجع المواضيع المثبته

**kikoooo** · 11-06-2008 08:07 PM

المشاركة الأصلية كتبت بواسطة وائل عطية

+1
صحيح يعني إيه بتستخدم مية مقطرة والعربية لسه زيرو
اللي أعرفه إن دورة التبريد بتكون مغلقة ونادراً مابيحصل فيها مشاكل لما العربية بتكون زيرو
يعني مفيش داعي لاستخدام مية لأن المية بتاعتها موجودة ومفيش تسريب

طبعا كلامك منطقى انا غيرت الميه بتاعتها ..... وطبعا دى مش قاعده ممكن تجرب بعد كده ولو مش مقتنع بلاش المهم تكون مستريح نفسيا

**kikoooo** · 11-06-2008 08:08 PM

المشاركة الأصلية كتبت بواسطة amr123

السلام عليكم

اولا مبروووووووووووووووك مبرووووك مبرووووووووك

عندي بس سؤال ...حضرتك متأكد من استهلاك البنزين الي انت قولته ده ؟؟ ده لو كده يبقى ممتاز ممتاااااااز
كمان جرب حضرتك موضوع ان غطا التانك يفتح مع السنتر لوك بردو ...انا قاكر ان البياع اليفي توكيل المعادي قالي كده

متاكد تمام التاكد
والغطا مع السنتر