أبيع لانسر 2003 و أجيب جولف 2 أو 3؟؟؟؟

**MaaG** · 07-06-2008 04:58 PM

أنا معروض عليا فكرة إني أبيع اللانسر 2003 إلي معايا و أجيب جولف 2 أو 3 موديل 93 (أو في الرينج ده ) ، طبعا أنا بعز الألماني جدا ، و جربت الجولف بتاعت صحبي ، و هيا جولف 2 موديل 92 و مكنتها 1800 ، بصراح عجبتني جدا بس مش ناعمة زي اللانسر ، تحس إنها عربية عضلات ، بس ثباتها كويس جدا على الطريق ، و مش عاجبني فيها إن شكل التابلوه بتاعها أديم و مش عصري ، علشان كده فكرت في الجولف 3 .

فيريت أعرف رأي الناس في الفكرة دي ، لو إنت مكاني هتعمل إيه ؟؟؟؟

**Ahmed Hassan** · 07-06-2008 05:36 PM

مع احترامي الشديد لفكرتك.. بس انا شايف ان مفيهاش اي منطق خالص!! ليه اركب عربيه اقدم.. و ليست فئه اعلى بأي حال من الأحوال!! لو عايز تغير و تركب ألماني يبقى تحافظ على المستوى اللي انت فيه و تفكر في جولف 4 و ما فوق مع الأخذ في الاعتبار فرق تكاليف الصيانه... غير كده مش مضبوط.

**banboty** · 07-06-2008 06:01 PM

احسب مميزات و عيوب العربيتين و اللى تطب الكفة لصالحها , تختارها

و لكن طبعا اللانسر تكسب بمراحل ..

**X_MM_X** · 07-06-2008 06:06 PM

المشاركة الأصلية كتبت بواسطة Ahmed Hassan

مع احترامي الشديد لفكرتك.. بس انا شايف ان مفيهاش اي منطق خالص!! ليه اركب عربيه اقدم.. و ليست فئه اعلى بأي حال من الأحوال!! لو عايز تغير و تركب ألماني يبقى تحافظ على المستوى اللي انت فيه و تفكر في جولف 4 و ما فوق مع الأخذ في الاعتبار فرق تكاليف الصيانه... غير كده مش مضبوط.

+100000000

**Xpert** · 07-06-2008 10:28 PM

لان هيا عربيه عضلات و مش ناعمه ... الالماني معمول للاجريسيف درايفينج .. القياده الشرسه .. و عامه لاحظ ان الضريبه و الرسوم غليت ... و اعمل حساب نقص الشنطه في الجولف ...!

**osamaos20022** · 08-06-2008 12:13 AM

gulf 4
طبعاااااااااااااااا

**Ahmed Samy** · 08-06-2008 01:34 AM

فعلا
دي اتجاه تاني خالص
و صدقني هاتندم
انت سايب قمة راحة البال (بأداء مناسب جدا) و رايح لقمة وجع القلب مش قصدي ان الجولف وحشة ...بس الماني و موديل قديم

و لو كنت من الناس التي تقدس الأداء الرياضي و تبذل في سبيله الغالى و الرخيص يبقى عمرك ما كنت هاتحط رجلك في لانسر

راجع نفسك أنا مش معاك بس زي ما الشباب قالوا

لو جولف 4 يبقى عندك حق

**MaaG** · 08-06-2008 01:58 AM

ألف شكر على الاهتمام.
و لو ممكن حد يقولي الجولف 4 بكام ؟؟؟
و لو فكرت في الجولف 4 هيكون أحسن ، ولا أخليني في الاانسر أحسن ؟؟؟
أصل النقلة دي مخوفاني فعلا ، أنا دايما راكب ياباني ، و بصراحة مريحني جدا ، و أسمع عن الألماني ، و الجلف بالذات إن مصاريفها كتيير ، و والدي الله يرحمه كانت معاه مرسيدس برضو مصاريفها كانت كتير و دوشتها كتير .

**Ahmed Samy** · 08-06-2008 02:20 AM

الجولف 4 تبدأمن أوائل السبعينات و ممكن تدخل فى التمانينات للآخر

طبعا حسب الحالة

كل اللي نزل مصر كان مانيوال 1600 يعني لو لاقيت حاجات اوتو أو 1800 أو 2000 وانت طالع غالبا بيكون متسقط ... و بلاش

العربية تحفة تحفة تحفة بس بشرط الحالة طبعا

و اوعى تسترخص على حساب الحالة بل بالعكس

أما بما انك راكب ياباني من زمان فا مانصحكش بألماني (مستعمل)

**MaaG** · 08-06-2008 03:07 AM

أشكر الاستاذ أحمد سامي على اهتمامه ، بس معلش كان فيه سؤال نفسي أسأله ، هوا ليه دايمن الناس الفاهمة في السيارات تقول بلاش المكن المتسقط ؟؟؟؟؟؟

مشاهدة نتائج الإستطلاع: تفضل ركوب جولف قديمة( 2 أو 3 ) بدل لانسر 2003؟؟؟

الموضوع: أبيع لانسر 2003 و أجيب جولف 2 أو 3؟؟؟؟

LinkBack

أدوات الموضوع

عرض

-

-

-

-

المواضيع المتشابهه

عايز أبيع الكليو على أخر السنة أجيب ايه؟

مطلوب .. جولف 4 2003 او جولف 5 2005

مطلوب .. جولف 4 2003 او جولف 5 2005

أبيع الإلنترا و أجيب فيات لينيا و للا كده جنان.......؟

عايزة أبيع عربيتى اللانسر 1300 و أجيب عربية صغيرة

الكلمات الدلالية لهذا الموضوع

المفضلات

المفضلات

ضوابط المشاركة