الموضوع: مقارنه فرنساوي

المشاركة الأصلية كتبت بواسطة mody3on

لا الهاتش ب 180-185 :(
ممكن تقسط ال 20 الف الباقيين :d

انا لحد دلوقتي بقنع اهلي انهم يجيبو ال c4ًو مش راضيين :D :D وكده كده انا هاقسط العربيه كلها مش هدفع مقدم غير 50.000 مثلا :D فا صعب

خلاص خليك في ال c4 ما دام مش عاوز كوري
مع اني افضل برضه فوكاس او استرا او النترا ( محدش يضرب :D )

المشاركة الأصلية كتبت بواسطة mody3on

خلاص خليك في ال c4 ما دام مش عاوز كوري
مع اني افضل برضه فوكاس او استرا او النترا ( محدش يضرب :D )

انا استقريت علي c4 خلاص :)

المشاركة الأصلية كتبت بواسطة Ahmed A.Maksoud

بص هو أنا مجربتش ال c4 قبل كده..........بس ستروين عامة عربيات محترمة.

أنت دلوقتى مش فارق معاك كتير موضوع فرق سعر إعادة البيع.....زى ما أنا فهمت.

بس باقى معطيات المقارنة أيه ؟
يعنى أنت عاوز أيه من العربية ؟ هو ده اللى هيحدد.

عموماً أنا رأيي الشخصى.....ميجان و الأسباب
1- سعر إعادة بيع أحسن شوية
2- الكماليات..........بصراحة الفرقين الوحيدين لصالح الستروين هما قوة المحرك أكتر 10 حصان من الميجان وجود esp فى الفرامل......ده الفرق اللى يستاهل شوية..............باقى الحاجات زيها زى الميجان و الميجان برضه فيها حاجات مش موجودة فى ال c4 زى الكارت الذكى و جنوط رياضية مقاس 16.
الكلام اللى فوق جايبه من كونتاكت علشان أنا مش عارف كماليات الستروين أيه بالظبط.
3- التوكيل رينو أحسن من عز العرب........و أحسن معناها أنه بيهتم بعملائه أكتر و دايماً تحس أن فيه كبير ممكن ترجعله لو عندك مشكلة...........و الكلام ده عن تجارب مش تجربة واحدة.
4- قطع الغيار فى السوق هتلاقى الميجان أكثر أنتشاراً شوية.......علشان هى هى الفليونس ما عدا فى بعض الحاجات الخارجية زى الفوانيس........و هتلاقى أصلاً حاجات رينو و ستروين و بيجو بتتباع عند نفس الأماكن عادة.
ال c4 هتلاقى حاجاتها برضه بس أقل شوية من الميجان على ما أعتقد.
5- قطع الغيار فى الحرفيين.......الإستعمال يعنى......هتلاقى برضه الميجان أكثر إنتشاراً و بالتالى قطع غيارها أكثر توفراً فى السوق و نظرياً المفروض تكون أرخص لأنها أكتر.

دى النقط اللى جت فى دماغى ممكن تاخد قرار على أساسها...........و أياً كان أختيارك فهو أكيد إن شاء الله هيكون صفقة رابحة.............و بالتوفيق يا باشا.

متشكر جداااا لاهتمام حضرتك :) :) :) بس الc4 الجديده فعلا حاجه تانيه شكل خارجي احسن من الميجان و تابوه و صالون من جوه و اوبشنز اكتر بفرق فعلا من مساج في الكراسي و ثلاجه صغيره و ثبات اعلي و سحب احسن و بانوراما تحفه بس تقريبا مس بتنزل مصر.
بس منه لله بقه التوكيل اللي مش عارف يعمل دعايه ولا يوفر قطع غيار و مهندسين محترمين و فعلا توكيل رينو احسن توكيل في مصر عن استحقاق مابيسبوش عربيه رينو علي ارض مصر فيها عيب كفايه الصفحه اللي سايبنها مفتوحه لكل واحد يقول المشكله بتاعت عربيته و بتتحل قدامنا و العربيه بتتصلح و انت واقف

المشاركة الأصلية كتبت بواسطة hossam_hassan4

متشكر جداااا لاهتمام حضرتك :) :) :) بس الc4 الجديده فعلا حاجه تانيه شكل خارجي احسن من الميجان و تابوه و صالون من جوه و اوبشنز اكتر بفرق فعلا من مساج في الكراسي و ثلاجه صغيره و ثبات اعلي و سحب احسن و بانوراما تحفه بس تقريبا مس بتنزل مصر.
بس منه لله بقه التوكيل اللي مش عارف يعمل دعايه ولا يوفر قطع غيار و مهندسين محترمين و فعلا توكيل رينو احسن توكيل في مصر عن استحقاق مابيسبوش عربيه رينو علي ارض مصر فيها عيب كفايه الصفحه اللي سايبنها مفتوحه لكل واحد يقول المشكله بتاعت عربيته و بتتحل قدامنا و العربيه بتتصلح و انت واقف

مفيش في مصر مساج في الكرسي ولا بانوراما

المشاركة الأصلية كتبت بواسطة ahmed-adel

مفيش في مصر مساج في الكرسي ولا بانوراما

هو مفيش فتحه سقف دي انا متاكد منها بس مش ممكن يكون ازاز عادي ????? و المساج مش بينزل مصر ليييه. انا كلمت التوكيل قالولي كل حاجه بتنزل ماعدا فتحه السقف و كمان شوفت صوره ليها من جوه معرض في مصر الكمبيوتر مش كامل او الشاشه مش زي اللي بتنزل بره و الثلاجه مش موجوده الكلام ده ايه يا ريت يا احمد تفيدني في الموضوع ده و لو تعرف اي حاجه تانيه مش موجوده و كمان عرفت ان مفيش منها غير هاي لاين

