الموضوع: سؤال بخصوص الزجاج الملون .....

المشاركة الأصلية كتبت بواسطة calvinklein

معلش السعر دا كان من 2007 لانى كنت بغير زجاج عربيتى عند د.جريش و قال ان العربية بتتكلف كلها 1000جنيه.و الزجاج اصلا موجود عنده معمول جاهز للى عاوز و لو عمولة على حسب ما هيقولك من نسبة اللون فاتح وسط غامق..و مصنع د.جريش فى العاشر من رمضان طريق الاسماعيلية الصحرواى على ايدك اليمين مباشرة لكن مش فاكر مش هتطلع اول كوبرى والا تانى كوبرى عموما هوة مش صعب لانك من على الطريق هتلاقى على ايدك اليمين يافطة واضحة جدا بحجم ضخم اعلى المصنع مكتوب عليها د.جريش

تمام ... طيب و كدة لما اغير الزجاج من شفاف لفاميه هيدينى ورق عشان اثبته على الرخصة و لا هعمل ايه ساعتها كدة ؟؟

المشاركة الأصلية كتبت بواسطة calvinklein

مش هيديك اكتر من فاتورة البيع.و انتى ظبط نفسك مع بتاع المرور.بس اتاكد ان يكتب فى ملف العربية انها فامية مش الرخصة بس.لان مع التجديد هتلاقى نفسك دخلت فى الحيط و الكلام كلة مش اكتر من تظبيطك و معارفك فى المرور.مفيش تغيير الثورة و الكلام دا للاسف

ايوة ايوة ... انا بشكرك جداً يا باشا

انا كلمتهم بتوع د.جريش قالولى مش عندنا الازاز بتاع الكوبيه ده

شكلى كدة هيبقى علية و على المرور بقى ... بس كدة لازم اثبته على الورق و ده تقريباً صعب مش كدة

المشاركة الأصلية كتبت بواسطة calvinklein

شوف عندنا فى مصر صعب و مش صعب لان الكلام كلة عبارة عن تظبيط و لسان كويس و استلطاف مش اكتر و ممكن الواحد منهم يستجدعك و ميخدش منك فلوس و ياخد من غيرك..حاول تبعد عن الرشوة لانها حرام و متحاولش تغالط نفسك و تقول مهو خدمنى و مش عارف اعملة ايه.
و على العموم طول ما الرخصة مثبوتة محدش ليه عندك حاجة انما الملف هو الاساس.يعنى شوية ورق,و فيه ناس مركباة و لما بتشوف اللجنة بتلف من قبلها,معنا فى مصر الموضوع كلة بركة و حظوظ

اة انا فاهمك ... يعنى اعملها و لا بلاش احسن ؟؟؟؟

المشاركة الأصلية كتبت بواسطة calvinklein

انا مش اعرفك غير من هنا,و الواضح ان الاجابتين مش هيعملوا معاك حاجة يعنى اعملها زى بلاش تعملها,انما جرب و الله ممكن تمشى و ممكن لا انما مفيش مانع من التجربة لان الممنوع مرغوب.و بصراحة فى موضوع الفامية انا حاسس انه بيمشى بالنية يعنى اللى نيته يتشاقى هوا حر.ولو هتعملها اتاكد انه يثبتة فى الملف الاول قبل الرخصة عشان مع التجديد هينزل اتوماتيك فى الرخصة يعنى مهندس الفحص ممكن يرفض ترخيصك لان مفيش فامية على العربية.و حصلت معايا بقى المهندس مش عارف اللى على العربية فامية والا الزجاج الاصلى بس انا سكت عشان متحملش انى كداب فضحكت فهو فهم قالى روح شيلة و انا منتظرك حتى لو اتاخرت عليا.روح جرب و انتا و نصيبك

اة .. طيب هشوف كدة بقى و اللى يحصل يحصل انا و الله نية خير على الفاميه ده انا عامله عشان منظر العربية فقط لا غير و مضايق عشان العربية كان المفروض يبقى معاها ورق الفاميه ده و انا مش جبته مع الملف بتاعها

و على العموم اشكركم كلكم جدا على وقفكم معايا ...