ازيكم يا ناس
حبيت افتح اول موضوع عن المعرض و عرفت شوية حاجات من ملحق العربيات فى الاهرام النهاردة حبيت الخصها:
1-هوندا عاملة عرض خاص على السيفيك (كام الله اعلم) و كمان موتوسيكلاتها
2-شيفروليه كاتب انه عامل خصومات حتى 20000 جنيه (مش عارف ازاى) و الكروز بتبتدى من 105 الف
3-الهيونداى مش مشاركة بس عاملة خصم 3 الاف جنيه على كل فئات الانترا
4-سوزوكى منزلة سويفت الشكل الجديد شفته على اليوتيوب صراحة تحفة من جوة
5-رينو منزلة عربيتين كهربائيتين اللى هما توينزى و ze بس معرفش دول لزونم المعرض و الا بجد و لو بجد هينزل معاهم شاحن و الا ايه
6-البيجو منزلة الجميلة 508 اللى هتبقى منافسة للجيتا و الفوكس و اوكتافيا و كده بس فعلا جميلة
7-السوبارو منزلة الXV منافسة القاشقاى و السبورتاج و اللى بتتميز عنهم بانها دفع رباعى و هما لا
ده اللى عرفته لحد الان و اللى عنده جديد يزود
المفضلات