كنترول شيروكي 94

**cooleye** · 29-03-2012 05:00 AM

السلام عليكم
محتاج كنترول شيروكي موديل 94 مانيوال 4 سلندر ضروري جدا
ياريت اللي يعرف اي محلات قطع غيار او يقدر يجبلي ارقام تلفونات محلات الاستيراد والجديد
يساعدني من فضلكم
دورت في الحرفيين وبورسعيد ومش لاقي خالص كل اللي موجود 6 سلندر ومش عارف ايه الحل؟؟؟؟؟
منتظر ردرد الاعضاء اللي يعرف اي معلومه او فين اقدر اجيبه ضروري

**M!NA** · 29-03-2012 11:01 AM

المشاركة الأصلية كتبت بواسطة cooleye

السلام عليكم
محتاج كنترول شيروكي موديل 94 مانيوال 4 سلندر ضروري جدا
ياريت اللي يعرف اي محلات قطع غيار او يقدر يجبلي ارقام تلفونات محلات الاستيراد والجديد
يساعدني من فضلكم
دورت في الحرفيين وبورسعيد ومش لاقي خالص كل اللي موجود 6 سلندر ومش عارف ايه الحل؟؟؟؟؟
منتظر ردرد الاعضاء اللي يعرف اي معلومه او فين اقدر اجيبه ضروري

لو أنا كنت مكانك..... كنت هعمل حاجة مختلفة تماما..... ماتستغربش......

الكنترول ده.... لو مية جت عليه أثناء غسيل العربية..... هيبوظ.....
لو حصلت أي قفلة في الكهربا..... هيبوظ.....
و لو باظ منك.... مش هتلاقيه..... و لو لقيته هتلاقيه غالي جدا.....

ليه بأة وجع القلب دا كله؟؟
الكنترول ده بيعمل ايه؟؟ مش بينظم الحقن و الإشعال؟؟ لو لغيت الحقن و غيرت المنافول بكربراتير و شوية حاجات بسيطة في الكهربا..... هتنتهي تماما من مشاكل الكمبيوتر و الحساسات.....

رأيي ده شخصي و أنا لو معايا عربية فيها المشكلة ديه هعمل كدا..... و متعتبروش نصيحة الا لو عجبتك الفكرة..... :-)

**M!NA** · 29-03-2012 06:30 PM

المشاركة الأصلية كتبت بواسطة cooleye

شكرا ياباشا لاهتمامك
انا سمعت الفكره دي قبل كده
بس انا كده بقلل من سحب العربيه وسعرها بيقل
ممكن اخليها اخر خطوه خالص
بس متعرفش تكلفتها اد ايه؟

بالعكس..... احنا كدا هنتحكم في السحب.... عايزين نزوده نزوده بطريقتنا...... بحسب نوع الكربراتير اللي هنركبه..... و مدخل الهوا و الفلتر..... و بالنسبة لسعرها.... احنا هنحتفظ بكل الintake manifold القديم عندنا.... ووقت ما نيجي نبيع.... نرجع كل حاجة على أصلها :)

كتكلفة لسة معرفش.... بس مش غالية..... احنا هنشوف الكربراتير بكام..... و نشوف ميكانيكي محترم يقعدلنا كل الحاجات بتاعتنا.... و كهربائي نضيف ....و خلاويص على كدا.... :)

**M!NA** · 01-04-2012 12:14 PM

المشاركة الأصلية كتبت بواسطة cooleye

fياباشا ميرسي جدا
انا عارف اني متقل عليك
بس ماتعرفش ارقام محلات قطع غيار جيب جديد
انا سمعت اني ممكن الاقيه جديد تايواني في التوفيقيه

والله لو أعرف حد مضمون مكنتش اتأخرت عليك.....

**melrefay** · 14-04-2012 02:03 PM

كان عندى نفس المشكلة ومش هتلاقية استيراد خالص لان العربية ال4 سلندر مبتجيش استيراد وفى الاخر رحت توكيل عز العرب وقالى 16 يوم وهيجى دى اتش ال وفعلا جية بعد 15 يوم بس حضر نفسك فى قيمة 6000 جنية كدة