الموضوع: متنااااااااازل عن الجنسية المصرية

خدني معاك...

المشاركة الأصلية كتبت بواسطة أبو صلاح

يا جماعة والله الغربة ما هي بالساهل زي ما انتوا بتتكلموا كده
اسالوا مجرب

بتسمي السعودية دي هجرة!!!!
الغربة مش مررة بس حضرتك اللي رحت من سيئ لأسوأ

كام واحد فيكم هيدافع عن البلد دى لوحصلت حرب؟؟وهتدافع عنها علشان ليك اهل فيها؟؟ولا علشان هى وطنك؟؟ولو ملكش حد تخاف عليه هتسيبها تولع؟؟

ده اللي انا خايف منه ان يبأه المفروض علينا ندافع عنها ونفكر ايه الهدف انك تدافع عنها ؟عشان رجال الاعمال اللي بينهبوها ولا الحفنه اللي بيحكموها ؟ بس انا متطمن عشان واثق ان اللي بيحكمونا تابعين لأمريكا وبينفذوا اوامرها بالحرف في كل قضيه داخليه او خارجيه ولنا الله .

ياااااااااااااااااااااااا ه كأني انا اللي كاتب الموضوع و كل ما اقول للحاجه اني لسه ماشي في اجراءات السفر لامريكا او لكندا تحسسني اني هضيع خلاص و هنحرف و هي عاجبها قعدتي هنا

اللهم لا اسألك رد القضاء و لكن اسألك اللطف فيه

المشاركة الأصلية كتبت بواسطة waelfarid

كلام فل الفل لواحد يائس 100000000000000000000%

يعني لو حد اصابه المرض في محيط معارفك بترموه في الزبالة ولا بتعالجوه
الفكرة ان المرض شديد ولو خلصت النية للعلاج الجسم حيشفي بس حياخد وقت وبعدين متنساش ان فيه مستفيدين من وجود المرض ده في جسم البلد
كان من باب اولي بتر المتسببين في المرض ده وما حدث في رومانيا مش بعيد

تعرف القرداتي بيعلم القرد ازاي يعمل عجين الفلاحة ونوم العازب
ابدا بمنتهي البساطة بيجيب فرخة قدام القرد ويطلب منها تعمل عجين الفلاحة متعرفش يقوم دابحها قدام القرد يقوم القرد يعمل عجين الفلاحة بدون اي تواني او تقاعس او اعتراض يعني القانون يطبق علي التخين والعدل يشتغل طول ما الظلم وغياب العدل موجودين محدش حيعرف يشتغل لانه لو اشتغل حيتسرق بانه مابيخدش حقه ولو حد خد منه حقه -ذو نفوذ-مش حيعرف يرجعه وذلك لغياب تطبيق القانون علي كل الناس سواسية

حضرتك بتتكلم بنفس نظرية المؤامرة اياها
مننكرش اني في ناس من مصلحتها ان البلد تفضل كده ،
بل وتنتقل من سئ لاسوأ
لكن تحميل الناس دي الحالة اللي وصلت ليها البلد حاليا
نشيلهم الشيلة يعني
لألألألألألألألألألألأ
لان ببساطة اللي احنا فيه الجزء الاكبر منه
((( طبيعة شعب )))
مش تخطيط اجنبي ولا طرف تالت ولا مجس عسكري خاين
كل ده ممكن يكون موجود
بس الوحش
احنا
احنا في بعض

عشان كده بقولك الحل الوحييييييييييد
نستورد شعب

المشاركة الأصلية كتبت بواسطة blazer

الغربه فعلا مش سهله
دى سهله جداااااااااااااا
وإسئل مجرب برده
الغربه لما تبقى فى مكان بيحترم آدميتك كل ما تحن لقديمك وتفتكر لحظه ذل واحده تضرب نفسك بالقلم لمجرد انك حنيت للأيام دى

هو ده الكلام المظبووووووووط

في اغنية قديمة لمحمد فؤاد كانت عاجباني اوي زمان
بتقول (( يعني ايه كلمة وطن . . . يعني ارض . . حدود . . مكان . . ولا حالة من الشجن ))
الوطن حالة يا جماعة
مكان ترتبط بيه ويعيش جواك
لما تفقد الاحساس ده وتبقي نفسك تصحي الصبح تلاقي نفسك في كوكب زحل ولا انك تقعد في البلد دي
اعرف انك فقدت حاجة حلوة اوي
وهنا - انا شايف - انك لازم تشوفلك وطن تاني
انا محتاج ايه في اي مكان في العالم غير اهلي واصحابي
اهلي هييجوا يزوروني - ده ان مرضيوش من البداية انهم يروحوا معايا
واصحابي الحمد لله القريبين منهم اما هاجروا او طفشوا واللي قاعد فيهم الدنيا واخداه ومحدش بقي بيشوف حد

صدقني الموضوع فعلا بقي صعب
مصر بقت قاسية اوي علي اهلها يا جماعة
اوي