استفسار عن الاير باج

**amriar** · 02-04-2012 04:49 PM

المشاركة الأصلية كتبت بواسطة gebreel

العادي زمان لكن دلوقتي اكيد لأ

والله يا أخ جبريل .. انا الموضوع دا معكننى اخر عكننه..

انا بحب عربيتى اللوجان دي جدا و الموضوع دا ضايقنى علي الأخر لانه هو القشه اللي قسمت ظهر الامير :)

يعني المصريين ما يستحقوش عربيات تليق بيهم ولا هم مش بنى ادمين.. الواحد اللي بيجيب عربيه اقتصاديه دا بيكون طالع عينه عشان يجيبها سواء كاش ولا تقسيط .. شوف العربيات في العالم كله تمنها كام و عندنا احنا تمنها كام...

يجي الوكيل المحترم يشيل شويه خواص زي حكايه سينسور الحزام عشان يخفض السعر يقوم يطلع مسخ مش عربيه .. دا حتى العلامه علي المفتاح مش موجوده كانك سارق المفتاح مش دافع تمنه

مش الوكيل دا بس كل اللي بيدخلوا عربيات في مصر ممشينها فهلوه و مواصفات مالهاش علاقه بالحقيقه لا تناسب الطرق ولا الامكانات الماديه ولا إحتياجاتك كمستخدم

ويجي المرور ( أيام ما كان في مرور

) ينكد عليك و يقولك ايه اللي لازقه واللي عامله و يغتت عليك و يمرمطك في التجديد و يا تدفع يا تتعطل

اللي بطلبه يا ساده انه يكون في احترام لعقول المشترين من المصريين الغلابه .. وان كنت ارى ان كل اللي بيشتري عربيه في مصر يبقي غلبان مهما غلي تمنها لانه بيتعذب في الطرق و المرور وطريقه السواقه العبقريه للتوك توك السحري و الميكروباص الطائر

الموضوع كمان في السيفتى و احنا في مصر ما شاء الله بيموت عندنا سنويا في الطرق قد اللي بيروحو في سوريا و فلسطين و ا فغانستان مجتمعين من الأضطرابات السياسيه و الحروب

أرجو كل واحد يبلغ غيره عن المشكله دي او الملاحظه دي عشان ياخد باله و يفضل حاطط الحزام و ربنا يكرمنا

إعذرونى علي الإطاله و لكن بفضفض مع اجدع ناس في الدنيا ..

**gebreel** · 02-04-2012 10:15 PM

المشاركة الأصلية كتبت بواسطة amriar

والله يا أخ جبريل .. انا الموضوع دا معكننى اخر عكننه.. :i_angr1[1]:انا بحب عربيتى اللوجان دي جدا و الموضوع دا ضايقنى علي الأخر لانه هو القشه اللي قسمت ظهر الامير :)

يعني المصريين ما يستحقوش عربيات تليق بيهم ولا هم مش بنى ادمين.. الواحد اللي بيجيب عربيه اقتصاديه دا بيكون طالع عينه عشان يجيبها سواء كاش ولا تقسيط .. شوف العربيات في العالم كله تمنها كام و عندنا احنا تمنها كام...

يجي الوكيل المحترم يشيل شويه خواص زي حكايه سينسور الحزام عشان يخفض السعر يقوم يطلع مسخ مش عربيه .. دا حتى العلامه علي المفتاح مش موجوده كانك سارق المفتاح مش دافع تمنه

مش الوكيل دا بس كل اللي بيدخلوا عربيات في مصر ممشينها فهلوه و مواصفات مالهاش علاقه بالحقيقه لا تناسب الطرق ولا الامكانات الماديه ولا إحتياجاتك كمستخدم

ويجي المرور ( أيام ما كان في مرور :copy of m-s5:) ينكد عليك و يقولك ايه اللي لازقه واللي عامله و يغتت عليك و يمرمطك في التجديد و يا تدفع يا تتعطل

اللي بطلبه يا ساده انه يكون في احترام لعقول المشترين من المصريين الغلابه .. وان كنت ارى ان كل اللي بيشتري عربيه في مصر يبقي غلبان مهما غلي تمنها لانه بيتعذب في الطرق و المرور وطريقه السواقه العبقريه للتوك توك السحري و الميكروباص الطائر

الموضوع كمان في السيفتى و احنا في مصر ما شاء الله بيموت عندنا سنويا في الطرق قد اللي بيروحو في سوريا و فلسطين و ا فغانستان مجتمعين من الأضطرابات السياسيه و الحروب

أرجو كل واحد يبلغ غيره عن المشكله دي او الملاحظه دي عشان ياخد باله و يفضل حاطط الحزام و ربنا يكرمنا

إعذرونى علي الإطاله و لكن بفضفض مع اجدع ناس في الدنيا ..

