الموضوع: سؤال عن الميجان و مشاكلها ياريت تشاركوني

هى عربية تمام بس للامانة تكيفها مش قد كدة

العربيه زى الفل عيبها الوحيد تكييفها مش قوى فى الصيف

التكييف جيد و لكن مش ممتاز زى اليابانى
العفشة احسن حاجة فيها و اكتر حاجة بتستحمل و فين و فين لما تحتاج تغير حاجة فيها
الموتور قوى جدا بس طلعتها تقيلة
فتحة السقف ممتعة بس مش بتبوظ ممكن تحتاج تتزيت
الفرش الداخلى تحفة و احسن من اى عربية تانية فى الفئة دى
قطع الغيار رخيصة جدا و منتشرة و لكن فى بعض الحاجات اللى نادرا لما بتبوظ بتلاقيها غالية زى اى عربية
مشكلة الميجان ان فى حاجات بتبوظ فيها المفروض انها Life long
او حاجات موجودة فى كل العربيات التانية و مش بتبوظ
لازم لازم لازم تعمل حسابك ان مهما سقت ميجان اكيد هتحتاج تغير
طرمبة بنزين و كويلات و سولونيد فالف الفتيس و زيت الفتيس و شريط الايرباج
الحاجات دى موجودة فى كل العربيات لكن مش بتحتاج تتغير

متشكر جدا علي الردود يا جماعة بس موضوع التكييف ده محدش حاول يشوفله صرفة ؟

المشاركة الأصلية كتبت بواسطة mitsukero

السلام عليكم

انا بسأل لواحد صاحبي عايز يشتري ميجان

دلوقتي كل ما نسال تاجر عربيات علي ميجان يقولنا ايه يابني اللي انتو هتعملوه ده بس و ليه العربية دي وبلاش و مش بلاش و كلام غريب جدا بدون اي دليل

الحاجات اللي شفتها عن العربية دي بعيني هي ان فيه واحد صاحبي معاه واحده 2006 فتيسه باظ بعد 15 الف كيلو و راح التوكيل عملوه في الضمان

حاجة كمان عربية تانية كانت بره الضمان و صاحبي بيدور و العربية حالفه مش هتدور اتصل بالصيانة اللي بتيجي لحد البيت (الكلام ده من 4 سنين تقريبا) و فعلا جم بعربية كبيرة و غيرولة الكمبيوتر و دفع مبلغ كبير مش فاكر بالظبط عشان مفتيش

المهم بقي انا عايز راي من ناس راكبين العربية او ركبوها بنفسهم فترة لان الكلام العام ده مش بيدخل دماغي

العربية دي اخبارها ايه بصفه عامة ؟ قطع غيارها ؟ صياناتها ؟ ليه الانهيار الفظيع في سعرها من 120 الف او اكتر ل 60 و 50 و 45 الف !!!!!!!!

انا حاسس انها عربية محترمة و شكلها فخم

اه صحيح اخبار تكييفها ايه ؟

خامة الفرش ؟

هل فتحة السقف بتبوظ ؟

الكلام ده كله مهم بالنسبة لصاحبي

منتظر مشاركتكم معايا و عشمان في معلوماتكم

شكرا مقدما

معقوله هيا وصلت لــ 45 و50 للحاله النضيفه.... حد عنده تأكيد على الكلام ده؟؟

المشاركة الأصلية كتبت بواسطة mitsukero

متشكر جدا علي الردود يا جماعة بس موضوع التكييف ده محدش حاول يشوفله صرفة ؟

عملت كل ما تتخيل ههى كدة علشان كباسها صغير نسبيا والكندنسر و الراديتر بمروحة واحدة هى ايوة بسرعتيين بس بردة فى الحر الشديد والعربية واقفة التكييف كفائة بتقل ودة لان الفريون الى بيطلع على شكل غاز مضغوط ضغط عالى من الكباس مش بيلحق يتكثف بشكل كامل فى الكندنسر ويبقى سائل ذو ضغط عالى ودة فى الحر الشديد يعنى فوق درجة حرارة 37 سليزيوس وطبعا لو قفت فى اشارة لمدة 10 دقايق ودرجة الحرارة الفعلية للجو مثلا 34 بالنهار طبعا فى الاشارة بسبب شكمانات السيارات والتلوث والزحمة الغير طبيعة درجة الحرارة فى الخارج ممكن توصل ل 40 او 42 درجة وطبعا هنا ولا كباس الميجان ولا المكثف بيعمل حاجة