المشاركة الأصلية كتبت بواسطة Hossam_hassan4

هو مفيش فتحه سقف دي انا متاكد منها بس مش ممكن يكون ازاز عادي ????? و المساج مش بينزل مصر ليييه. انا كلمت التوكيل قالولي كل حاجه بتنزل ماعدا فتحه السقف و كمان شوفت صوره ليها من جوه معرض في مصر الكمبيوتر مش كامل او الشاشه مش زي اللي بتنزل بره و الثلاجه مش موجوده الكلام ده ايه يا ريت يا احمد تفيدني في الموضوع ده و لو تعرف اي حاجه تانيه مش موجوده و كمان عرفت ان مفيش منها غير هاي لاين

مساج إيه بس اللي هيبقى في عربيةبـ 164000 ده فيه عربيات بـ 500000 مفيهاش مساج
بره أظن إنت ممكن بتطلب كماليات زيادة , يعني العربية تنزلك بال option اللي إنت عاوزه
citroen في انجلترا كده

بالنسبة للبانوراما ,هم بطلوا ينزلوها عشان في شكاوي كتير جاتلهم بسببها
لانها مش عملية في مصر خالص مع الزلط اللي عالطرق عندنا و العيال اللي بتلعب بالطوب فالشوارع و الدليل إن حتى ال DS4 مفيهاش بانوراما و ال c4 من 2009 مفيهاش
بالنسبة للشاشة دي بتاعت ال GPS

زي ماقلتلك لو مفيش أول فئة , يبقى عليك و عل bravo اللي بـ160 أو ال 308 الجديدة
و أنا افضل ال bravo عشان مش هيبقى في قدامك غيرهم لان
ال LEON بـ 170
و golf بادية من 175 و focus بـ 185
و astra أظن ب 178
و طبعا شيل ال megane دي من دماغك خالص :) لانها مش من مستواهم أساسا

المشاركة الأصلية كتبت بواسطة Ahmed A.Maksoud

بص هو أنا مجربتش ال c4 قبل كده..........بس ستروين عامة عربيات محترمة.

أنت دلوقتى مش فارق معاك كتير موضوع فرق سعر إعادة البيع.....زى ما أنا فهمت.

بس باقى معطيات المقارنة أيه ؟
يعنى أنت عاوز أيه من العربية ؟ هو ده اللى هيحدد.

عموماً أنا رأيي الشخصى.....ميجان و الأسباب
1- سعر إعادة بيع أحسن شوية
2- الكماليات..........بصراحة الفرقين الوحيدين لصالح الستروين هما قوة المحرك أكتر 10 حصان من الميجان وجود esp فى الفرامل......ده الفرق اللى يستاهل شوية..............باقى الحاجات زيها زى الميجان و الميجان برضه فيها حاجات مش موجودة فى ال c4 زى الكارت الذكى و جنوط رياضية مقاس 16.
الكلام اللى فوق جايبه من كونتاكت علشان أنا مش عارف كماليات الستروين أيه بالظبط.
3- التوكيل رينو أحسن من عز العرب........و أحسن معناها أنه بيهتم بعملائه أكتر و دايماً تحس أن فيه كبير ممكن ترجعله لو عندك مشكلة...........و الكلام ده عن تجارب مش تجربة واحدة.
4- قطع الغيار فى السوق هتلاقى الميجان أكثر أنتشاراً شوية.......علشان هى هى الفليونس ما عدا فى بعض الحاجات الخارجية زى الفوانيس........و هتلاقى أصلاً حاجات رينو و ستروين و بيجو بتتباع عند نفس الأماكن عادة.
ال c4 هتلاقى حاجاتها برضه بس أقل شوية من الميجان على ما أعتقد.
5- قطع الغيار فى الحرفيين.......الإستعمال يعنى......هتلاقى برضه الميجان أكثر إنتشاراً و بالتالى قطع غيارها أكثر توفراً فى السوق و نظرياً المفروض تكون أرخص لأنها أكتر.

دى النقط اللى جت فى دماغى ممكن تاخد قرار على أساسها...........و أياً كان أختيارك فهو أكيد إن شاء الله هيكون صفقة رابحة.............و بالتوفيق يا باشا.

بالنسبة ل فرق ال options , ال c4 فيها 4 airbags زيادة و عدادات ديجيتال و daytime running lightsو ال c4 الفئتين فيهم جنوط
بالنسبة للميجان في فرق في فتحة السقف كمان

بالنسبة للتوكيل عز العرب بيتحسن , و فيه نقطة مهمة جدا
متبصش على معاملته ل proton , معاملة citroen مختلفة خالص

بالنسبة ل قطع الغيار , مش هتلاقي حاجة ل c4 الجديدة بره التوكيل خالص لانها لسة نازلة أصلا
أما ال شكل ال قديم فـحاجته ملية الحرفيين استيراد و تايواني(اللي بيقولوا عليه تركي واسباني ) و فيه صيني في الوكالة ما عدا الكسدام بتاع ال facelift (2009 ده الوحيد اللي نادر تلاقيه