الحقيقة انت صح في كل لكمة بتقلها فعلا

**wassim_nasser** · 04-04-2012 01:34 AM

اولا حمدلله علي سلامتك

ثانيا هو حضرتك دخلت ب وش العربية ف العربية اللي قدامك .. اقصد هل الخبطه ف الاكصدام الامامى ف الجزء اللي فيه السنسور بتاع الايرباج؟ .. خد بالك حضرتك ان الايرباج ماتشتغلش ف حاله الخبطات الخلفية أو الجانبية

**nabilsna** · 07-04-2012 07:41 PM

الخبطة كانت بالرفرف الامامى يمين بالضبط فى الفانوس الامامى يمين فى جنب عربية ربع نقل دبابة اتكسر الفانوس تماما اطبق الرفرف وكنت ماشى على120 تقريبا دست فرامل او لفيت الدريكسيون شمال فانقلبت وماكنتش رابط حزام ولم يفتح الايرباج

**amriar** · 08-04-2012 05:48 AM

المشاركة الأصلية كتبت بواسطة nabilsna

الخبطة كانت بالرفرف الامامى يمين بالضبط فى الفانوس الامامى يمين فى جنب عربية ربع نقل دبابة اتكسر الفانوس تماما اطبق الرفرف وكنت ماشى على120 تقريبا دست فرامل او لفيت الدريكسيون شمال فانقلبت وماكنتش رابط حزام ولم يفتح الايرباج

حمد لله علي سلامتك انا رايح التوكيل قريبت وها اسأل علي الحاجات دي كلها واعرف منهم رايهم ايه عشان اتطمن..

**dr_mustafa_ali** · 21-06-2012 06:54 PM

هو الموضوع ده وقف على ايه كده؟؟؟ حد راح التوكيل وسال؟؟ وايه وضعنا مع الاير باج ده لو فعلا مش مربوط مع الحزام يكون ايه وضعنا مع التوكيل .. وليه الكلام ده مختلف عن الكتالوج وليه مش كاتبين تحذير من حاجة زي ده؟؟؟؟

**sherifboo** · 22-06-2012 12:12 AM

المشاركة الأصلية كتبت بواسطة nabilsna

الخبطة كانت بالرفرف الامامى يمين بالضبط فى الفانوس الامامى يمين فى جنب عربية ربع نقل دبابة اتكسر الفانوس تماما اطبق الرفرف وكنت ماشى على120 تقريبا دست فرامل او لفيت الدريكسيون شمال فانقلبت وماكنتش رابط حزام ولم يفتح الايرباج

10000 سلامة لحضرتك و يا رب تكون بخير بس انا عندي في مفتاح التحكم بتاع الاير باج اللجنب السواق سواء تفعليها او تعطيلها في جنب الطبلوه ناحية كرسي اللي جنب السواق (المفروض عشان لو في كرسي للاطفال انا حطه جنبي يبقى لازم اعطلها اعملها Disable يعني ) لكن بتاعت السواق طبعا مفهاش الكلام ده بس فعلا اللي حارق دمي انه لمبة الحزام مابتنورش لما بشغل العربية بس هل ده معناه انه فعلا مفيشش سينسور طيب لو ده حقيقي ايه فايدة الاير باج طالما كده كده هتفتح و بكدة ضررها اكبر من نفعها من وجهة نظري ... ما الحل يا وحوووش

**amriar** · 24-06-2012 04:31 AM

روحت التوكيل من فتره وسألت المهندس و الخلاصه انه اوبشن وعلي قد فلوسك مد رجليك و اللي حزامه في راسه يعرف خلاصه .. دا اوبشن عشان موجود في الميجان و الداستر و ممنوع فصل الأير باج لانها بتم علي الكمبيوتر و ممنوع تمام فصلها .. يعني ياتلبس حزامك يا تلبس الأير باج