مقارنه فرنساوي

**Hossam_hassan4** · 28-03-2012 06:46 PM

محتاااار جدا بيين megane 3 w c4 2012 يا ريت الناس اصحاب الخبره هنا يفيدوني لاني محتار جداا و يا ريت معلومات كافيه عن c4 انا عندي معلومات كويسه عن الميجان و اسمع ان المشكله في الوكيل بتاع عز العرب هو فعلا سئ جدا كده مقارنه بتوكيل رينو
ارجو الرد السريع لاني هشاري قريب ان شاء الله و شكراا :)

**Mahmode** · 28-03-2012 08:41 PM

c4 أشيك كتير من وجهت نظري. بس طبعا توكيل رينو أنضف كتييييير من عز العرب. والعربيتين سيئين في سعر إعادة البيع بس الc4 أسوء. توافر وأسعار قطع الغيار لصالح الميجان.

الخلاصة, لو فلوسك كتير وش فارق معاك هات الc4 ودلع نفسك. لو بتحسب فلوسك ومش عاوز ترمي فلوس في الهوا وخلاص خليك في الميجان. والله الموفق والمستعان.

**Hossam_hassan4** · 28-03-2012 08:51 PM

مش هيفرق معايا اوي سعر اعاده البيع بس بعيدا عن الشياكه الثبات و الموتور و السحب و الحاجات دي يه فيهم افضل
و قطع الغيار مش ليها مراكز خارج التوكيل و لو مامن عليها مش هقضي علي المشكله دي

معلش هتقل عليك و شكرا لردك بس انا خبرتي بسيطه اوي في العربيات :)

**Dr'AhmZZong** · 29-03-2012 01:13 AM

خليك في c4 مادام مش همك التوكيل .. العربية ما شاء الله تحفة

**Dr'AhmZZong** · 29-03-2012 10:39 AM

المشاركة الأصلية كتبت بواسطة Hossam_hassan4

لا هاممني :) انا بسال لو فيه حل اتفادا بيه التوكيل ده بالتامين او اي حاجه و شايف ان فيه اجماع علي c4

بص يا بيييييه من الآخِر عشان مانضحكش على بعض .. سكك التأمين و التوكيل و الشغل ده سككه طويلة اوييييييييييي .. يعني لو مشكلة واجهتك بسبب العربية .. لو التوكل وحش < هيجبلك أي مصيبة و يقولك إن السبب > .. حلني بقى لما مشكلتك تتحل و تكلم التأمين و يقولك وانا اعمل ايييييييه .. لازم تعمل كذا و كذا و كذااااااااا .. و في الآخِر بتروح عن حماية المستهلك .. يعني من الآخِر اللي بيجيب عربية توكلها وحش بيلبس في الحيييييييط .. و العربية بتقعد بقى سنة ولا سنتين و بتبيعها في الآخِر .. تكون أنت انتهيت اساسااااااااااا ..

للاسف ديه الحقيقة ..

أنا من رأي خليك في ميجان 3 لا تختلف عن c4 في حاجة غير إن c4 مريحة اكتر بس و options زيادة و شكلها حلو .. غير كده ميجان ممتازة في كل حاجة + توكيل محترم جداااااااااااااااا

اتمني إن حضرتك تاخد كلامي بصدر رحب ..

تحياتي ليحضرك ..

**Dr'AhmZZong** · 30-03-2012 02:28 AM

المشاركة الأصلية كتبت بواسطة mohab.nabil

و لا طويل ولا حاجة يا باشا

الواحد بيأمن مع شركة محترمة ملهاش اى دعوة بالتوكيل

حضرتك بتروح تصلح الحاجة فى التوكيل لو لا قدر الله حصل حادثة و تدفع الفلوس بتاعتها و بعدين تودى الفاتورة لشركة التأمين و هما هيدوك مبلغ الاصلاحات

التوكيل ملهوش اى علاقة بالموضوع لأن التأمين بيبقى مع شركة خارجية

رأي حضرتك يحترم برده ..