بتحس بأية وأنت نازل رايح الشغل؟

**Ghosts** · 29-03-2012 09:22 PM

المشاركة الأصلية كتبت بواسطة Dewo

من غير تريقة ياجماعة أرجوكوا

حد فكر إنو يغير الروتين اليومى بتاعه بدل ما تتتحرك فى مواعيد الموظفين وزحمة الشوارع والأرف أنك تصحى بدرى ساعه أو نص ساعه تروح النادى لو مشترك فى نادى تجرى شويه او تشترك فى جيم وتروحه الصبح بدرى قبل الشغل .
صدقنى هتروح الشغل بإحساس مختلف تماما

الموضوع فى وجهة نظرى موضوع جودة حياة وأستمتاعك بيها . لازم تاخد وقت من يومك لنفسك تمارس فيه هوايه أو رياضه أو أى شئ انت بتحبه . ساعتها يومك هيختلف كتيييييييييييييييير

مفيش حد حاسس أنة مخنوق فى شغلة

يقدر يعمل كدة ....
الحاجات دى عايزة بال رايق ....

**aif** · 29-03-2012 09:47 PM

المشاركة الأصلية كتبت بواسطة ghosts

مفيش حد حاسس أنة مخنوق فى شغلة

يقدر يعمل كدة ....
الحاجات دى عايزة بال رايق .... :10d5c8w1107:

وليه ما تقولش ان الحاجات دي هي اللي بتروق البال
جرب مرة مش ح تندم

**Ghosts** · 30-03-2012 08:01 AM

المشاركة الأصلية كتبت بواسطة Dewo

من وجهة نظرى من أسوأ الأمور الى ممكن يقابلها الإنسان
تسليمه بالأمر الواقع وعدم محاولته إنه يغيره
لو ظروف شغلك قرفاك حاول تغيرها
لو مش عاجبك شغلك دور على غيره مش لاقى طور من نفسك عشان تفتح مجال تانى ليك
طول ما انت عندك مشكله ومأخدتش خطوات ومدفعتش تضحيات عشان تحلها عمرها ما هتتحل

هو فى شغل بالساهل اليومين دول؟؟!!
ولا فى شغل مفيهوش قرف وتعب مهما كان؟؟!!
لو فى ياريت تقولى ....

**Dewo** · 30-03-2012 08:16 AM

المشاركة الأصلية كتبت بواسطة Ghosts

هو فى شغل بالساهل اليومين دول؟؟!!
ولا فى شغل مفيهوش قرف وتعب مهما كان؟؟!!
لو فى ياريت تقولى ....

على فكرة أنا مش قصدى خالص إن الشغل بالساهل أو مفيهوش قرف
بالكعس أنا شخصيا طالع عين أهلى فى الشغل

كل ما اقصده إن الواحد لازم يغير بنفسه . لو ماحولش ميتوقعش إن فيه حاجه هتتغير
وعلى رأى المثل

No Pain, No Gain

صباحك قشطه